 |
 |
 |
 |
 |
 |
 |
 |
Reproduccion digital
No yoan netetzaujloia moteittitiaia ín jtoca cujtlapanton anoço cintanaton mjtoa in acolhoacan centlapachton iuh tocaiotilo Qujtoa çan vncan in neaxixaloian in tlaçulpan moteittitiaia intla ie aca axixmjquj in çan icel ioaltica quiça in aço metztona anoço tlaiooa iquac qujmottitia çan ieh much ie qujnextiaia in mjqujztetzaujtl In aqujn qujmottitia ic qujtetzanvia in ace mjqujz [fol r
] anoço itla ipan ie muchioaz auh yn acanoço tlei çan conmamauhtia auh injc ittoia iuhqujn civapiltontli çan vel tepiton civapiltepiton amo achi quauhtic çan cacapanton chachapaton tzapaton cujtlapachton tzonqueme tzotzonqueme tzotzoquenpile vel icujtlacaxiuhian vetzi in jtzon in jtzonquen auh injc nenemj çan tlalli ixco onotiuh pepeiocatiuh amo vel cana in qujmottitia intla ie qujtoca çan ixpan ompolivi çan jc qujqueloa iene cecnj ín valmonextia vmpa qujtoca in canaznequj ompoliuhtiuh çan iuh commauhcacaoa conciauhcaoa ommonenencoa