CF_05_V

folio: 21r

Reproduccion digital

CF_05_V 21r
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

21r 178

Injc cempoalli omey capitulo intechpa tlatoa in totolme

21r 180

In totolme in jquac tlapachoa amo vel inpan calaquj in mocactia oc cenca yquac in ie tlapanjzque totolti qujlmach ic mocototztlalia amo vel tlapanjzque cequjntin ic mjquj auh in cequjntin yn jquac tlacati qujl çan cocototzpipil in vncan cate in cacalloc Auh qujl injc amo iuh muchioazque yn cacçolli intlan qujtema in tlapachoa

21r 182

Injc cempoalli onnavi capitulo intechpa tlatoa yn totolconentoton

21r 184

Auh in jquac otlacatque in totolconentoton avel inpan calaquj in momecatianj in aço cioatl in anoço toqujchtin in anoço namjqueque in jquac in aço oqujtlaxin inamjc intla inpan ocalac qujtoa qujntlaçolmjctia Auh injc neci çan muchintin aaquetztiuj injc mjquj totolpipil ic qujtoa ca tlaçolmjquj aço aca inpan ocalaqujco anoço oqujmjttac anoço aca vel chane in oqujntlaçolmjcti ic qujmatia in çan muchin aaquetztivi totlme injc mjquj Qujl no iuh inpan muchioa in namjqueque in aço cana qujtlaxima inamjc in aço cioatl anoço toqujchtin injc qujmati çan qujpiqui in aaquetztivetzi anoce cana motlavitequj

21r 186

Injc cempoalli ommacujlli capitulo ytechpa tlatoa in icpatl qujqujti

21r 188

In jcpatl in aço tilmatli anoço vipilli anoço cueitl in jquac qujqujti in chicopatilivi in chicoviaqujxtiuh in tennecujliuhtiuh qujtoaia qujlmach amo tlacaiollo yn tilmaoa yn vipilli çan cueciuhquj çan tlatlaveliloc amo tlacaiollo

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v