22r 208
In jquac aca acuchoa qujtoaia in ie vecauh [fol r
CF_05_V
folio: 22r
Reproduccion digital
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
22r 209
] aqujn nechitoa aqujn nechteneoa anoce qujtoaia aqujn nêchicoitoa anoçe qujtoa aqujque in noca mononotza Qujl iehoatl qujnezcaiotiaia iehoatl ic qujmatia in jquac acuchoa in aca canapa veca qujnteneoa
22r 211
Injc cempoalli ommatlactli oce capitulo y techpa tlatoa in pipiltotonti
22r 213
In iehoantin in pipiltotonti in jquac yn oc coçolco onoque in jquac tlaqualo anoço itla mjz achto ijxquac contlaliaia qujlmach ic amo tzitzicunoz amo motolinjz in tlein moqua anoço mj
22r 215
Injc cempoalli ommatlactli omome capitulo ytechpa tlatoa in ooatl
22r 217
In iehoatl ooatl qujlmach aiac vel iooaltica qujquaquaz in aquin iooaltica quiquaquaz qujlmach ic tlanqualoz iehoatl iuh qujchioa in aqujn tlanqualo in iooaltica oqujquaqua ooatl Auh intlaca qujquaquaz tepiton achtopa qujtotonja tleco qujl ic amo iuh ipan muchioaz
22r 219
Injc cempoalli ommatlacomey capitulo itechpa tlatoa in calquavitl nanatzca
22r 221
In jquac cemjlhujtl anoço iooaltica in tlatlatzca in juhquj popoztequj anoce vel poztequj in calquavitl qujtoaia qujl iehoatl qujnezcaiotia in aço ie mjqujz in chane anoce ie mococoz anoce ypilhoan anoce yoajulque in vel vnca nemj ichan
22r 223
Injc cempoalli ommatlactli onnavi capitulo ytechpa tlatoa in metlatl
22r 225
In iehoatl metlatl qujmotetzaujaia in njcan tlaca in jquac aca vncan teztoc in oalpuztequj ic necia qujlmach ie mjqujz in otecia anoce iehoatl in chane anoco inpilhoan anoce ceme mjqujzque in jnchantlaca
22r 227
Injc cempoalli on caxtolli capitulo ytechpa tlatoa yn calmamaliliztli
22r 229
In jquac aqujn mocaltiaia in jquac calmamali muchintin quj centlalia in vevetque imjxpan in tlequauhtlaçaia Intla iciuhca qujtlaça in amo vecauhtica qujtoa qujlmach mopaqujltitiez vellamatiez in chane in omocalti Auh intlacaiaxcan vetzi in tletl qujlmach ic qujttaia in vevetque amo pactiez amo vellamatiez in chane