2r 93
Nehuatl nicnotlacatl
Castillo Cristobal del
folio: 2r
Reproduccion digital
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
2r 94
Christoval del Castillo
2r 96
Capit Ca nican mitoa inquenin in campa huallaque in axcan motenehua Mexicâ Tenochca ihuan in aquin oquinhualyacantia in huel nelli huei tlacatecolotl motocayotia tetzauhteotl Huitzilopochtli
2r 97
Ca quitoa in huehuetque in Tenochca Mexicâ iz zan no oilhuiloque iz zan ocaquiltiloque in amo huel yehuantin ocatcâ in acachto ohual quiztihuitza in canin ilhuica atl ixeliuhyan inic hualpanoque in iquac inoxêloa mocâcâhua in ilhuicaatl in nocè quitocayotia teoatl ca iniquac iuh mochihua in inic necoc moxeloa in ilhuicaatl in anocè teoatl iquac timomana in tlalli inic huel zan tlalhuaccapan huallaque in onca ohualquiztihuallaque in axcan motenehua Mexica Tenochca ca amo yeppa iuhqui quimotocayotiaya inic Mexica Tenochca ca zatepan _ oquimotocayotique
2r 98
Auh in huel in toca catcâ in ompa ohuallaque ca quimotocayotiaya Aztecâ Chicomoztoca inic quitoa in canin hualquízque inic huallaquê Chicomoztoc Aztlan Auh niman quimotocayotique Colhuaquê Chichimecâ ye hica in ômpa ohualquiztihuallaque in huei Colhuacan huei Chichimetlalpan inic oquímotocayotique Colhuaque Chichimeca Chicomoztoca Azteca Auh ca zatepan oquimo otocayotique in ontlamantli in acachto ic oquimotocayotique Tenochca ipampa yehuatl oquihualyacantia in intlatocauh inteyacancauh ohualmochiuhtia inic oncan ohualacico in oncan oquitocayotique Tenochtitlan Auh yequenê zatepan oquintocayotique in ixquichtin altepehuaque in Azcapotzalcâ in Tepanecâ ic mocenteneuhticate Tlacopanecâ ye mochitin in huicalhuan in Coyohuaque Atlacuihuayancalquê inic oquintocayotiquê Mexixiquilquani ypampa ca cenca capizquaya in Mexixquilitl Auh za oc ontlamelauhcateneuhque Mexica aocmo oquitzonquixtique in Mexixquilquani za Mexica Mexitin ihuan Mecitin yeica in tlacatelotl in quitocayotia Tetzauhteotl quimilhui ca in yehuatl in Metztli ca ici inic nomotocayotique Mecitin