0 0

0 0

{f. 69r} çitlalcoyutl ynic tlachiuhtli ça mochi tliltic yvitl ynic tlatzacutlj ytzo^teco no iuhq'n ieoayo yztac yvitl ynic cuicuiltic. tliltic cvyutl ynic tlachiuhtli ça^ moquitica totolivitl papaçoltic. maquavitzoctli ynic tlaxintli avaquavitl nauhca^pa cuitlatetepone quavitztic {p. 276} tlavitolli ynic tlaxintli tomavac vel atic y^ mitl tlaxaltentlj quauholloli ynic tlaxintli avaquavitl ça^ quaololtic. atlatl ynic tlaxintli tomaoac veyac mamazyo tepoztli yn iquac ca quauhtica y^ quitlaça. tematlatl ynic tlachiuhtli mecatl y^ tlamatlachioali vnca^ motlalia y^ tetl ynic tlamotlalo tlatematlavilo. {p. 276}

0 9

{f. 254v} Jnic. iij. parrapho ipan mitoa yn izquitlamantlj ynic tlayecoltiloya teteu. {p. 70} Tlamanaliztlj Jnic tlamanaloia tlaqualtica ioa^ tilmatica, tlamanaloya, ioa^ yca yn tlein yoyolli aço totolli, anoço tototl anoço tilmatlj, ano in tlein iancuican mochioa aço centli anoço chia^ aço xochitl anoço in tlein, auh inic tlamanaja civatzitzinti yovac in quimixitiaya y^ tenava^ in tetava^ inic quimanativi ventlamapictlj in tlaxcaltzintlj tepitoton. ynic içiuhca quimanativi ixpa^ diablo, caxtica in quitquia ve^tlj y^ic conmanaia, ça^ incha^ mochivaia in tlaxcalli ic tlamanaia civatzitzinti Tlenamaquiliztlj Auh inic mochivaia tlenamaquiliztlj, y^ ica tlemaitl, çoquitl tlachioalli, cacalacho, vnca^ contemaia in tlexochtlj in tlemaco yc conxopiloaya in tlexochtlj y^ ocoxupiloq^ tlexochtlj nima^ yc contema^ copallj yc valquiça in ixpa^ diablo anoço yn ithvalnepa^tla y^ vnca^ icac tlequaztlj çvquitl tlachichivallj auh y^ omoquetzaco ixpa^ diablo nima^ nauhca^pa quiyava in tlemaitl inic tlapopochvia auh in icoac onauhca^pa oconiyauh yc nima^ o^contema in tlequazco vnca^ popucatica y^ copalli {p. 71} Auh inic muchivaia no iovatzinco in quimixitia in tepilhoa in oquichtin y^ anoço çiva, quimixitiaya in tenava^ in tetaoa^ inic tlenamacazq^ içiuhca quimixitiaya ynic amo tlatzihuizcuizq^ techa^ i^ mochivaya y Copaltemaliztlj Auh in copaltemaliztlj yc mochioaia in icoac in tlein tlatolli ie mitoz, aço tecuhtlatolli achto contemaia in copallj in tleco yn aquin ie tlatoz ça^ vnca^ ma^ca in copallj xicaltica : anoçv cuicanj in ie cuicaz, ie peoaz achto co^tema in copallj in tlequazco njma^ ic peoa in cuicanj. Tlalqualiztlj Jn tlalqualiztlj yc muchivaia : icuac in campa valhuiloaia, muchi tlacatl vntlalquaia yca in ce imapil aço ixpa^ diablo anoço tlecuilixcoac ioa^ yc tlaneltililoya yc neltia in tlatollj in icoac y^ tlein amo cenca neltocoia tlatollj yc teilhuiloya, intla nellj in tiquitoa tla xontlalqua. yc nima^ tlalquaia y^ aquin ynic quineltiliaia itlatol. Tlatlaçaliztlj Auh ynic muchivaia tlatlatlaçaliztlj icoac in tlein qualoz y^ aiamo quallo aço tlaquallj achtopa achiton tepiton mocotonaia tlecuilixcoac vnmotlaçaya y^ vntlatlatlaçaloc nima^ {p. 72} ic peoa ynic tlaqualoz aiac achto tlaquaia vel achto tlatlatlaçaloya in tlecuilixcoac Tlatoyavaliztlj Jnic muchivaia tlatoyavaliztlj icoac in tlavanaloya aço vitziecoloya, icoac in aca iancuica^ quitlaliaya vctlj in icoac oquitlapivi y yoc, ic tenotzaya quivalmana apaztica, tlecuilixcoac yoa^ tetlava^caxtepito auh y^ icoac ie tetlavantiz coxopiloa tetlavantica y^ vctlj, nima^ yc co^toyava in tlecuilixcoac nauhcampa contoiavaia y^ octlj auh in icoac oco^toiauh octlj nima^ ic muchi tlacatl quiya in vctlj, nima^ ic peva in tetlava^tiloya {p. 72}

0 9

{f. 254v} Jnic. iij. parrapho ipan mitoa yn izquitlamantlj ynic tlayecoltiloya teteu. {p. 70} Tlamanaliztlj Jnic tlamanaloia tlaqualtica ioa^ tilmatica, tlamanaloya, ioa^ yca yn tlein yoyolli aço totolli, anoço tototl anoço tilmatlj, ano in tlein iancuican mochioa aço centli anoço chia^ aço xochitl anoço in tlein, auh inic tlamanaja civatzitzinti yovac in quimixitiaya y^ tenava^ in tetava^ inic quimanativi ventlamapictlj in tlaxcaltzintlj tepitoton. ynic içiuhca quimanativi ixpa^ diablo, caxtica in quitquia ve^tlj y^ic conmanaia, ça^ incha^ mochivaia in tlaxcalli ic tlamanaia civatzitzinti Tlenamaquiliztlj Auh inic mochivaia tlenamaquiliztlj, y^ ica tlemaitl, çoquitl tlachioalli, cacalacho, vnca^ contemaia in tlexochtlj in tlemaco yc conxopiloaya in tlexochtlj y^ ocoxupiloq^ tlexochtlj nima^ yc contema^ copallj yc valquiça in ixpa^ diablo anoço yn ithvalnepa^tla y^ vnca^ icac tlequaztlj çvquitl tlachichivallj auh y^ omoquetzaco ixpa^ diablo nima^ nauhca^pa quiyava in tlemaitl inic tlapopochvia auh in icoac onauhca^pa oconiyauh yc nima^ o^contema in tlequazco vnca^ popucatica y^ copalli {p. 71} Auh inic muchivaia no iovatzinco in quimixitia in tepilhoa in oquichtin y^ anoço çiva, quimixitiaya in tenava^ in tetaoa^ inic tlenamacazq^ içiuhca quimixitiaya ynic amo tlatzihuizcuizq^ techa^ i^ mochivaya y Copaltemaliztlj Auh in copaltemaliztlj yc mochioaia in icoac in tlein tlatolli ie mitoz, aço tecuhtlatolli achto contemaia in copallj in tleco yn aquin ie tlatoz ça^ vnca^ ma^ca in copallj xicaltica : anoçv cuicanj in ie cuicaz, ie peoaz achto co^tema in copallj in tlequazco njma^ ic peoa in cuicanj. Tlalqualiztlj Jn tlalqualiztlj yc muchivaia : icuac in campa valhuiloaia, muchi tlacatl vntlalquaia yca in ce imapil aço ixpa^ diablo anoço tlecuilixcoac ioa^ yc tlaneltililoya yc neltia in tlatollj in icoac y^ tlein amo cenca neltocoia tlatollj yc teilhuiloya, intla nellj in tiquitoa tla xontlalqua. yc nima^ tlalquaia y^ aquin ynic quineltiliaia itlatol. Tlatlaçaliztlj Auh ynic muchivaia tlatlatlaçaliztlj icoac in tlein qualoz y^ aiamo quallo aço tlaquallj achtopa achiton tepiton mocotonaia tlecuilixcoac vnmotlaçaya y^ vntlatlatlaçaloc nima^ {p. 72} ic peoa ynic tlaqualoz aiac achto tlaquaia vel achto tlatlatlaçaloya in tlecuilixcoac Tlatoyavaliztlj Jnic muchivaia tlatoyavaliztlj icoac in tlavanaloya aço vitziecoloya, icoac in aca iancuica^ quitlaliaya vctlj in icoac oquitlapivi y yoc, ic tenotzaya quivalmana apaztica, tlecuilixcoac yoa^ tetlava^caxtepito auh y^ icoac ie tetlavantiz coxopiloa tetlavantica y^ vctlj, nima^ yc co^toyava in tlecuilixcoac nauhcampa contoiavaia y^ octlj auh in icoac oco^toiauh octlj nima^ ic muchi tlacatl quiya in vctlj, nima^ ic peva in tetlava^tiloya {p. 72}

0 14

{f. 257v} Tlatlapitzaliztlj Jnic muchivaya in tlatlapitzaliztlj iquac in ye tlaquauhyovac y ye onacitiuh yovalnepantla iquac tlapitzaloya yc neçovaya yn icha^ diablo ic teixitiloya Tlaticatlaviliztli Jnic muchivaja tlaticatlaviliztlj yn icoac ye ticatla y^ yovalnepantla oaçic no tlapitzalo. ic teixitillo yc pevaya in tlapializ motenevaja tlavitequini. auh in aqujn amo vel iça atl ipa quinoquiaia anoço tletl ipa^ quitzetzeloaia anoço atlan contlaçaia. caantiquiça vnpa co^tlaçaia in tlillapa anoço coapa^ Nenacazxapotlaliztlj J nenacazxapotlaliztlj no ic tlaieiecalhuiloya in diablo ynic nenacazcoyoniloya Netexapotlaliztlj ça no iuhqui y netexapotlaliztlj ça no ic tlaieiecalhuiloya y^ diablo. {p. 81}

0 15

{f. 258v} Jnic. iijj. parapho ypan moteneva yn izquinti tlatequipanovaya yn i^chan çeçeyaca teteu. Mexicatl teovatzin. Jnic muchichivaya mexicalteovatzi^ yxicol, ytlema, yxiquipil ynic quimaviztiliaya diablo yoa^ yc tlapiaya ca iuhqui in tetta muchiuhticatca y^ calmecac, iuhqui in ma intlatocauh catca in teteuvatzi^tzi^ ynic novia^ yoa^ ixquich in tepilhoa^ intech vncavaloya ynic quimizcaltiz ynic quivapavaz tlatoltica ynic vel nemizque ioa^ in aço tlatocatizq^ anoço mocuiltonozq^ anoço teyacanazque tlapachozq^ muchi yevatl itequiuh catca y^ mexicalteuvatzi^ yoa^ no iehoatl tlanavatiaya y novia^ teteupa^ quimilhuiaya in tlein quichivazq^ teteuvatzitzi^ auh in anoço aca tlatlacoa muchi yevatl quimatia y^ mexico teuvatzi^ Vitznavac teuvatzin. Omacatl ide^. Jn vitznauac teuvatzi^ ça no iuhqui ynic tlamanitiaya yn iuhqui ic tlamanitiaya mexico {p. 82} teovatzi^ no iuhqui ynic tlapiaya in calmecac in queni^ vel tlacavapavaja tenonotzaja. Tepan teuvatzin. Jn tepa^ teuvatzi^ ça no iuhqui yn itlapializ catca yn iuhqui yn iuhqui yc tlapiaya in mexico teuvatzi^ iehica ca muchi iehoatl quinavatiaya in quenj^ tlapiazq^ calmecac, in quenj^ tlacazcaltiaya tlacavapavaia ça^ muchiuhqui in quichivaia ynic novia^ teteuvatzitzi^ Ometochtzin. Jn ometochtzin itequiuh catca in quinnechicoaia centzontotochti in ie mochintin aiac molcaoaia, vncan tepan icaca in patecatl iuhquin tachcauh mochioaia. nima^ ie quiq^tza in tochtecomatl v^can co^teca in macuilloctli in quilviaia tevoctli, nima^ ie quioalquistia in pa^tecatl y^ piaztli acatl vnca^ co^mana in teuoctli ipa^ ça^ matlacpoalli omej çaz çe in coio^q^ auh in o^co^ma nima^ ie ic netotilo tlaiaoaloa in ce^tzo^totochtj. nima^ ie ic vi in ivicpa in teuoctli, ce^ca moquequeça in ac iehoatl quittaz coionqui, auh in oquittaq^ in aq'n oquicuic coionqui nima^ ipan mochintin quitlalcavia ça icel quiticac in tevvctlj auh in otevtlaoanoc nima^ ie ic viviloa. {p. 83} Epcovacuacuiltzin Jn epcohoacuacuiltzin izca in itequiuh catca, in icoac ilvitl quiçaz in aço xiuhtzitzquilo in ie mochi ilhvitl mochi ipa^ tlatoaia inic tletemaloz, in ie mochi mochioaz mochi iehoatl ic tlanavatiaja ipa^ tlatoaia. Molonco teuva Jn molonco teuhoa, çan no iehoatl itequiuh catca, ipa^ tlatoaia, in copalli, in olli, in amatl, in tlilli inic moçaia in iehoatl chicvnavecatl, yoan ipa^ tlatoaia in tlemaitl y^ çollin, yoa^ ihvitl tliltic ic mopotoniaia in chicunavecatl.

0 32

{f. 267r} Tepictoton, yn inechichiuh. yn aquin tepiquia ynic monetoltiaia quimixiptlatiaia yn tetepe yn quezquitetl, quinequiz quimixiptlatiz yn tetepe, yn iuhquima quiyacatiaia tetepe pupuca tlaloc ipan quiquixtiaia inic quichichiuaia tzoalli moçaticatca y yamacal y yamacuexpal {p. 114} quetzalmiavaio y yamatlaque y yoztopil ymac ycac : çan no iuhqui yn iztac tepetl yn inechichiuh ym oltica tlacuiloli yn itlanque iniquim omexti. Jnic etetl matlalqueie texutica tlacuiloli in itlaque yn iamacal. Jnic naui chalchiuhtli icue ça no iuhq' in itlaque yn i yamacal yn texuctica tlacuiloli yn intlatlatqui yn vmenti Auh inic quintlaliaia y. tlalchipa itztoca : auh teixnamictoca inic macuiltetl, quitocaiotiaia quetzacoatl yn inechichiuh mecaichiuhtica y yecaxochiuh contlalitica yn imacal tliltic quetzalmiyava yn itlaque yn itlaque oltica tlacuiloli tlayavaliuhcatectli ça no iuhq' yn imac icac quitoaia ichiquacol. O ca iuhquin i ynic quinchichivaia ypampa mitoaia tlaloque intech tlamiloya yehoan quichiva in quiavitl. {p. 114}

0 45

{f. 267r} Tepictoto^. {p. 116}

0 48

{f. 269v} Jnic. vijj. parrapho, in quezqui tlamantli in intetlavelil, in tetev. {p. 120}

0 49

{f. 270r} Jnic ix. parrapho ipa^ moteneva in intotoca teteuatzitzi^. Mexical teuatzin, Mexjco teveltzin. Mexico totecquacuiltzin. Mexico, tlamazvevetzin. Totec tlamacazquj mexjco, {p. 121} Jnic. x. parrapho ypan moteneoa in tlein intech tlamjloya teteo. Vitzilopochtlj Tenemjtia. Tetlamachtia. Tecuiltonoa. Tetlatocatilja. Tetlauelia. Temjctia. Tezcatljpoca Tlayocuya. i. teyocuya. Teyavchjoa. Tlalloc. Qujavy. Tlatlatzinja. Tlavitequj Quetzalcoatl. Ehecca hecamalacutl quichiva Tlapitza Tlamamally. / chicomecoatl. Tlaixvaltia {p. 122} Tlatzmolinaltia. Tlapia. tzapotlatena. Oxitl. Atlava / eztlj /

0 66

{f. 279v} Oyatlatonazqui tlavizcallevaya inan tlachichinaya nepapa^ quechol, xochitlacaca yya^tala, yantata, ayyao, ayyave, tililiyao, ayyave oayyave Tlalpa^ timoquetzca, tianquiznavaquj a {p. 146} nitlacatla niquetzalcoatla yyantala ya^tanta, ayyao, ayyave, tililiyao, ayyave, oayyave. Ma ya aviallo xochinquavitl itlanj nepapa^ quechollj ma ya in quechollj xicaqui ya tlatoa ya y toteuh xicaq^ ya tlatoa ya y quechol amach yeva tomjcauh tlapitza amach yeva^ tlacalvaz. ovao. Aye oho. yya yya ça niquiyecavizca noxocha tonacaxochitlj ye izquixochitla, xochitlicaca. yyaa. Ollama, ollama vive xolutl navalachco, ollama ya xolutl chalchivecatl xiquitta mach. oya moteca piltzi^tecutlj yoa^cha^,yoancha^ Piltzintle, piltzintle, toçivitica timopotonja tlachco timotlallj yoancha^ yoancha^

0 66

{f. 279v} Oyatlatonazqui tlavizcallevaya inan tlachichinaya nepapa^ quechol, xochitlacaca yya^tala, yantata, ayyao, ayyave, tililiyao, ayyave oayyave Tlalpa^ timoquetzca, tianquiznavaquj a {p. 146} nitlacatla niquetzalcoatla yyantala ya^tanta, ayyao, ayyave, tililiyao, ayyave, oayyave. Ma ya aviallo xochinquavitl itlanj nepapa^ quechollj ma ya in quechollj xicaqui ya tlatoa ya y toteuh xicaq^ ya tlatoa ya y quechol amach yeva tomjcauh tlapitza amach yeva^ tlacalvaz. ovao. Aye oho. yya yya ça niquiyecavizca noxocha tonacaxochitlj ye izquixochitla, xochitlicaca. yyaa. Ollama, ollama vive xolutl navalachco, ollama ya xolutl chalchivecatl xiquitta mach. oya moteca piltzi^tecutlj yoa^cha^,yoancha^ Piltzintle, piltzintle, toçivitica timopotonja tlachco timotlallj yoancha^ yoancha^

0 75

{f. 284v} ce tecpatl vme calli. yei tochtli navi acatl. macuilli tecpatl. chicuacen calli chicome tochtli chicuey acatl.

0 75

{f. 284v} ce tecpatl vme calli. yei tochtli navi acatl. macuilli tecpatl. chicuacen calli chicome tochtli chicuey acatl.

0 110

{f. 302v} Ce olli. vme tecpatl. yei quiavitl. navi xvchitl. macuilli çipactli. chicuaçen ecatl chicome, calli. chicuey, cuetzpalli. {p. 174}

0 110

{f. 302v} Ce olli. vme tecpatl. yei quiavitl. navi xvchitl. macuilli çipactli. chicuaçen ecatl chicome, calli. chicuey, cuetzpalli. {p. 174}

0 176

{f. 66r oc centlamantli inic tlaocoyaya in itlatocatequiuh, auh inic ontlamantli ynic tlaocoyaya iehoatl, in yavyutl yn oyavtlato yn cani motlalia yavyutl ytencopa. Auh niman ye eva in quauhtli yn oçelutl, auh iquac peva yn tlavcoxtimotlalia in quenin otlatoca in iquauh in iyoçeluh yn icuitlapil yn iatlapal in quenami quinamiquitiuh yn vmpa y yavc, cuix vel mochivaz cuix noço avelli, Auh y ye yquac y ye itlapoal ypan in iquac muchiva yavyutl amo cochi amo tlaqua cenca quica tlavcoyaya in iquauh yn ioçeluh yn que ye vetzin in itequiuh ca vmpa vnitztoc ça vmpa vntlacactoc çenca ic motequipachoa, ic tlavcoxtica, auh in iquac yn oalla in titlantli yn oconcac yn aço otlamaloc yn aço opuliuh in çe in altepetl yn oquicac iquac paqui iquac tlaqua iquac cochi ye quichia ym malli auh in iquac aziquivi mamalti çenca ic paq' auh in anoço vmpa oixpulivito in iquauh yn ioçeluh in icuitlapil yn iatlapal aço vmpa opulivito cenca yc tlaocoya cenca ic mutequipachoa yehoatl yc cocoya in tlatoani iehoatl ic peva in miqui in tlatoani miquiztli muchiva yc vntlamantli inic tlavcoyaya in tlatoani. {p. 250} Jnic etlamantli inic tlavcoyaya in tlatoani iehoatl in itlaçopiltzin yn amo yyel yn amo otlacaqui in amo mozcalia yn ac quipiaz in atl in tepetl in iquac omic in tlatoani yehoatl yc tlavcoyaia yehoatl yc motequipachoa in ipiltzin yn amo oquichtli yn amo quimocuitlavia in yavyutl in que nemiz yn que yez in petlapan ycpalpan intla nemiz que mocaquiz ym maçeoalli o ca yehoatl i ynic tlaocoyaya in tlatoani, yn ac quipiaz in ac quipachoz yn icuitlapil yn iyatlapal o ca ye ixquich yn inetequipachol yn tlatoani, {p. 251}

0 182

{f. 69r} çitlalcoyutl ynic tlachiuhtli ça mochi tliltic yvitl ynic tlatzacutlj ytzo^teco no iuhq'n ieoayo yztac yvitl ynic cuicuiltic. tliltic cvyutl ynic tlachiuhtli ça^ moquitica totolivitl papaçoltic. maquavitzoctli ynic tlaxintli avaquavitl nauhca^pa cuitlatetepone quavitztic {p. 276} tlavitolli ynic tlaxintli tomavac vel atic y^ mitl tlaxaltentlj quauholloli ynic tlaxintli avaquavitl ça^ quaololtic. atlatl ynic tlaxintli tomaoac veyac mamazyo tepoztli yn iquac ca quauhtica y^ quitlaça. tematlatl ynic tlachiuhtli mecatl y^ tlamatlachioali vnca^ motlalia y^ tetl ynic tlamotlalo tlatematlavilo. {p. 276}

0 183

{f. 72r} Ce tlacatl tlatoani pilli yn itlatq' yn itlaviz ychcavipil, yxiuheuauh. yteucuitlacuzcapetl. {p. 277} ychalchiuhte^teuh. yteucuitlanacvch. yquetzalpatzac. ychimal quetzalxicalcvliuhqui. ymaquauh. ytlaçomaxtli. ytecpilcac. Oc no çe tlacatl tlatoani pilli yn itlatq' yn itlaviz ychcavipil. ypillivieuauh. yxiuhte^teuh. ymayanacoch. ychayauac cuzqui. yquetzalpapaluh. ychimal quetzalcuexyo. ymaquauh. ytlaçomaxtli. ytlaçocac. {f. 72v} Jnic ei tlacatl pilli yn itlatq^ yn itlaviz ychcavipil. ytozeuauh. ychalchiuhte^teuh. yxiuhnanacuch. yteucuitlapa^. ychalchiuhcuzqui. ychimal tozmiquizyo. ymaquauh. ytlaçomaxtli. ytecpilcac. Auh ynic o^cuemitl tiyacaoa^ yn i^tlaviz yn itlamamaltuzquaxolotl. ychcavipil. ytlapalivieuauh. yteucuitlanacvch. yyacametz. yteucuitlachipolcuzqui. ychimal teucuitlaxapo. yqua^maxtli. ytlaçocac -

0 197

{f. 80r} teçacanecuilo chimallj texoxapo chimallj macpalo chimallj yhuiteteyo chimallj yhuiteteyo çouhqui chimallj tlahavitectlj chimallj {p. 281}

0 204

{f. 71r} çiva ynic maoa. Auh ynic maoa çiva macevalti quimolhuia / ay çivato ma nachca que^ tinechpevaltia / cuix tinonamic cuix tinoquichvi / ay / tlei / çivato / te^tlatlatzicpol ma ximotlalli tle^ tinechilhuia aviyanito / cuix tinochauh que^ tinechpeoaltia cuix mopa^ nicacalactica cuix no ze mopal ninemi / cuix tinechtlaecoltia / cuix mopal notlatlaqua / ay / çivato quatzomapol / quatatapapol ximocaoa te^tlatlatzicpol ixtlaveliloc tlavelilocatontli / cacalacapol. xixipevi / atle quiquani / achilova / aiztayoa / tzincuecuetzocpol / tzinapizmiqui / ay / ma nachca / teixpa^ titlatlamatiznequi / que^ titechivaz cuix teoa tatiz. titepetiz. tlavelilocato^tli tetla chochol ma nachca xoquiça ma nimitztopeuh / mach atle ipa^ titlatlachiya / mach nica^ taatlamatinemi / {p. 298} cuix tiçivapilli timocuepaznequi/ amo ça^ timaceualto^tli / mach nica^ teixco tinemj / campa tivalla ma xiyauh aço iuhca^ y^ mocha^ / amo iuhca y^ nica^ ticteititiz / ticnopiltotomacpol ticnopillaveliloc cen / ca tzatzi y^ nixquich quitoa y^ teaoa ça^ no ixquich yn quitoa y^ monamiqui tlacaololooa mochi tlacatl qui^caqui auh çan o^ca yn amo tena^quilia ça^ quicaquin tlatollj ça^ choca