CATECISMO MEXICANO PAREDES

folio: 0r

Reproduccion digital

CATECISMO MEXICANO PAREDES 0r
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

0r 2

MEXICANEMACHTILONI

0r 3

In itech onactica ihuan ontzauctica in Imelahualoca ihuan in Icaquiztica in izquitlamantli nepapan Teotlatolli ihuan Teotemachtilli in cemixquich in Teotlaneltocani in Christianô Tlacatl ca huei inahuatil huei imamal inic cacicamatiz quichicahuacaneltocaz ihuan quitequipanoz inic momaquixtiz

0r 4

Auh yehuatlin Temachtilli oquimachtopateopanili Caxtillancopa in Toteopixcatatzin Yêhuatzin

0r 5

PADRE GERONYMO DE RIPALDA

0r 6

de la Compañia de Jesus

0r 7

Auh quinçatepan in itech oquimocopinili ihuan macehualcopa Mexîcatlatolcopa oquimocuepili in Toteopixcatatzin Yêhuatzin

0r 8

PADRE IGNACIO DE PAREDES

0r 9

de la Compañia de Jesus

0r 10

Auh çanyeno nican îculiuhtoc in Tepiton Teotlâtolli ihuan in oc izquitlamantli quallachihualli in itech huel onmonequi in iyecnemiliz in Christiano

0r 11

Auh çanno yehuatzin huei tetlaçotlaliztica Temahuiztililiztica ihuan nepechtequiliztica quimohuemmanililia in Cenquizcamahuiztililoni Cenquizcaixtililoni in huei Teopixcatepachôcatzintli Yéhuatzin in Mahuiztic Tlátoani

0r 12

D D MANUEL JOSEPH RUBIO Y SALINAS

0r 13

Teoyotica Ichcapixcatzintli çaçenca huel Tlacnopilhuiani Arzobispo in iz Tlâtocayopan itocayocan Mexîco moteyacanilia ihuan anyenoyuhqui in itech ommopohuitia in Tlatocanenônotzaloyan in ompa Castillan mantimani &c

0r 17

In nican Mexico omotepuzîcuilo in Tepuztlâcuiloloyan in Ixpan S Agustin mantimani ipan inin in tichualtoca Xihuitl

0r 19

PROLOGO CONQUE SE exhorta y se persuade à los Indios à que lean y aprendan este Catecismo Mexicano

0r 20

Tlâtolpeuhcayotl Ic nônotzalô ihuan yolehualô in Mexîcatlacâ in Macehualtin inic camapohuazque ihuan quimomachtizque inin Mexîcanemachtiloni

0r 21

Ye anquimomachiltiâ Notlaçômahuizpilhuané ca in yeyuh otlacauh otlaçôtic inItetlaocolicayollotzin in Toteotzin ihuan Totlâtocatzin Dios inic amechmotlanextililiz ica in itlahuilzin ica in iocotzin ihuan ica in ineltococatzin ic yehuatzin amechmononquâquixtili ihuan amechmopêpenili inic intech amechmopohuiliz in Itlaneltocacatzitzihuan ihuan in Itlaçotlapêpenaltzitzihuan in quemmanian in Ilhuicatl îtic cemîcàc quimottilizque ihuan quimocencuiltonôtzinozque ca nelli ca melahuac ca huel huei amomamal ihuan amonahuatil omochiuh inic mochi ica in amoyollo anquimoneltoquitizque ihuan anquimotlaçôtilizque in cannoyehuatzin in Totlâtocatzin Dios Auh çanyenoihui amohueinahuatil omochiuh inic anquitequipanozque ihuan anquimonemiliztizque in ixquich in nepapan qualli in nepapan yectli in itech ompohui in ihuellamachtilocatzin ihuan in itequipanolocatzin in Totecuiyotzin Dios

0r 22

Auh in axcan Nopilhuanè matel amîtic xontemocan ma amoyollocaltitlan amoma xoconcalaquican ximocuitihuetzican ihuan maxinechilhuican Quemmach amehuantin anhuelitizque in izquitlamantliin anquichihuazque îhuan anquitequipanozque intlacâmo anquimati ihuan ancácicacequi Quenami anhuelitizque anquimonemiliztizque ihuan anquicxitocazque in nepapan qualli in nepapan yectli intlacâmo anquimatî catli in qualli catli in âmo qualli Auh ipampain ô namechtecpanili ihuan macehualcopa onamechcuepili ihuan onamechîcuilhui in amomexîcatlâtolcopa yehuatlin Nemachtiloni in itech onacticâ in izquitlamantli in itech ompohui in cemixquich in Teotlaneltocani Christianô Tlacatl Noihuan nican îcuiliuhtimani in cecentlamantli in imelahualoca in icacoca in icaquiztica in Teotlâtolli inic ancâxilizque ihuan anquimelahuacamatizque in çaço itla âmo ancâcicacaquî ânoçe in itech ammoyoltzotzonâ amomeyolloâ ammoyolmâmalacachoâ canoço ca in ixquich in Teotlâtolli huel chipahuacayotica huel melahuacayotica nican cececniquizticâ cecentlatlamantiticâ inic âmo ancôhuicanextizque ihuan inic çann man ammocenyolpachihuitizque

0r 23

Auh çannoyuhqui nican motenehua in quenamî tequaatequilo inic anquimpalehuizque in Pipiltzitzintin in ye miquizôhuiticate ca ye miquiznequî auh âyac monextia in Teopixqui in quimoquaatequiliz Zanyenoihui nican îcuiliuthtoc in tlatlatlauhtiliztli ic ammocencahuazque in âyamo antlaceliâ ihuan ic anquimocnelilmachiltizque in Dios itetlaocolilitzin in ye oantlacelique Auh çatlatzonco nican omotlal in Tepiton Teotlâtolli inic amotencopa anquimatizque occencaye inîquac moyolcuititihui ihuan ocquezquitlamantli cenca mahuiztic quallachihuali in huel tepalehuiloni tlacnopilhuiloni in anquitequipanozque ihuan anquimonemiliztizq^ Canoço in izquitlamantliin huel itech ompohuiz in iqualnemiliz in Christiano

0r 24

Auh ipampain mochi ica in noyollo cenca huel namechtlatlauhtia N P ma ipaltzinco in Iteoezotzin in Totemaquixticatzin Jesu Christo ihuan ipaltzinco in amoyolia amanimas ma cecemilhuitl cecenyohual ihuan yemochipa xicamapohuacan macxicmomachtican ihuan ma miecpa xiccueptinemican inin Maxîcanemachtiloni noihuan ma momotlae xiquin yollotican xiquincaquitican ihuan xiquimmachtican in amopilhuan ihuan amochantlacâ Auh inic amoyollo pachihuiz in itechpa inye onamechilhui ma yecuel ximonacazquetzacan ihuan xicyehuacaquican in tlein huel yehuatzin in Totlâtocatzin Dios oquimmonomânahuitili in Israellacâ quiniquac in ompa Tepeticpac Sinai huel achtopa oquimmomaquilli in Iteotenahuatilzin Ca izcâ in Itlazomahuiztlâtoltzin Eruntque verba hæc quæ ego pracipio tibi hodiè in corde tuo & narrabis ea filijs tuis & meditaberis sedens in domo tuo & ambulans in itinere dormiens que atque consurgens & ligabis ea quasi signum in manu tua erunique & mouebuntur inter oculos tuos scribesque ea in limine & ostijs domus tua Quitoznequi Ca cemixquich in nonahuatil in onimititzmacac ca huel moyolloîtic tictlaliz ihuan tiquincaquitiz in mopilhuan ihuan ticnemiliz inîquac tehuatica ânozo iniquac tinênentinemi zacho in monetecayan in mocochizpan ihuan in monehuayan in ye otihualîzac Auh inic mochipa mixco yez ihuan mixtelolotica tiquittaz ca momatitech tiquilpiz ihuan in mocaltenco ihuan mochan in icalaquian ihuan in itech in itlatzacuillô tiquîcuiloz

0r 25

Yehuatlin N P aquîmmolhuili ihuan oquimmomamaltili in Totlâtocatzin Dios in Israellacâ ihuan çanyenoihui yehuatzin techmomamaltilia ihuan totech quimocahuilia yehuatlin in itlâtoltzin Auh inipampa N P mayuh ticchihuacan ma yuh tictequipanocan ihuan mayuh tictonemiliztican inic nican Tlalticpac in Dios tictohuellamachtilizque ihuan ticmaquixtizque in Toyolia in Tonima auh çatepan in Ilhuicatl îtic cemîcac ixpantzinco in Dios tipâpaquizque titocuiltonozque ihuan titocentlamachtizque Ma yuh in Dios quimonequilti Amèn

0r 29

Acerca del Adviento de Nuestro Señor Jesu Christo

0r 31

In itechpa in Ihuallalitzin in Totecuiyo Jesu Christo

0r 32

In Itlaçohuallalitzin in Totecuiyo Jesu Christo in motenehua Adviento quîtoznequi inon cahuitl in ipan in Tonantzin Santa Iglesia nepapan tlateomatiliztica ihuan neyolchipahualiztica quimmocencahuilia in Itlaneltocacatzitzihuan in Christianôme inic quimolhuichihuililizque in Toteotemaquixticatzin Jesu Christo in topampa in nican Tlalticpac omotlacatili ihuan quintepan Cruztitech otechmomaquixtili

0r 33

Auh yehuatlin cahuitl in motenehua Adviento caompehua ontzintli in ipan in Domingo in ocachiye huel itlan huel inahuac quiyacatia ânoço quihualtoquilia in Ilhuitzin San Andrès Apostol in ipan quiça in Metztli Noviembre Auh intla in Ilhuitzin San Andrès in huel ipan Domingo quemmanian quiçaz ca çanyenoyuh in ipan inon Domingo ompehuaz in Ihuallalitzin in Totecuiyo Jesu Christo ihuan çatepan huêcahuatiaz in oc ixquichcauh onhualâciquiuh in Itlacatilitzin çanyeno in Totemaquixticatzin in ipan quiça Metztli Diciembre

0r 35

Acerca de las Temporas del Año

0r 37

In itechpa in Neçahualizcahuitl in motenehua Temporas

0r 38

Yehuatlin Neçahualizcahuitl in Itoca Temporas ca nappa cecexiuhtica quiça ihuan mochipa motlalia ipan Miercoles ihuan ipan Viernes ihuan ipan Sabado Inic ceppa quiça in Ichicomilhuiyoc in yeyuh oompeuh in Neçahualizcahuitl in Quaresma ihuan motlalia ipan Miercoles ipan Viernes ihuan ipan Sabado

0r 39

Inic oppa quiça çanyenoyuh ipan Miercoles ihuan ipan Viernes ihuan ipan Sabado in oyuh mochiuh in Ilhuitzin in Espiritu Santo

0r 40

Inic yexpa quiça noihuan ipan Miercoles ihuan ipan Viernes ihuan ipan Sabado iniquac ye oonquiz in Ilhuitzin Santa Cruz in ipan Metztli Septiembre mochihua

0r 41

Inic nappa quiça noyuhqui ipan Miercoles ihuan ipan Viernes ihuan ipan Sabado iniquac oonquiz in Ilhuitzin Santa Lucia in ipan Ilhuitl Diciembre mochihua Auh inîquac yehuatlin Ilhuitzin Santa Cruz ânoço in Ilhuitzin Santa Lucia huel ipan Miercoles quemmanian onquiçaz quinîquac in Temporas niman âmo in ipan yehuatlon Miercoles motlaliz çanye in ipan in occentetl Miercoles in Ichicomilhuiyoc ihuan ipan Viernes ihuan ipan Sabado inyeyuh omoteneuh

0r 42

Auh itechcopai ticmatizque ihuan tictoyollotizque in ipan mochi inon Ilhuitl motenehua Temporas nohuian in ipan in Ocimotztlayoc motenehua Invigilias in cequintin in Santôme ihuan in ipan in cemixquich in Neçahualizcahuitl in motenehua Quaresma noihuan in Cecenviernestica in chichicueilhuitica Xiuhpan quiztiuh ca nelli ca ipan mochi inon Ilhuitl manel Domingo no oPielo Ilhuitl yez hueliti ç nen çan ilihuiz quiquaz Nacatl Auh intla in çaço aquin çannen quiquaz ca temictiani tlâtlacolli quichihuaz ic cenca quimoyolîtlacalhuiz in Dios

0r 43

Tel ca nelli ca inîquac in itlacatilitzin in Totecuiyo Jesu Christo huel ipan motlaliz in Viernes quiniquac mochi Tlacatl huelitiz in ipan inon Viernes quiquaz nacatl Canoço yuh otechmotlaocolili in Tonantzin Santa Iglesia inic tictopaccamahuiztililizque in Itlaçotlacatilitzin in Toteotemaquixticatzin Jesu Christo

0r 44

Zanyenoyuhqui ticmatizque Ca ye mochi Tlacatl in nican Mexîco Chanê noço Tepehuâ Auh manel âmo nican Mexîco Chanê yez yece nican Mexico pohui ca in Itlapohual Itlatilanal omochiuh in quimotlaca machitia in Toteopixcatlâtocatzin Señor Arzobispo in nican Mexîco moteyacanilia Ca nelli ca mochi yehuatlin Tlacatl in Cecensabadotica in cahuipan quiztiuh hueliti quiquaz nacatl iniquac ipan in Sabado âmo motlalia noço Quaresma noçe Temporas anoço Vigilia Auh intla âço itla in ye omoteneuh Sabadotica motlaliz ca nelli ca niman ayac huel nacaquaz caçan monacacahualtiz inic âmo quimoyolîtlacalhuiz in Dios

0r 45

Auh yehuatlin Teicneliliztli inic Cecêsabadotica in yuh omoteneuh tihuelilizque in nican Tlâtocayopan Mexîco tinacaquazque otechmomaquili in cenca huei Teopixtlâtocatzintli Sumo Pontifice in ompa huei Altepepepan Roma motlâtocatilia in impan in cemixquichtin in Christianotlacâ Auh in Iteicnelilizamatlàcuiloltzin ca oquimomaquili çanyeno ompa huei Altepepan Roma in ipan in Metztli Enero in ye huêcauh oquiz Xihuitl

0r 47

Acerca de las Velaciones

0r 49

In itechpa in Teoyotica Nequatlapacholiztli in motenehua Velaciones

0r 50

In Teoyotica Nequatlapacholiztli anoço in Nenamictilizteochihualiztli in motenehua Velaciones quîtoznequi Iniquac in Namiquêque in quin yancuican Teoyotica omonamictique in Teopan moquatlapachoâ ihuan in Teopixqui ipan Missa quimmoteochihuilia Auh itechpain ticmatizque Ca çanniman ic ompehua ontzinti in Ihuallalizcahuitzin in Totecuiyo Jesu Christo yehuatl in Adviento in oc ixquichcahuitl in tzonquiçaz Imilhuitzin in Tlâtocatzitzintin Reyes in ipan Metztli Enero motlalia Ca nelli in ipan in mochi inon cahuitl âhuel in Namiqueque in ompa Teopan teochihualozque Amo nohuel teochihualozque in Namiqueque inic opeuh in Neçahualizcahuitl Quaresma in oc ixquichcauh in Ichicomilhuiyoc in Inezcalilitzin in Totecuiyo Jesu Christo in ye otzonquiz in Domingo motenehua In Albis Tel in ipan in oc izquitetl cahuitl Xiuhpan quiztiuh ca in Namiqueque onhuelitî Teopan moquatlapachozque ihuan ipan Missa moteochihuazque

0r 52

Acerca de las Fiestas de Guarda de los Indios

0r 54

In itechpa in Pieloni Ilhuitl in ipan Missa quicaquizque in Macehualtin Auh ca yehuatlin

0r 55

In Cecendomingotica in chichicomilhuitic quiça

0r 56

In Ilhuitzin in Yancuíc Xihuitl Itoca la Circuncision ipan quiça I Metztli Enero In Imilhuitzin in Tlâtocatzitzintin Reyes in ipan quiça Enero

0r 57

In Ilhuitzin in Inechipahualitzin in Tlâtocaçihuapilli Santa Maria in Itoca La Candelaria in ipan quiça Febrero

0r 58

In Inenacayotilitzin in Totecuiyo Jesu Christo in Itoca La Encarnacion in ipan quiça Marzo

0r 59

In Inezcayolilitzin in Totecuiyo Jesu Christo in Itoca La Pascua de Resurreccion Auh çan Domingo pielo Ilhuitl auh in oc ome Ilhuitl Lunes ihuan Martes amo pielo

0r 60

In Ilhuitzin in Inetlecahuilitzin in Totecuiyo Jesu Christo in motenehua La Ascension

0r 61

In Ilhuitzin in Ihuallalitzin in Espiritu Santo in Itoca Pascua de Espiritu Santo Auh çan ixquich in Domingo ca Pielo Ilhuitl auh in oc ome Ilhuitl Lunes ihuan Martes âmo pielo

0r 62

In Ilhuitzin in Itlaçomahuiznacayotzin in Totecuiyo Jesu Christo in motenehua Corpus Christi

0r 63

In Imilhuitzin in Apostolôme San Pedro ihuan S Pablo in ipan mochihua Junio

0r 64

In Itlecahuilocatzin in Tlâtocacihuapilli Santa Maria in Itoca La Assumpcion îpan quiça Agosto

0r 65

In Itlacatiliztin in Tlâtocacihuapilli Santa Maria in Itoca La Natividad de nuestra Señora in ipan quiça Septiembre

0r 67

In Ilhuitzin in Itlacatilitzin in Totecuiyo Jesu Christo in motenehua La Natividad de nuestro Señor Jesu Christo in ipan quiça Diciembre

0r 68

Auh manel in ipan inin Ilhuitl yei Missa mochihua tel ca tonahuatil inic çan ixquich ce Missa ticcaquizque Auh in oc yeilhuitl quihualtoquilia in Itlacatilitzin in Totecuiyo Jesu Christo niman âmo Innahuatil in Macehualtin inic Missa quicaquizque

0r 69

Zan huel ixquich inin Ilhuitl in nican omoteneuh ca intech pohui in Macehualtin inin Missa quicaquizque Auh intla çannen çan ilihuiz çan intlâtlacoltica âmo quicaquî ca nelli ca ipan huetzizq^ in temictiani tlatlâcolli

0r 70

Auh niman âmo innahuatil inic Missa quicaquizque in ipan in oc izquilhuitl in cecexiuhtica quiça in âmo intech pohui in Macehualtin Auh ipampai in ipan inyehuatlon Ilhuitl in nican âmo îcuiliuhtoc ca huelitî in Macehualtin âmo quicaquizque Missa ihuan tequitizque Auh ca ic âmo tlâtlacozque Canel yuhoquimmocnelili in Tonantzin Santa Iglesia in Macehualtin

0r 73

Acerca de los ayunos de los Indios

0r 75

In Itechpa Innezahualiz in Macehualtin

0r 76

In Tonantzin Santa Iglesia çan huel ixquich Chicunaohtetl Neçahualiztli quimmomamaltilia ihuan ic quimmotlaquauhnahuatilia in Macehualtin Auh ca yehuatlin in Ilhuitl in ipan mozahuazque

0r 77

In Chicontetl Viernes Quaresma in yeyuh nextli omocuic

0r 78

In Sabado de Gloria iniquac Ivigiliatzin in Oc imoztlayoc in Inezcalilitzin in Totecuiyo Jesu Christo

0r 79

In Ivigiliatzin in Oc imoztlayoc in Itlacatilitzin zannoye in Totecuiyo Jesu Christo in ipan Diciembre quiça

0r 80

Zan yehuatlin Chicunauhtetl Neçahualiztli ca huei immamal inic quichihuazque in Macehualtin Auh in aquin çannen çanilihuiz çan itlâtlacoltica âmo quichihuaz ca nelli ca ipan huetziz in temictiani tlâtlacolli Auh ihuiin nima âmo Innahuatil Macehualtin inic occentetl neçahualiztli quichihuazque manel Miercoles yez inîquac Nextli mocui noço Sabado Quaresma noço Viernes Espiritu Santo ânoço in çaço itlâ occentetl Ilhuitl in cahuipan noço nezahualizpan quiçaz Ca çanye inin chicunauhtetl Ilhuitl in nican omoteneuh Auh ipampain in aquin in ipan occentetl Ilhuitl âmo moçahuaz noço quîtlacoz in Neçahualiztli in aço yeyuh oquipehualti ca niman âmo temictiani tlâtlacolli quichihuàz Tel manel âmo moçahuaz niman âhuel nacaquaz in ipan izquitetl in Neçahualizcahuitl manel Domingo yez ânoço itlâ occentetl Pieloni Ilhuitl ipan motlaliz in yuh ye achitlacpac omoteneuh

0r 81

Auh ticmatizque ihuan ic ompachiuhtiez in toyollo ca in izquitlamantli in nican omoteneuh ca yuh îcuiliuhtoc in itech in Bula ca yehuatl in Iamatlâcuiloltzin in Santo Padre in Sumo Pontifice Paulo Tercero in Yehuatzin ic oquimmocnottili ihuan oquimmocnelili in Icnotlacá Macehualtin

0r 82

XIUHTLAPOHUALLI In motenehua Calendario

0r 83

In itech îcuiliuhtoc Imilhuitzin in Santôme ihuan in oc izquitlamantli in cecexiuhtica quiztiuh Auh in Pieloni Ilhuitl in intech ompohui in Macehualtin inic Missa quicaquizque ca ome Cruztica momachiotia inyuhquin auh in Pieloni Ilhuitl in amo intech pohui in Macehualtin ca çançe Cruztica momachiotia in quenamî in Noihuan cecemilhuitica motenehuaz cuix pielo noço âmo pielo Ilhuitl auh in ipan cecenvigilia motenehuaz cuix neçahualo ânozo çan nacacahualo âmo moquaz nacatl in yuy ye tlacpac omoteneuh

0r 84

Por auerse aqui reparado que podrian en el decurso de la Obra faltar algunos accentos ò letras muy repetidas en esta Lengua y no muy usadas en la Castellana se ofreciò aduertir aqui lo siguiente

0r 85

Que en falta del accento doble del Saltillo señalado en la forma que se ve en la siguiente letra â se usarà del accento que se señala sobre la misma letra á Y el accento de los agudos se señalarà como se dixo y como se sobre la siguiente letra è

0r 86

En falta assi mismo de la ç cedilla se usarà de la z por tener una y otra letra casi una misma pronunciacion

0r 87

Finalmente se advierte Que una misma cosa se suele aqui significar con varias voces ò Synonymos pasa que con esto se vaya de passo notando assi la fecundidad de voces de esta eloquentissima Lengua como su varia significacion Con lo qual el que aprende dicha Lengua con alguna reflexa podrà en ella no poco aprovechar

0r 93

De los Santos y Fiestas del Año

0r 95

In itech îcuiliuhtoc Imilhuitzin in Santôme in cecexiuhtica quiztiuh

0r 96

In Metztli Enero quipia Ilhuitl

0r 98

In Metztli Febrero quipia Ilhuitl auh nânahui Xiuhtica quipia Ilhuitl

0r 100

Iniquac inin Metztli Febrero quipia Ilhuitl quinîquac in Ivigiliatzin in oc imoztlayoc in San Mathias motlalia in ipan ihuan in Ilhuitzin motlalia ipan çanyeno inin Metztli

0r 102

In Metztli Marzo quihualtoca Ilhuitl

0r 104

In Metztli Abril quipia Ilhuitl

0r 106

In Metztli Mayo quipia Ilhuitl

0r 108

In Metztli Junio quipia Ilhuitl

0r 110

In Metztli Julio quipia Ilhuitl

0r 112

In Metztli Agosto quipia Ilhuitl

0r 115

In Metztli Septiembre quipia Ilhuitl

0r 117

In Metztli Octubre quipia Ilhuitl

0r 119

In Metztli Noviembre quipia Ilhuitl

0r 122

In Metztli Diciembre quipia Ilhuitl

0r 126

IN ITLATLAUTILOCATZIN in yehuatzin Santo in cecemilhuitica moquixtia Auh ín Itocatzin momaztlaè motenehuaz in canin ontetl N N îcatîcac

0r 127

Ma ximopápaquiltitiè in Ticeltic ihuan Táhuiac in Xochitepancalco Titeoyotica Tixochitzintli cenca huel timahuiztic Tilhuicacchanêcatzintli N N Ca ámo zan tlapohualpa nicnotlázocamachiltia in Totlátocatzin Dios ipampa in ámo patiyô in iteicnelilitzin ihuan ipampa in cenca mahuizauhqui in nepapan itenemactzin ic omitzmachtopapielitzino Auh no ihuan mochi ica in noyollo in yehuatzin nicnoyectehuilia ihuan nicnohuêcapanilhuia ipampa ca ca nelli ca in yehuatzin ca zacencahuel mahuizauhqui moteittititzinoa in impan in quemmachamique in Isantôtzitzihuan Auh in axcan in Tehuatzin in quemmach Tamicatzintli in Tinote patlátocatzin nimitznocemmacatzinoa motetzinco ninotepieltia inic nopan ixpantzinco in Dios timotlátoltiz ihuan inic mopaltzinco niquicnopilhuíz in itecempôpolhuiloca in notlátlacol ihuan in Dios Iteyectiayatzin in gracia noihuan in malehuac in noneyolehualiz inic in axcan cemilhuitl nic cemanaz in Iteoyectilitzin in gracia ihuan in itequipanolocatzin in Dios Maxinechmopalehuili in Timocentlamachtiani in Timotlazosantotzin in axcan ihuan noye in nomiquiztempan Auh inyuh nihueliti momactzinco nicnocahuilia in iz Tlalticpac notzonquizaliz Auh in huelipan inon tetzauhcahuitl in ninomocihuitoc ma xinechmoyolchicahuili ma xinechmopalehuili ihuan ma xinechmochimalcaltili Ma mopaltzinco xinechmocnopilhuilili inic in Nanima cenchipahuac in nican cemanahuac quizaz ihuan ma in quemmach amique Angelôme quimixpantililican in Totlátocatzin Dios inic mohuantinco in quemmach tami Nosantotzinè cemîcac nicnottiliz ihuan nicnoyectenehuiliz no yehuatzin in aic pouhqui Cenqualtilicécatzintli Dios in yehuatzin in ihuantzinco in Dios Tetátzin ihuan in Dios Ipiltzin ihuan in Dios Espiritu Santo cemîcac mochipa monemitia ihuan mocentlátocatilia Teotl Dios ihuan cemicac mochipa monemitiz ihuan mocentlátocatiliz Ma yuh mochihua Jesusé

0r 129

TEXTO DE LA DOCTRINA Christiana

0r 130

YE NICAN OMPEHUA IN Christianoyotl Mexîcatemachtilli

0r 131

In cemixquich in Teotlaneltocani in Christianotlacatl ca huei imamal huei inahuatil inic tlateomatiliztica quimahuiztiliz in Imiquizquauhtzin in Totecuiyo Jesu Christo ca yehuatl in Santa Cruz in itech otlazotic otlacauh in Iteoyollotzin inic momiquiliz ihuan techmomaquixtiliz in itechpa in totlâtlacol ihuan intechpa in Toyaohuan in Mictlan Tlatlacatecolô

0r 132

Auh ipampai in Actè in Tichristiano huel motech onmonequi ticmomachtiz ihuan itech timomatiz in Teoyotica Nemachiotiliztli in Neteochihualiztli Auh yehuatlin Neteochihualiztli ca yei Crùz Imachiotica ticchihuaz Inic ceppa in mixquac Cruztica timomachiotiz inic Totecuiyo Dios mitzmomaquixtiliz in ihuicpa in âquallalnamiquiliztli Inic oppa Cruztica timomachiotiz in mocamac inic Totecuiyo Dios mitzmomaquixtiliz in ihuicpa in âquallâtolli Inic yexpa Cruztica in melpan timomachiotiz inic Totecuiyo Dios mitzmomaquixtiliz in ihuicpa in âquallachihualli

0r 133

Auh inîquac timomachiotiz ca yuh tiquitotia

0r 134

Ipampa in Imachiyo in Cruz In inhuicpa in Toyaohuan ma xitechmomaquixtili Totecuiyoc Diosè Ica in Itocatzin in Dios Tetâtzin ihuan in Dios Ipiltzin ihuan in Dios Espiritu Santo Ma yuh mochihua Jesusé

0r 135

Auh zatepan ma tictempohuacan ma ticâcicacaquican maticneltocacan ihuan ma tictequipanocan in tlein tixpan quimotlalilia ihuan techmonahuatilia in Tonantzin Sta Iglesia Catholica Romana Auh ca yehuatl in Teotlatolneltoconi in Teotenahuatilli in Teotlatlatlauhtiliztli ihuan in Teoteyectililoni Sacramentos Auh mayecuel tiquîtocan

0r 137

In Teotlâtlatlauhtiliztli in ompehua Totâtzinè

0r 138

Totátzinè in Ilhuicac timoyetzticá ma yectenehualo in Motocatzin Ma huallauh in Motlátocayotzin Ma chihualo in Tlalticpac in motlanequilitzin in yuh chihualo in Ilhuicac In totlaxcal momoztlaè totechmonequi ma axcan xitechmomaquili ihuan maxitechmopôpolhuili in totlátlacol in yuh tiquintlapôpolhuiá intechtlátlacalhuiá Ihuan macamo xitechmomacahuili inic âmo ipan tihuetzizque in teneyêyecoltiliztli Zanyé ma xitechmomaquixtili in ihuicpa in ámo qualli Ma yuh mochihua Jesusé

0r 140

In Itlâpalolocatzin in cemicac Ichpotzintli Santa Maria

0r 141

Ma ximopápaquiltitie Santa Mariaè timotemiltiticâ in cenquizcayectiliztica gracia Motlantzinco moyetzticâ in Tlatoa ni Dios Cenca tiyectenehualoni in intlan in ixquichtin Cihuá ihuan cenca yectenehualoni in Itlaaquillo moxillantzin Jesus Santa Mariè Dios Inantzinè ma topan ximotlâtolti in titlâtlacoanime in axcan ihuan inîquac tomiquiztempan Ma yuh mochihua Jesusè

0r 143

In Teotlâtolneltoconi in ompehua Nicnoneltoquitia

0r 144

Nicnoneltoquitia in Dios Tetâtzin Cemixquichihueli in oquiyocox ihuan oquimochihuili in Ilhuicatl ihuan in Tlalticpatli Nonicnoneltoquitia in Jesu Christo in zan huel iceltzin in Dios Ipiltzin ihuan Totlátocatzin In yehuatzin omonacayotitzinco ica in itlamahuizoltzin in Dios Espiritu Santo ihuan in itechpatzinco omotlacatilî in cemîcac Ichpochtli Santa Maria Omotlaihiyohuilti in itencopa in Poncio Pilatos Cruztitech omâmazoaltiloc omomiquili ihuan otococ Omotemohui in Mictlan Yeilhuitica omonômaiz calitzinô in intlan in Mimicquê Omotlêcahui in Ilhuicac Imayauhcampatzinco mehuiltîticâ in Dios Tetâtzin Cemixquichihueli Auh ompa hualmehuitiz quimmotlatzontequililiquiuh in Yolquê ihuan in Mimicquê Nonicnoneltoquitia in Dios Espiritu Santo No nicneltoca Ca oncâ in Santa Iglesia Catholica No nicneltoca Ca oncâ Innenepanicneliliz in Santôme No nicneltoca Ca oncâ in Itepôpolhuiloca in Tlâtlacolli No nicneltoca Ca mochihuaz in Inezcaliliz in Tonacayo No nicneltoca Ca oncâ in cemîcac Yoliliztli Ma immochihua Jesusè

0r 146

Occentetl Itlâpalolocatzin in Sta Maria

0r 147

Cihuapillè maximopâpaquiltitie Totetlaocoliliznantzinê Toyolilizè Totzopelilizè Tenetemachilizè maximopâpaquiltitie Timitzontotzatzililiá in Titlatotoctin in Tipilhuan Heva Mohuictzinco tonelcicihuî tziucnoliztica ihuan choquiztica in nican Choquizixtlahuacan Macuele Totepantlátocatzinè ma tohuicpa xichualmocuepili in Motetlaocolilizixtelolotzin Auh inye otzonquiz in nican Tlalticpac in Tototococa maxitechhualmottitili in cenquizcayectenehualoni in Itlaaquillo moxillantzin Jesus Iyo Icnohuacatzintlè Santa Mariaè ma topan ximotlátolti in Dios Inantzinè inic tiquicnopilhuizque in Itlatenehualtzin in Totecuiyo Jesu Christo Ma yuh mochihua Jesusé

0r 148

LOS MANDAMIENTOS DE LA Ley de Dios

0r 149

In Itenahuatiltzin in Totecuiyo Dios

0r 150

In Totecuiyotzin Dios in Itenahuatiltzin mátlactetl In achtopa yetetl in itetzinco pohui in imahuiztililocatzin in Totecuiyo Dios auh in oc chicontetl ca in itech pohui in impalehuiloca in Tohuampohuan Auh ca yehuatlin

0r 151

Inic centetl Ca ticmotlázotiliz in Totecuiyo Dios ipan cemixquich in tlachihualli

0r 153

Inic ontetl Ca ámo tictlapictenehuaz in Dios Itocatzin

0r 154

Inic yetetl Ca tlateomatiliztica ticpiez in Pieloni Ilhuitl

0r 155

Inic nauhtetl Ca tiquimmahuiztiliz in Motá ihuan in Monan

0r 156

Inic macuitetl Ca ayac momac miquiz

0r 157

Inic chicuacentetl ámo tahuilnemiz

0r 158

Inic chicontetl ca amo tichtequiz

0r 159

Inic chicuetetl Ca amo titetentlapiquiz ámo no tiztlacatiz

0r 160

Inic chicunauhtetl ámo tiquelehuiz in Tenamic

0r 161

Inic mátlactetl Ca ámo tiquelehuiz in Teaxca

0r 162

Inic mátlactetl Tenahuatilli ca zan ontlamantitech ontzauctica Inic centlamantli Ca tictotlázotilizque in Totecuiyo Dios in ipan cemixquich in tlachihualli Inic ontlamantli Ca tiquintlazôtlazque in Tohuampohuan in yuh in tehuantin titonômatlazotlá Ma immochihua Jesusè

0r 163

LOS MANDAMIENTOS DE LA Santa Iglesia

0r 164

In Tonantzin Santa Iglesia in Itenahuatiltzin ca macuiltetl

0r 165

Inic centetl Cecendomingotica ihuan Ilhuîtl in Pieloni ipan huel centetl Missa ticcaquiz

0r 167

Inic ontetl Ca cecexiuhtica *macel  zan zeppa timoyolcuitiz nozo inîquac timiquizôhuitîticâ canel huel timiquiz ânozo inîquac ticmoceliliz in Inacayotzin in Totecuiyo Jesu Christo

0r 168

Inic yetetl ca inîquac Xochipasqua ca ticmoceliliz in Inacayotzin in Totecuiyo Jesu Christo

0r 169

Inic nauhtetl Ca timozahuaz ihuan ca tinacacahuaz inîquac motenahuatilia in Tonantzin Santa Iglesia

0r 170

Inic macuiltetl Ca tic huemmaniliz in Santa Iglesia in tlamâtlactetilia in itoca Diezmos ihuan in tlein yancuican mochihua in itoca Primicias Ma immochihua Jesusè

0r 172

In Chicontetl in Teoyotica Teyectililoni in itoca Sacramentos ca yehuatlin

0r 173

Inic centetl Ce yéhuatl in Teoyotica Nequaatequiliztli in itoca Bautismo

0r 174

Inic ontetl Ca yehuatl in Teoyotica Techicahualiztli in itoca Confirmacion

0r 175

Inic yetetl Ca yehuatl in Tlamacehualiztli in itoca Penitencia

0r 176

Inic nauhtetl Ca yehuatl in Icelilocatzin in Inacayotzin in Totecuiyo Jesu Christo in itoca Comunion

0r 177

Inic macuiltetl Ca yehuatl in tlatzacuia Teoyotica Teôzaliztli in itoca Extrema Uncion

0r 178

Inic chicuacentetl Ca yêhuatl in Teopixca Nenamictiliztli in itoca Matrimonio Ma yuh mochihua Jesusè

0r 180

In mâtlactetlonnahui Neltoconi in itoca Articulos ca yehuatlin

0r 181

In Neltoconi ca mátlactetlonnahui Auh in achto chicontetl ca in itetzinco pohui in Totecuiyo Dios inic Teotl Dios auh in oc no chicontetl ca in itetzinco pohui in Totecuiyo Jesu Christo inic oquichtlacatzintli

0r 182

In achto chicontetl in itetzinco pohui in Totecuiyo Dios inic Teotl Dios ca yehuatlin

0r 183

Inic centetl ticneltocaz in zan huel Cetzin huel nelli Teotl Dios Cemixquichihueli

0r 184

Inic ontetl ticneltocaz Ca inin Teotl Dios ca Tetâtzin

0r 186

Inic yeyetl ticneltocaz Ca inin Teotl Dios ca Ipiltzin

0r 187

Inic nauhtetl ticneltocaz Ca inin Teotl Dios ca Espiritu Santo

0r 188

Inic macuiltetl ticneltocaz Ca inin Teotl Dios ca Teyocoyani

0r 189

Inic chicuancentetl ticneltocaz Ca inin Teotl Dios ca Temaquixtiani

0r 190

Inic chicontetl ticneltocaz Ca inin Teotl Dios ca Tecentlamachtiani

0r 191

Auh in ocno chicontetl Teoneltoconi in itetzinco pohui in Totecuiyo Jesu Christo inic Oquichtlacatzintli ca yehuatlin

0r 192

Inic centetl ticneltocaz Ca in Totecuiyo Jesu Christo inic Oquichtlacatzintli ômoquichnacayotitzinoco in nican Tlalticpac ica in itlamahuiçoltzin in Dios Espiritu Santo

0r 193

Inic ontetl ticneltocaz in Totecuiyo Jesu Christo inic Oquitzintli in itechpatzincô ómotlacatilitzinô in cemîcac mochipa Ichpotzintli in Santa Maria auh in yehuatzin in Santa Maria auh in yehuatzin in Santa Maria niman áic óquimopolhui in Itlazoichpochyotzin nozo in ayamo momixihuitiaya nozo hueliquac omomixihuiti ánozo in yeyuh omomixihuiti

0r 195

Inic yetetl ticneltocaz Ca in Totecuiyo Jesu Christo inic Oquitzintli ômotlaihiyohuiltitzinô ihuan omomiquili inic techmomaquixtiliz in tehuantin in titlátlacoanime

0r 196

Inic nauhtetl ticneltocaz Ca in yêyuh ômomiquili in Totecuiyo Jesu Christo ca zan niman ic ni Itlazoanimantzin omotemohui in Mictlan ihuan ôquimhualmoquixtilito in Inyollia Imanimas in qualtin Tetáhuan in ompa quimochieliticatcá in itlazohuallaltzin

0r 197

Inic macuiltetl ticneltocaz Ca in Totecuiyo Jesu Christo yeilhuitica omónómaizcalitzinó in intlan in Mimicque

0r 198

Inic chiquacentetl ticneltocaz Ca in Totecuiyo Jesu Christo omonômatlecahuitzinô in Ilhuicac auh in oncan ommehuiltitica in imayauhcámpatzinco in Dios Tetátzin Cemixquichihueli

0r 199

Inic chicontetl ticneltocaz Ca inîquac ontlamiz in Cemanahuac in ipan in Tetlatzontequililizilhuitl occepa hualmohuicaz in nican Tlalticpac in Totecuiyo Jesu Christo quimmotlatzontequililiquiuh in yolquê ihuan in mimicquê in qualtin ihuan ámoqualtin auh in qualtin quimmocemmaquiliz in Ilhuicac cemîcac pâpaquiliztli ipampaca oquipixque initenahuatiltzin in Dios ihuan in Santa Iglesia Auh in amoqualtin quimmocemmaquiliz in Mictlan cemîcac tlaihiyohuiliztli ipampaca âmo ôquipixque in itenahuatiltzin in Dios ihuan in Santa Iglesia Ma immochihua Jesusè

0r 201

In Tetlaocoliliztlachihualli

0r 202

In Tetlaocoliliztlachihualli ca matlactetlonnahui auh in achto chicontetl in iteh pohui in itlaocoliloca in Tonacayo auh in ocnochicontetl initechpohui in itlaocoliloca in Tanima

0r 203

In achto chincontetl ca yehuatlin

0r 204

Inic centetl Ca Tiquimontlâpalotiuh in motiliniâ Cocoxque

0r 205

Inic ontetl Ca tiquintlaqualtiz in Teociuhtinemî

0r 206

Inic yetetl Ca tiquimatliliz in Amictinemî

0r 207

Inic nauhtetl Ca tiquintlaquentiz in Petlauhtinemî

0r 208

Inic macuiltetl Ca tiquincallotiz in Nenenque Tlacâ

0r 209

Inic chicuacentetl Ca tiquimmaquixtiz in Mamaltin

0r 210

Inic chicontetl Ca tiquintlaltocaz in Mimicque

0r 212

In oc no chicontetl ca yehuatlin

0r 213

Inic centetl Ca tiquimmachtiz in átle quimatî

0r 214

Inic ontetl Ca qualli ic tiquinnônotzaz in intech ommonequi

0r 215

Inic yetetl Ca tiquintlacahualtiz in motlapololtitinemî

0r 216

Inic macuiltetl Ca tiquinyollaliz in Tlaocoxtinemî

0r 217

Inic chicuacentetl Ca ticpaccaihiyohuiz innetlapololtiliz in Tohuampohuan

0r 218

Inic chicontetl Ca ticmotlatlauhtiliz in Dios impampa inYolque ihuan in Mimicque Mayuh mochihua Jesusè

0r 220

Izca in chicontetl Tlâtlacolli in Itzontecon in Inelhuayô mochiuhtica in cemixquich in occequi nepapan Tlâtlacolli

0r 221

Inic centetl Ca yehuatl in Nepoaliztli

0r 222

Inic ontetl Ca yehuatl in Teoyehuacatiliztli

0r 223

Inic yetetl Ca yehuatl in Ahuilnemiliztli

0r 224

Inic nauhtetl Ca yehuatl in Qualaniliztli

0r 225

Inic macuiltetl Ca yehuatl in Nexhuitiliztli

0r 227

Inic chiquacentetl Ca yehuatl in Nexicoliztli

0r 228

Inic chicontetl Ca yeuatl in Tlatzihuiliztli

0r 229

SIETE VIRTUDES CONTRARIAS â estos siete vicios

0r 230

Izca in chicontetl Qualtihuani Yectihuani in quixnamiqui in chicontetl Tlâtlacolli

0r 231

Inic centetl Ca yehuatl in Necnomatiliztli in quixnamiqui in Nepohualiztli

0r 232

Inic ontetl Ca yehuatl in Tenemactiliztli in quixnamiqui in Teoyehuacatiliztli

0r 233

Inic yeletl Ca yéhuatl in Chipahuac nemiliztli in quixnamiqui in Ahuilnemiliztli

0r 234

Inic nauhtetl Ca yehuatl in Tlamatcayeliztli in quixnamiqui in qualaniliztli

0r 235

Inic macuiltetl Ca yehuatl in Tlaixyêyecoliztli in quixnamiqui in Nexhuitiliztli in Xixicuinyotl

0r 236

Inic chicuacentetl Ca yehuatl in Tetlaçotlaliztli in quixnamiqui in Nexicoliztli

0r 237

Inic chicontetl Ca yehuatl in Netlacuitlahuiliztli in quixnamiqui in Tlatzihuiliztli

0r 239

In Iyaohuan in Tanima ca yeintin

0r 240

Inic ce Ca yehuatl in Tlacatecolotl

0r 241

Inic ome Ca yehuatl in Tlalticpacayotl

0r 242

Inic yei Ca yehuatl in Tonacayô

0r 244

LAS VIRTUDES THEOLOGALES Y CARDINALES

0r 245

In Qualtihuani Yectihuani Virtudes ca Chicontlamantli auh in yeitlamantli motenehua Theologales ihuan in oc nauhtlamantli motenehua Cardinales

0r 246

In Teoqualtihuani Teoyectihuani Theologales ca yehuatlin

0r 247

Inic centlamantli Ca yehuatl in Teotlaneltoquiliztli

0r 248

Inic ontlamantli Ca yehuatl in Teonetemachiliztli

0r 249

Inic yeitlamantli Ca yehuatl in Teotetlaçotlaliztli

0r 250

Izca in oc nauhtlamantli Qualtihuani Cardinales

0r 251

Inic centlamantli Ca yêhuatl in Nêmatiliztli

0r 252

Inic ontlamantli Ca yêhuatl in Tlamelahuacachihualiztli

0r 253

Inic yeitlamantli Ca yêhuatl in Yolchicahualiztli

0r 254

Inic nauhtlamantli Ca yêhuatl in Tlaixyêyecoliztli

0r 257

Izca in yeitlamantli in Ihuelitiliz in Toyolia in Tanimâ

0r 258

Inic centlamantli Ca yehuatl in Totlalnamiquia ic Titlalnamiquî

0r 259

Inic ontlamantli Ca yehuatl in Tixtlamatià ic titlâcicacaquî

0r 260

Inic yeitlamantli Ca yehuatl in Totlanequia ic toyollocopa âço itla ticnequî ânoço âmoticnequî

0r 262

Izca in macuillamantli in Tonacayô in Inêmachiliz

0r 263

Inic centlamantli Ca yehuatl Totlachiaya ic titlachiâ

0r 264

Inic ontlamantli Ca yehuatl Intonacaz Itlacaquia ic titlacaquî

0r 265

Inic yeitlamantli Ca yehuatl in Totlânecuia ic titlânecuî

0r 266

Inic nauhtlamantli Ca yehuatl in Tocamac in Itlahuelmatia ic titlahuelmatî

0r 267

Inic macuillamantli Ca yehuatl in Totlamatocaya ic titlamatocâ

0r 269

LOS DONES DEL ESPIRITU SANTO

0r 270

Izca in chicontlamantli in Itenemactzin in Itetlauhtiltzin in Dios Espiritu Sancto

0r 271

Inic centlamantli Ca yehuatl in Teotlamatiliztenemactli

0r 272

Inic ontlamantli Ca yehuatl in Tlaâcicacaquiliztenemactli

0r 273

Inic yeitlamantli Ca yehuatl in Tenônotzaliztenemactli

0r 274

Inic nauhtlamantli Ca yehuatl in Yolchicahualiztenemactli

0r 275

Inic macuillamantli Ca yehuatl in Tlamatiliztenemactli

0r 276

Inic chicuacentlamantli Ca yehuatl in Yeccentlateomatiliztenemactli

0r 277

Inic chicontlamantli Ca yehuatl in Dios in Imacaxocatzin Tenemactli

0r 278

LOS FRUTOS DEL ESPIRITU SANTO

0r 279

Izcâ in mâtlactlamantli omome in Itlaquillotzin in Dios Espiritu Sancto

0r 280

Auh ca yehuatlin in Teotetlaçotlaliztli In teoyotica Pâpaquiliztli in Yolceuhcayotl in Tlapaccaihiyohuiliztli in Tenemactiliztli in Yectiliztli in Tlâtlacayotl in Pacca yocoxcanemiliztli in Teotlaneltoquiliztli in Tlaixyêyecoliztli in Netlacahualtiliztli ihuan in Chipahuacanemiliztli

0r 282

Izcâ in chicuetlamantli Tlacnopilhuiliztli Necuiltonoliztli

0r 283

Quemmach huel yehuantin in inyollocopa motoliniâ ipampa ca imaxca in Ilhuicac Tlâtocayotl

0r 284

Quemmach amique in Tlâtlacatzitzintin yehica ca yehuantin quimaxcatizque in Tlalli

0r 285

Quemmach huel yehuantin in chocâ ipampa ca yehuantin yollalilozque

0r 286

Quemmach amique in quiteocihuî ihuan camiquî in qualli melahuac yehica ca yehuantin pachihuitilozque

0r 287

Quemmach huel yehuantin in Tetlaocolianime ipampaca yehuantin tlaocolilozque

0r 288

Quemmach amique Inyollo chipahuac yehica ca yehuantin quimottilizque in Dios

0r 289

Quemmach huel yehuantin in tlamatcanemî ipampa ca tocayotilozque in Dios Ipilhuantzitzin

0r 290

Quemmach amique in quihiyohuiá in Tetotoquiliztli in tetoliniliztli ipampa in qualli melahuac yehica ca imaxca in Ilhuicac Tlatocayotl

0r 292

Izca in nauhtlamantli Necuiltonoltenemactli in quimotlauhtiliz in quimomaquiliz in Totecuiyotzin Dios in Innacayô ic yecnemilizeque in qualtin Tlacâ inîquac iniquein mozcalizque in ipan in Tetlatzontequililiz Ilhuitl

0r 293

Subtileza Inic centlamantli Ca yehuatl in Nalquiçaliztli ic in Tlacemicnopilhuani in quemmachami Tlacatl manel nacayôcatzintli hueliti cennonohuian calaquiz noço quiçaz ca noçonel niman âtle in mâitla huel quitzicoz quelleltiz noço quitzacuiliz

0r 294

Ligereza Inic ontlamantli Ca yehuatl in Totoquiliztli ic in Tlacemicnopilhuiani in çancuel achic huel îcihuiliztica onhueliti itztehuaz mohuicaz noço mopanoltiz in çaço canin ic iyollo connequiz

0r 296

Claridad Inic Yetlamantli Ca yehuatl in Pepetlaquiliztli ic in Tlacemicno ilhuiani occencayê pepetlacatiez nalquizcachipahuacatiez in âmo machyuhqui pepetlaca tlanextia in Tonatiuh

0r 297

Impassibilidad Inic nauhtlamantli Ca yehuatl in Atlaihiyohuiliztli ic niman âtle in mâitlá huel quiquenchihuaz quicocoz ánoço quitoliniz in Tlacemicnopilhuiani Cánel noço ca àocmo Tlaihiyohuiani ca âocmo miquini ca áic miquiz âic tzonquiçaz ca çanyê mochipa cempápaquiz mochipa in Ilhuicac monemitiz

0r 298

COSAS CON QUE SE PERDONA el pecado venial

0r 299

Izca in chicunauhtlamantli ic tepôpolhuilo in Tepiton Tlâtlacolli

0r 300

Intla Missa ticcaqui Intla qualli ic titlacelia Intla in Teotlátollli ticcaqui Intla in Teopixcatlátocatzintli Obispo mitzmoteochihuilia Intla tictempohua in Totâtzinê Intla tiquitoa in Neyolmelahualoni

0r 301

Intla in Tlateochihualatl ic timatzelhuia Intla in Tlateochihuallaxcalli ticcelia Intla timeltepinia

0r 303

Auh ca nelli ca mochiin Tlateomatiliztica motequipanoz ic tepôpolhuiloz in Tepiton tlátlacolli

0r 305

In Tlalticpactlacatl in Itzonquizaliz in Itlamiliz ca nauhtlamantli

0r 306

In Miquiztli in Tetlatzontequililiztli in cemîcac Pâpaquiliztli ihuan in cemicac Mictlan Tlaihiyohuiliztli

0r 309

Nehuatl nitlátlacoani ninoyolmelahua ic ninoyolcuitia ixpantzinco in Cenhuelitini Dios in quemmach ami cemîcac Ichpochtli Santa Maria in quemmach ami San Miguel Archangel in quemmach ami San Juan Baptista in quemmach ami San Joseph in quemmach amique Apostolome S Pedro ihuan S Pablo inye mochintin in Santome noihuan in tehuatzin Notátzinè ipampa ca cenca huel onitlátlaco tlalnamiquiliztica tlátloltica ihuan tlachihualtica Auh ipampain nicnotlatlauhtilia in quemmach ami cemicac Ichpochtli Santa Maria in quemmach ami S Miguel Archangel in quemmach ami S Juan Baptista in quemmach ami San Joseph in quemmach amique Apostole San Pedro ihuan San Pablo in ye mochintin in Santome noihuan in Tehuatzin Notatzinè inic nopampa ticmotlatlauhtiliz in Totecuiyo Dios Mayuh mochihua Jesusè

0r 310

Aqui empiezan las Declaraciones de la Doctrina que se uan haciendo por

0r 312

Ye nican ompehua in Imelahualoca in Teotlâtolli in Tictecpantiazque Tetlâtlaniliztica ihuan Tenanquililiztica Achtopa motlalià in Tetlatlaniliztli ic tetlâtlanilo auh çatepan motlalia in Tenanquililiztli ic tenanquililo in yuh in itech in Caxtillan temachtilli in itoca Catecismo

0r 313

Se advierte Que para la Pregunta se pone Tetlâtlaniliztli y abreviado Tetl Y para la Respuesta se pone Tenanquililiztli y abreviado Ten

0r 315

DEL NOMBRE Y SEÑAL DEL Christiano

0r 316

In Imelahualoca in Itoca ihuan in Itlahuiz in Christiano

0r 317

Tetl Ma xinechilhui Piltzintlè Quen timotocayotia Catlehuatl in Motoca

0r 318

Ten Ninotocayotia Petolo noço Xuan anoço Palacisco

0r 319

Cecenchristianotlacatl cenca huel quimocuitlahuiz inic momoztlaè quimomahuiztililiz ihuan quimotlatlauhtiliz in Yehuatzin Santo in Itocatzin quimopielia ihuan ic motocayotia

0r 320

Tetl Auh cuix Titlaneltocani Cuix Tichristianotlacatl

0r 321

Ten Ca quemmacátzin Ca Nitlaneltocani Ca Nichristianotlacatl in ipaltzinco in itetlaocolilitzin in Totecuiyo Jesu Christo

0r 322

Tetl Tlein quîtoznequi Tlaneltocani nozo Christianotlacatl

0r 323

Ten Quîtoznequi In aquin quimocuitia in Totecuiyo Jesu Christo in Ineltococazin ic omonêtolti in Inequaatequilizpan in ipan in Santo Baptismo

0r 324

Tetl Ac yehuatzin in Totecuiyo Jesu Christo

0r 326

Ten Ca yehuatzin huel nelli Teotl Dios ihuan nelli Oquichtlacatzintli

0r 327

Tetl Tlaipampa tiquîtoa Ca Totecuiyo Jesu Christo ca huel nelli Teotl Dios

0r 328

Ten Ipampa ca nelli Ca in Totecuiyo Jesu Christo ca huel nelli Ipiltzin in Cenyolilicêcatzintli Dios in itechpatzinco omoquixtitzinô ihuan omotlacatilitzinô

0r 329

Tetl  Auh in Dios Ipiltzin quenamî omoquixtitzinô ihuan omotlacatilitzinô in itechpatzinco in Dios Tetàtzin

0r 330

Ten Maçonelihui ca niman áhuel mácicamelahuaz intlein tinechtlatlánia tel aço huel niquîtoz Ca in Dios Ipiltzin moquixtia ihuan motlacatilia in itechpatzinco in Dios Tetâtzin yuhquimmâ in Tonameyotl itechpa quiça noço Tlacati in pêpetlaca Tonatiuh

0r 331

Tetl Auh tleipampa no tîquîtoa Ca Totecuiyo Jesu Christo ca huel nelli Oquitzintli

0r 332

Ten Ipampa ca Totecuiyo Jesu Christo ca oc noihuan in Icenteconetzin in cemîcac Ichpochtli Santa Maria in îtictzinco omonacayôtitzîno ihuan itechpatzinco omotlacatili

0r 333

Tetl Auh in Totecuiyo Jesu Christo tleipampa motocayotia Christo

0r 334

Ten Ipampa ca Christo quitoznequi in Dios Itlaôçaltzin Auh ca nelli Ca yehuatzin in Dios teoyotica oquimôxili in Iyoliatzin in Totecuiyo Jesu Christo ihuan oquimocentemiltili in nepapan cenquizcayectiliztica Gracia impan in cemixquichtin in Tlalticpac ihuan in Ilhuicac Tlacâ

0r 335

Tetl Auh in Totecuiyo Jesu Christo cuix yehuatzin in huel nelli in Dios Ititlantzin in Itocatzin Messias

0r 336

Ten Ca quemácatzin Ca yehuatzin ca in Dios Ititlantzin in oquimotenehuilique ihuan oquimachtopaîtalhuique in Teotenahuatilli Ley ihuan in huêcatlachianime in Prophetasme

0r 337

Tetl Auh catlehuatl omochiuh in Ineixcahuiltequitzin in Totecuiyo Jesu Christo

0r 338

Ten Ca yehuatl in Temaquixtiani ihuan in Temachtiani

0r 339

Tetl Auh catlehuatl in Temachtilli in yehuatzin oquimotemachtilli

0r 340

Ten Ca yehuatl in Christianoyotl Temachtilli

0r 341

Tetl Quezquitlatlamantiticâ inin Temachtilli

0r 342

Ten Ca ocencaye Nauhtlatlamantiticâ

0r 343

Tetl Catlehuatl Maxitempohua

0r 344

Ten Ca yehuatl in Neltoconi in Tenahuatilli in Tlatlatlauhtiliztli ihuan in Teoteyectililoni Sacramentos

0r 345

Tetl Catlehuatl in Teoyotica Itlahuiz ihuan in Imachiyô in Christiano

0r 347

Ten Ca yehuatl in Imiquizquauhnepanoltzin in Totecuiyo Jesu Christo in Santa Crùz

0r 348

Tetl Auh tleipampa in Santa Crùz omochiuh in Itlahuiz ihuan in Imachiyô in Christiano

0r 349

Ten Ipampa ca in Santa Cruz ca in Inezcayotzin ihuan in Ixiptlayotzin in ye omamaçoaltiloc Totecuiyo Jesu Christo in yehuatzin Cruztitech otechmomaquixtili

0r 350

Tetl Auh tehuatl quenamî Cruztica timopalehuia

0r 351

Ten Ca nemachiotiliztica ihuan neteochihualiztica

0r 352

Tetl Ma yecuel niquitta quenami timochiotia

0r 353

Ten Ca yuh ninomochiotia Ipampa in Imachiyô in Cruz &c

0r 354

Tetl Iquin huel imman inic Cruztica titomachiotizque

0r 355

Ten Ca inîquac tocompehualtizque itlâ quallachihualli noço iniquac tôhuicanacticate ca âçitlâ amoqualli topan huel mochihuaz ihuan ocachiye iniquac topan motlaliz techcuitihuetziz in Tlatlacolteneyêyecoltiliztli ânoço itlâ âquallalnamiquiliztli

0r 356

Tetl Auh tleipampa âmo zanquezquipa titomachiotiâ

0r 357

Ten Ipampa ca cennônohuian techyâyahualoá techyaochihuà ihuan techtlahuelixnamiqui in Toyaohuan in Tlatlacatecolô

0r 358

Tetl Auh in Santa Cruz cuix hueliti in inhuicpa techmomaquixtiliz

0r 359

Ten Ca quemâcatzin Ipampa ca in Totecuiyo Jesu Christo in imiquiztica Cruztitech oquimmocempanahuili

0r 360

Tetl Catlehuatl in oc huel achtopa huei inahuatil ihuan ineixcahuiltequîuh in Tlaltipac Tlacatl

0r 361

Ten Ca yehuatl Inic quinematcatemoz quixtocaz ihuan quicnopilhuiz in Icenquiçayan in Itzonquizcacennemian in nican tlaltichpac chihualoc

0r 362

Tetl Auh tlêic ochihualoc in Tlalticpac Tlacatl

0r 363

Ten Ca inic in nican Tlalticpac quîmotlaçotiliz ihuan quimotequipanilhuiz in Dios auh çatepan quimottiliz ihuan quimotlamachtitzinoz in Ilhuicac

0r 364

Tetl Catlehuatl in quallachihualli ic ochualcâ tictequipanozque in Toteyocoxcatzin Dios

0r 365

Ten Ca tlaneltoquiliztica Netemachiliztica ihuan Tetlaçotlaliztica

0r 366

Tetl In Tlaneltoquiliztli tlein techmachtia

0r 367

Ten Ca tictoneltoquitizque in Dios inyuh ca Cenneltilicêcatzintli

0r 368

Tetl Ihuan in Netemachtiliztli tlein techmachtia

0r 370

Ten Ca in itetzinco in Dios titotemachizque in yuh ca Cenhuelitilicêcatzintli

0r 371

Tetl Auh tlein techmachtia in Tetlazotlaliztli

0r 372

Ten Ca tictotlaçotilizque in Dios inyuh ca Cenqualtilicêcatzintli

0r 373

Tetl Quen ticmatizque in titlamelahuacaneltocazque

0r 374

Ten Intla ticâcicacaquî in Teotlâtolneltoconi

0r 375

Tetl Quenin ticmatizque in itetzinco in Dios titotemachizque ihuan tictotlaîtlanililizque

0r 376

Ten Intla ticâcicacaquî in Totâtzinè

0r 377

Tetl Quenamî ticmatizque in qualli yectli tictequipanozque

0r 378

Ten Intla tiemelahuacamati in Tenahuatilli in ticneltilizque ihuan in Teoteyectililoni Sacramentos in ticcelizque

0r 379

Tetl Auh ihui in Anca ca titlaquauhnatilô inic in izquitlamantliin tictoyollotizque ihuan ticâcicacaquizque

0r 380

Ten Ca noço ipampa ca intlacamo ticâcicacaquî niman âhuel ticneltilizque

0r 382

In Imelahualoca in Nicnoneltoquitia

0r 383

Tetl Tla xiquito in Nicnoneltoquitia

0r 384

Ten Izcâ Nicnoneltoquitia in Dios &c

0r 386

Tetl Aquin oquimotecpanili in Nicnoneltoquitia

0r 387

Ten Ca yehuantzitzin in Apostolôme

0r 388

Tetl Tlêic aquimotecpanilique

0r 389

Ten Inic techmixtlamachtilizque in itechpa in Tlaneltoquiliztli

0r 390

Tetl Auh tehuantin tleica tiquîtoa

0r 391

Ten Ca inic tictocuitizque çannoyehuatl in tlaneltoquiliztli ihuan inic in itechpa titocenyolmaxiltizque

0r 392

Tetl Quexquichic nelli in tlein in Tlaneltoquiliztli techixpantilia

0r 393

Ten In ixquichi ca cenneltilizteotlâtolli in huel inomatzinco in Dios otech molhuili Auh in yehuatzin ca niman âhuel moztlacahuitzinoz ânoço techmoztlacahuiliz

0r 394

Tetl Auh quenin ticmati ca huel yehuatzin in Dios otechmolhuiliin

0r 395

Ten In ipaltzinco in Tonantzin Santa Iglesia in quimoyacanilia in Dios Espiritu Santo

0r 396

Tetl Quexquichic totechommonequi in ticneltocazque in izquitlamantli neltiliztli in tixpan quimotlalilia in Santa Iglesia

0r 397

Ten In ixquich ca in aquin âmo quicenneltoca âmohuel momaquixtiz

0r 398

Tetl Auh zanyeiyô in Tlaneltoquiliztica cuix huel in Christiano momaquixtiz

0r 399

Ten Ca niman âmohuel momaquixtiz intl camo quimotlaçotilia in Dios ihuan âmo quimopielia in Itenahuatiltzin

0r 400

DECLARACION DE LOS Articulos

0r 401

In Imelahualoca in Neltoconi

0r 402

Tetl xiquito in Teotlatolneltoconi

0r 403

Ten Ca yehuatlin In Teotlâtolneltoconi &c

0r 404

Tetl Tlein quîtoznequi in Teotlâtolneltoconi

0r 405

Ten Quîtoznequi in oc tachcauh in Tlaneltoquilizteotlamahuiçolli

0r 406

Tetl Auh intla inic centetl Neltoconi ca yehuatl in tictoneltoquitizque in zance Teotl Dios xinechilhui Acyehuatzin in Teotl Dios

0r 407

Ten Cayehuatzin in cenquizcamahuiztililoni Teoyeitiliztli in Santissima Trinidad Yehuatzin in Dios Tetatzin ihuan in Dios Ipilzin ihuan in Dios Espiritu Santo yeintintzitzin in Teotlacatzitzintin Personasme auh ca çan huel cetzin huel nelli Teotl Dios in Imeixtintzitzin

0r 408

Tetl In Tetâtzin cuix nelli Teotl Dios

0r 409

Ten Ca quemâcatzin Ca in Tetâtzin ca nelli Teotl Dios

0r 410

Tetl Auh in Ipiltzin cuix nelli Teotl Dios

0r 412

Ten Ca quemacatzin Ca in Ipiltzin ca nelli Teotl Dios

0r 413

Tetl Auh in Espiritu Santo cuix nelli Teotl Dios

0r 414

Ten Ca quemâcatzin Ca in Espiritu Santo ca nelli Teotl Dios

0r 415

Tetl Cuix Yeintin in Teteô

0r 416

Ten Ca niman amo Yeintin in Teteô ca çanye huel cetzin in Teotl Dios in yehuatzin ca huel Cettiticâ inic Iteoyotzin ihuan ca Yeittiticâ inic in Teotlacatzitzintin Personasme

0r 417

Tetl Auh xinechilhui Intla ca nelli ca Yeintintzitzin in Teotlacatzitzintin in Personasme tlecanâme Yeintin in Teteô

0r 418

Ten Yeica ca immanel Yeintintzitzin in Teotlacatzitzintin in Personasme tel ca nelli ca mochtintzitzin quimopieliâ çance Inteoyotzin çance Inyelitzin Auh ipampai ca çan huel ce nelli Teotl Dios in Imeixtintzitzin in Personasme

0r 419

Tetl In Totecuiyotzin in Dios cuix Nacayôcatzintli Cuix Machiyôcatzintli Cuix Ittaloni ca huel ittaloz Anozo machiyotiloni ca huel machiotiloz quenami in Tehuantin

0r 420

Ten Ca in Totecuiyo Dios inic Teotl Dios ca niman âmo Nacayôcatzintli noço mochiotiloni ânoçê ittaloni tel in yehuatzin in Dios inic Oquichtlacatzintli ca nelli ca Nacayôcatzintli ca Machiyôcatzintli ca ittaloni ihuan ca machiotiloni

0r 421

Tetl In Totecuiyo Dios tleipampa Cemhuelitini

0r 422

Ten Ipampaca çan itlanequiliztica quimochihuilia in cemixquich in yehuatzin quimonequiltia

0r 423

Tetl Ihuan tleica Teyocoyani Techihuani

0r 424

Ten Yeica ca âtle itechpa oquiyocox ihuan oquimochihuili in cemixquich ittalo ihuan ámo ittalo

0r 425

Tetl Auh tlêipampa Temaquixtiani

0r 426

Ten Ipampa ca techmomaquilia in Iteyectiayatzin Gracia ihuan techmopopolhuilia in Totlâtlacol

0r 427

Tetl Tlêipampa techmomaquilia in Dios in Iteyectiayatzin Gracia

0r 428

Ten Ca çan ipampa in cenca huei in icenqualtilitzin ihuan ipampa in itlacnopilhuilitzin in Totecuiyo Jesu Christo

0r 429

Tetl Tlein quitoznequi in Teoyectiliztli Gracia

0r 430

Ten Quîtoznequi Centetl teoyotica yeliztli cenca huel mahuiztiz Ilhuicac tenemactli ic techmopiltzintitzinoa in Dios ihuan techmaxcatilia in cemîcac in inecuiltonoltzin in Gloria

0r 432

Tetl Auh catlehual in qualli yectli in itechpa tohuicpa quiza in Dios in Iteyectiayatzin in Gracia

0r 433

Ten Ca ic tihuelitizque ihuan ticnequizque in ixpantzinco in Dios tictequipanozque in tlaxtlahualiz ihuan in tlacnopilhuiliztlachihualli

0r 434

Tetl Catlehuatl ic tiquicnopilhuizque ihuan ic tictlapihuizque in Teoyectiliztli Gracia

0r 435

Ten Ca ic in tlatlatlauhtiliztli in Teyectililoni Sacramentos ihuan in qualli yectli in itequipanoloca

0r 436

Tetl In Totecuiyo Dios tleipampa Tecentlamachtiani

0r 437

Ten Ipampa ca quimocemaxcatilia in cemîcac pápaquiliztli Gloria in aquin ipan momiquilia in Teoyectiliztli Gracia

0r 438

Tetl Ac yehuatzin Teotlacatzintli Persona Oquitzintli omochiuhtzinô Cuix in Dios Tetâtzin anozo in Dios Espiritu Santo

0r 439

Ten Ca in Dios Tetátzin niman âmo Oquitzintli omochiuhtzinô Amo no Oquitzintli omochiuhtzino in Dios Espiritu Santo

0r 440

Tetl Mazacemi xiquito Ac yehuatzin Teotlacatzintli Persona Oquitzintli omochiuhtzinô

0r 442

Ten Ca çan huel yehuatzin inic Ome Teotlacatzintli Persona in Dios Ipiltzin Oquitzintli omochiuhtzino Auh inye Oquitzintli omochiuhtzinô ca huel nelli Teotl Dios (in yuh yeppa cemîcac ometzticatca) ihuan ca huel nelli Oquitzintli Totecuiyo Jesu Christo

0r 443

Tetl Auh quenamî Oquitzintli omochiuhtzino in Totecuiyo Jesu Christo

0r 444

Ten Ca in Ichpochxillantzinco in Cihuapilli Santa Maria ica in itlamahuiçoltzin in Dios Espiritu Santo Auh yehuatzin in Santa Maria manel huel nelli in Dios Inantzin omochiuhtzino tel niman aic oquimopôlhui in icenchipahuacaichpochyotzin Ca nozo nel cemîcac mochipa mocemâciticatca Ichpotzintli

0r 445

Tetl Auh tleic Oquitzintli omochiuhtzinco in Totecuiyo Jesu Christo

0r 446

Ten Inic huel topampa momiquiliz ihuan inic techmomaquixtiliz in itechpa in totlâtlacol ihuan inic iyecnemiliztica ihuan iteixcuitiliztica tech hualmottitiliz in melahuac ôtli in Ilhuicac tehuica

0r 447

Tetl Auh immanel âmo omomiquiliani in Totecuiyo Jesu Christo cuix âmomach nelli Ca in Totecuiyo Dios oquimonextilizquia occentlamantli Teoyotica pâtli ic otechmomaquixtilizquia

0r 449

Ten Ca noço ca quimonextiliaya yece ocachiye totech ommonec in Itlazomiquitzin in ámomachyuhqui occentlamantli Teoyotica tepátiloni

0r 450

Tetl Auh quen huel omomiquili in Totecuiyo Jesu Christo intla ca nelli ca in Teotl Dios niman âhuel momiquiliz

0r 451

Ten Ipampa ca in Totecuiyo Jesu Chisto immanel Teotl Dios ometzticatca tel ca oc noihuan ometzticatca miquini Oquitzintli Auh inîquac omomiquili niman ámô inic Teotl Dios omomiquili ca anye inic Oquichtlacatzintli omomiquili

0r 452

Tetl Tleipampa otlazôtic in iyollôtzin in Totecuiyo Jesu Cristo inic Cruztitech yehuatzin momiquilizquia

0r 453

Ten Ipampa ca in yuh in oncan ocachiyê otlaîhiyohuiltiloc ihuan opinauhtiloc çanyênoyuh ocachiyê omotlacnopilhuili ihuan omahuiçotiloc

0r 454

Tetl Inîquac ticneltoca ca Totecuiyo Jesu Christo omotemohui in Mictlan tleipan ticmati in Mictlan

0r 455

Ten In Mictlan quitzonequi in nauhtlatlamantiticá Inyeyan Imonoyan Inyolia Imanimas in omomiquilique Tlacá in ompa Tlaliyollôco mantimanî

0r 456

Tetl Catlehuatl Xicnonononquapohua

0r 458

Ten Inic Centlamantli in itocayocan Limbo Ca yehuatl Inyeyan Inyolia in Pipiltzitzintin in âmo omoquaatequique ihuan ca çanyeyuh omomiquilique

0r 459

Inic ontlamantli in Itocayocan Tetlechipahualoyan Purgatorio Ca yehuatl Inyeyan in qualli ic omomiquilique yecê in nican Tlalticpac ámo huel máciticá otlamaceuhque ipampa in intlátlacol auh in onca tletica ihuan tonehuiztica ontlaxtlahuá ihuan mocenchipahuá ic çanniman in ilhuicac tlamelahuâ

0r 460

Inic yeitlamantli Ca yehuatl in Mictlan in canin tlaçalô Inyôyolia Imanimas in yehuantin in temictiani Tlátlacolpan omimique auh in oncan tletica ihuan nepapan chichinaquiztica cenca huel chichinatzalô ihuan tlaîhiyohuiltilô

0r 461

Inic nauhtlamantli in Itocayocan Seno de Abrahan Ca yehuatl Imonoyan ocatca Imanimas Inyôyolia in qualtin Tetáhuan auh in oncan Tepieltiloticatcá ihuan quimochieliticatcà in Ihuallalitzin in Totecuiyo Jesu Christo in oc ixquichcauh yehuatzin ompa omotemohui oquimmomaquixtili ihuan itlantzinco in Ilhuicac oquimmohuiquilî

0r 462

Tetl Auh quenin omotemohui in Mictlan in Iyoliatzin in Totecuiyo Jesu Christo inîquac omomiquili

0r 464

Ten Ca in Iyoliatzin in Totecuiyo Jesu Christo omotemohui in Mictlan huel necetililiztica huel ihuantzinco in Iteoyotzin in aic oquimotlalcahuili

0r 465

Tetl Auh in Imiccanacayotzin in Totecuiyo Jesu Christo quenamî Cruztitech omocauhtzinô

0r 466

Ten Ca in Imiccanacayotzin in Totecuiyo Jesu Christo ca noyuhqui Cruztitech omocauhtzino necetililiztica huel ihuantzinco in Iteoyotzin in aic no oquimotlalcahuili

0r 467

Tetl Auh quenamî omonômaizcalitzino in Totecuiyo Jesu Christo

0r 468

Ten Ca in Ianimantzin in Totecuiyo Jesu Christô occeppa omocalaquitzino in îtictzinco in Imiccanacayotzin huel in itlan omocetilitzino ihuan oquimoyolitili ic hueca necuiltonoliztica omonômaizcalitzino inic aocmo quemman momiquiliz

0r 469

Tetl Auh in Totecuiyo Jesu Christo quenin omotlecahui in Ilhuicac

0r 470

Ten Ca ixcoyan ihuelitiliztica omonômatlêcahui in Ilhuicac inic mochipa cemicac monemitiz

0r 471

Tetl Tlein quîtoznequi Ca in Totecuiyo Jesu Christo motlalitzinoticâ in Imayauhcampatzinco in Dios Tetatzin

0r 472

Ten Quîtoznequi Ca in Inecencuiltonoltzin in Totecuiyo Jesu Christo inic Teotl Dios ca quimocennênehuililia ic mâcicapôpotitzinoa in Inecencuiltonoltzin in Dios Tetátzin auh inic Oquitzintli ca quimocempanahuilia in cemixquich Innecuiltonol in mochintin in Tlalticpac ihuan in Ilhuicac Tlaca

0r 473

Tetl Quen mochihuaz in Inezcaliliz in Tomiccanacayô

0r 474

Ten Ca in Toyolia in Tonima occeppa mocalaquiz itic in Tomiccanacayo huel itlan mocetiliz ihuan quiyolitiz ic mozcaliz inic aocmo miquiz ihuan cemîcac yoliz

0r 475

Tetl Iquin hualmohuicaz in Totecuíyo Jesu Christo in quimmotlatzontequililiquiuh in Yolquê ihuan in Mimicquê

0r 476

Ten Ca in ipan in Tetlatzontequililizilhuitl inîquac ontlamiz in Cemanahuac occepa nican hualmohuicaz in Totecuiyo Jesu Christo cenca huei netimaloliztica ihuan Tlatocamahuizotica inic Techmotlatzontequililiz ihuan inic in Cecentlacatl quimotlacuepcayotililiz in yuh itlachihual Aun in qualtin quimmocemmaquiliz in cemîcac pápaquiliztli Gloria auh in amo qualtin quimocemmaquiliz in cemicac tonehuiztli ihuan in aic cahuiz miquiliztli

0r 477

Tetl Tlein ticneltoca iquac tiquîtoa Nicneltoca ca oncâ Innecepanicneliliz in Santôme

0r 478

Ten Nicneltoca Ca in Ticepantlaneltocanime nepanotl titocneliá ihuan toquallachihualticá titocepanpalehuiâ yuhquimmá ca in Ticocotoncahuan in çan huel centetl in Teoyotica in Tonacayô

0r 479

DECLARACION DEL PADRE Nuestro

0r 480

In Imelahualoca in Totâtzinè

0r 481

Tetl Tla xiquîto in Totâtzinè

0r 482

Ten Ca quemáca Totatzine &c

0r 483

Tetl Aquin oquimotecpanili in Tlatlatlauhtiliztli in Totâtzinè

0r 484

Ten Ca huel yehuatzin in Totecuiyo Jesu Christo intetlatlauhtiliztica in Itlamachtiltzitzihuan in Apostolôme

0r 485

Tetl Tleic oquimotecpanili

0r 486

Ten Inic techmomachtiliz in quenin in Dios Tictotlatlauhtilizque

0r 487

Tetl Tlein quîtoznequi Tlatlatlauhtiliztli

0r 488

Ten Quîtoznequi Neyolehualiztli àcopatlachieliztli in ihuictzinco in Dios inic tictitlanilizque in nepapan in itetlauhtiltzin in itenemactzin

0r 489

Tetl Tleica otechmomachtili in Dios in tictotecayotilizque ihuan ipan tictomachiltizque yuhquimmâ in Totâtzin

0r 491

Ten Inic Tictotlaîtlanilizque yuhquimmá in Titetlaçotlacapilhuantzitzin

0r 492

Tetl Auh quenamî in Tipilhuantzitzin in Totecuiyo Dios

0r 493

Ten Ipampa ca yehuatzin otechmochihuili ihuan iteoyectiliztica Gracia otechmoqualtilili

0r 494

Tetl Inîquac tîquitoa in Totâtzinè acyehuatzin ticmonônochilia

0r 495

Ten Ca huel yehuatzin in Totlátocatzin ihuan in Totâtzin Dios

0r 496

Tetl Campa moyetzticâ in Totlâtocatzin ihuan in Totâtzin Dios

0r 497

Ten Ca cennônohuian cemanahuac moyetzticá in Iyeliztica in Itlachieliztica ihuan in Icemhuelitiliztica

0r 498

Tetl Auh tleipampa tiquîtoa ca in Ilhuicac moyetzticâ

0r 499

Ten Ipampa ca in oncan in Itlátocachantzinco octachcauh quimhualmottititzinoa ihuan quimmotlamachtilia in Ilhuicac Chaneque

0r 500

Tetl  Auh in Totecuiyo Jesu Christo cuix no cennônohuian cemanahuac moyetzticâ

0r 501

Ten  Ca in Totecuiyo Jesu Christo inic Teotl Dios ca cennônohuian cemanahuac moyetzticá auh inic Oquichtlacatzintli ca ámo cennônohuian moyetztica ca çanye in Ilhuicac ihuan îtictzinco in Santissimo Sacramento ommoyetzticá

0r 503

Tetl Quezquitlamantitica in Tetlaîtlaniliztli in itech onactica in Totâtzinè

0r 504

Ten Ca chicontlamantiticá auh in achtopa etlamantli ca in itech pohui in Imahuiztililocatzin in Dios auh in oc nauhtlamantli ca in itech pohui in Impalehuiloca in Tohuampohuan

0r 505

Tetl Auh tlein oncan tictitlanililiâ in Dios

0r 506

Ten Tictitlanililia in Dios Ma techmomaquili in cemixquich in nepapan qualli ihuan ma techmomaquixtili in ihuicpa in cemixquich in nepapan ámo qualli

0r 507

Tetl Tlein tiquîtlani iniquac tiquîtoa Ma yectenehualo in Motocatzin

0r 508

Ten Niquîtlani Ma cenquizcamahuiztililo ihuan huêcapanolo in Itocatzin in Dios

0r 509

Tetl Tlein tiquîtlani inic tiquîtoa Ma tohuicpa huallauh in Motlâtocayotzin

0r 510

Ten Niquîtlani Ma in Dios in axcan totechmoyetztie ihuan ma topan motlátocatilitie in Iteoyectiliztica Gracia ihuan ma çatepan techmomaquili in Itecempápaquiltiayatzin in Gloria

0r 511

Tetl Auh iquac tiquîtoa Ma yuh chihualo in Tlalticpac in motlanequilitzin in yuh chihualo in Ilhuicac tlein tiquîtlani

0r 512

Ten Niquîtlani Ma yuh in Titlalticpac tlacá ticácicaneltilican in itlanequilitzin in Dios inyuh cácicaneltiliá in Ilhuicac Angelôme

0r 514

Tetl Tlein tiquîtlani inic tiquîtoa In totlaxcal in momoztlaè totechmonequî ma axcan xitechmomaquili

0r 515

Ten Niquîtlani in quexquich in itech ommonequi in Ineuhca in Icochca in Tonacayô ihuan in Tanima

0r 516

Tetl Auh tleipampa tiquîtlani in zanyehuel iyô in axcan in cemilhuitlaxcalli

0r 517

Ten Inic momoztlaè niquîtlaniz intlein momoztlaê notechommonequiz

0r 518

Tetl Inîquac tiquîtoa Maxitechmopôpolhuili in Totlâtlacol tlein tiquîtlani

0r 519

Ten Nicnîtlanilia in Dios in Itepôpolhuiloca in totlátlacol ihuan in totlaihiyohuiliz in ipampa in totlâtlacol in yehuatzin tictohuiquililiá

0r 520

Tetl Auh tleica ticnênepanoa in motlâtol ihuan tiquîtoa Inyuh tiquintlapôpolhuiâ in techtlâtlacalhuiâ

0r 521

Ten Ipampa ca âmo quimotlapôpolhuilia in Dios in aquin ámo tetlapôpolhuia

0r 522

Tetl Tlein tiquîtlani iquac tiquîtoa Macamo xitech momacahuili inic amo ipan tihuetzizque in teneyêyecoltiliztli

0r 523

Ten Niquîtlani Ma Dios techmoyolchicahuili ihuan ma techmomatzitzquili inic amo toyollocopa ticcelizque in iteneyêyecoltiliz in Tlacatecolotl

0r 525

Tetl Catlehuatl in âqualli in ihuicpa ticmitlanilia in Dios in mamitzmomaquixtili

0r 526

Ten Ca yehuatl in Tlacatecolotl in Mictlan ihuan in oc izquitlamantli tetolini tetlaocolti in huel quemmanian techonnamiquiz

0r 527

Tetl Auh cuix noihuan tiquintotlatlauhtilizque in Angelôme ihuan in occequintin in Ilhuicac in Santôme

0r 528

Ten Ca quemácatzin Ca nel yehuantzitzin ixpantzinco in Dios in Ilhuicac topan motlátoltiá

0r 529

Tetl Ac yehuantzitzin in Angelôme

0r 530

Ten Ca yehuantzitzin in Dios itlaçomahuiztlachihualhuan in ompa oquinyocox in Ilhuicac auh niman amo Nacayôque ca çan cemáciticate Espiritus in mochipa quimoyectenehuiliticate in ompa no in Ilhuicac in Dios

0r 531

Tetl Auh catlehuatl occentlamantli Inneixcahuiltequitzin ic quimotlayecoltiliâ in Dios in Angelome

0r 532

Ten Ca quimmocuitlahuiâ in Tlalticpactlaca ihuan quimhualmohuiquililiá in nican Tlalticpac in Dios ititlantlátoltzin auh çatepan in ilhuicac in yehuatzin quimocuepililiá

0r 533

Tetl Catlehuatl in Tlatlatlauhtiliztli ic ticmotzàtzililia in Tlâtocacihuapilli Sta Maria

0r 534

Ten Ca ontlamantli in Itlâpololocatzin Auh ca yehuatl in Maximopapaquiltitiê Santa Mariaê ihuan in Cihuapillè

0r 535

DECLARACION DEL AVE Maria y la Salve

0r 536

In Imelahualoca in Maximopâpaquiltitie Santa Mariaè ihuan in Cihuapillè

0r 537

Tetl Xiquîto in Itlâpalolocatzin in Santa Maria

0r 538

Ten Maihuitzin Maximopápaquiltitiè &c

0r 539

Tetl Aquin oquimotlalili in Itlàpalolocatzin in Santa Maria

0r 540

Ten Ca huel yehuatzin in Archangel San Gabriel oquimotlalili iniquac oquimotlápalhuico in Tocihuatecuiyotzin in cemîcac Ichpochtli Santa Maria noihuan oncan in ocquezquitlâtolli oquimocetilili in Santa Isabel ihuan in Santa Iglesia

0r 541

Tetl Acyehuatzin ic ticmonônochilia

0r 542

Ten Ca yehuatzin in Tlâtocacihuapilli cemîcac Ichpochtli in Santa Maria

0r 543

Tetl Ac yehuatzin in Tlatoca Cihuapilli Santa Maria

0r 544

Ten Ca yehuatzin in Dios Itlaçomahuiznantzin Cemîcac Ichpochtli in motemiltiticâ cenquizcayectiliztica Gracia ihuan ic nepapan Qualtihuani Yectihuani in yehuatzin mocentlátocatilia in Ilhuicac ihuan Tlalticpan ihuan topan ixpantzinco in Dios motlâtoltia milacatzotzinoa

0r 545

Tetl Campa moyetzticâ in Tlâtocacihuapilli Santa Maria

0r 546

Ten Ca ompa moyetztica in Ilhuicac huei necuiltonoliztica ihuan huel cemáciticá inic in Itlaçonacayotzin ihuan inic in Itlateochihualanimantzin

0r 547

Tetl Auh ac yehuantzin in Santa Maria in ompa Teopan moyetztícâ

0r 548

Ten Ca çan huel iyo ca in Ixiptlayotzin ca in Icuilolocatzin in Santa Maria in Ilhuicac moyetzticâ Auh ca nelli ca inic in yehuatzin tictolnamiquilizque ihuan ipampa ca in Ixiptlayotzin ic tictomahuiztililiá Auh ipampain çanyenoyuh tiquintonepechtequililiá in occenquintin Imixiptlayotzitzihuan in occequintin in Santôme

0r 549

Tetl Auh tleipampa miectin oncate in nepapapan Ixiptlayotzitzihuan in Santa Maria ihuan nepapan intocatica motocayotiâ in quenami de los Remedios de la Piedad del Rosario âzomâ ca âmo zan huel cetzin zan huel iyôtzin in Santa Maria

0r 550

Ten Ca nelli Ca çan huel cetzin in Santa Maria Auh in nepapan in Ixiptlayotzitzihuan in tixpan monextia ca çan inic quinezcayotizque ihuan techilnamictizque in nepapan itetlaocolilitzin in imacpatzinco mochipa ticceliá ihuan inic ámo çanquenami in yehuatzin tictomahuiztililizque ihuan in tonetoliniayan tictotzatzililizque

0r 551

Tetl Auh tlein in oncan tictolhuiliâ in yehuatzin Santa Maria

0r 552

Ten Ca in yehuatzin tictotlápalhuiá tictohuecapanilhuiâ ihuan in itetzinco titotlaça titocnotecá titotepialtiâ noihuan in yehuatzin tictotlatlauhtiliá inic techmopalehuiliz ihuan topan ixpantzinco in Dios ommotlátoltiz

0r 553

Tetl Aquin omitzmachti in Cihuapillé

0r 554

Ten Ca yehuatzin in Santa Iglesia quimopielia ihuan yuh quimonemitilia

0r 555

Tetl Ac yehuatzin in oncan ticmonônochilia

0r 556

Ten Ca çanno huel yehuatzin in Tlâtocaichpotzintli ihuan Tocihuâtlatocatzin in Santa Maria

0r 557

Tetl Auh tlein in oncan tictolhuiliâ

0r 558

Ten Ca in oc izquitlamantli iyectenehualocatzin çanyeno yehuatzin in quemmach amicatzintli cemicac Ichpochtli Santa Maria ic noyuh tictitlaniliâ in iteicnelilitzin in itepalehuilitzin in tonetoliniayan Ca nozonel ca yehuatzin in Dios Inantzin Tocihuatecuiyotzin ihuan Totepan Tlâtocatzin

0r 559

Tetl Quenamî tiquimmahuiztilizque Imixiptlayotzitzihuan in ilhuicac in Santôme

0r 560

Ten Ca in quenamî tiquintomahuiztililiâ in Santôme ca çanyenoihui tiquimmahuiztilizque Imixiptla yotzitzihuan Canel quimmixiptlatiliâ ihuan quimmixehuiliá çanno yehuantzitzin in Santôme

0r 561

Tetl Auh in Santôme Innênecauhcayotzin (Itoca Reliquias) quenin tictomahuiztililizque

0r 562

Ten Ca yuh tiquintomahuiztililizque in yuh no tiquintomahuiztililiâ in huêl yehuantzitzin in Santome in nican Tlalticpac omochiuhtzinoticatcâ in Iyolcateopantzitzihuan in Totecuiyotzin Dios

0r 563

Tetl Catlehuatl in Tlatlatlauhtiliztli ic tiquimmotlatlauhtilia in Ilhuicac in Santôme

0r 564

Ten Ca yehuatl in Tlatlatlauhtiloní (Itoca Letanias) ihuan in oc izquitlamantli tlatlatlauhtiliztli noihuan in Totatzinè ihuan in Maximopâpaquiltitie Santa Mariaè

0r 565

Tetl Auh amomach nelli ca ic ticmononochilia in Totecuiyotzin  Dios ihuan in Icemchipahuacanantzin Santa Maria

0r 566

Ten Ca noço nelli Yece in Dios nicnotlatlauhtilia in ipaltzinco intlacnopilhuiliz in Santôme Auh yehuantzitzin in Santôme niquinnotlatlauhtilia inic nopan ixpantzinco in Dios motlátoltizque

0r 567

DECLARACION DE LOS MANDAMIENTOS de la Ley de Dios

0r 568

In Imelahualoca in Mâtlactetl in Itenahuatiltzin in Dios

0r 569

Tetl Tla xiquîto in Dios Itenahuatiltzin

0r 570

Ten Izcâ In Dios Itenahuatiltzin ca mâtlactetl &c

0r 571

Tetl In ipan inic centetl Teotenahuatilli nimitztlátlania Tlein techmotlaquauhnahuatilia in Itlazotlalocatzin in Dios

0r 572

Ten Techmonahuatilia Inic tictoteotitzinozque in çance huel nelli Teotl Dios Tlaneltoquiliztica Netemachiliztica ihuan Tetlaçotlaliztica

0r 573

Tetl Quenamî tictoteotitzinozque in huel cetzin huel nelli Teotl Dios

0r 574

Ten Ca in itemahuiztiliztica in Tonacayô ihuan in Toyolia in Tanima

0r 575

Tetl Auh intla ca nelli ca in Teotl Dios ca âmo Nacayôcatzintli ca zanye mocemitquiticâ Espiritu cuix amo ye qualli ye ixquich yez inic zanye in Tanima quimomahuiztililiz

0r 577

Ten Ca niman amo ye ixquich ipampa ca in Totecuiyo Dios oquiyocox amo çanyeiyo in Tanima ca oc noihuan oquimochihuili in Tonacayô

0r 578

Tetl Tlein quitoznequi Ca tictotlazotilizque in Dios ipan cemixquich in nepapan Tlachihualli

0r 579

Ten Quitoznequi Ca oc ye achtopa ticnequizque in ma cempopolihui in cemixquich in cennonohuian onoc tlachihualli in amo machyuhqui in Dios tictoyolîtlacalhuizque

0r 580

Tetl Aquin quîtlacoa ihuan quixnamiqui in Tlaneltoquiliztli

0r 581

Ten In aquin quineltoca noço quitetzammati intla Tlacatecoloyotl anoço occentlamantli çan ahuilli çan iztlacatetzahuitl No tlâtlacoa in aquin amo quimati noço quiztlacamati in tlein itech pohui quineltocaz ánoço itech omeyolloa noço moyoltzotzona

0r 582

Tetl Aquin quîtlacoa ín Netemachiliztli in Nechixcayeliztli

0r 583

Ten In aquin motlahuelpoloa ca amo in itetzinco motemachia in Dios noço in itetzinco mochicotemachia anoçe motopalchicahua

0r 584

Tetl Aquin tlatlacoa in ihuicpa in Tetlazotlaliztli

0r 586

Ten Ca in Icnopilahuelicoc in amo quitlaçocamati in Dios in iteicnelilitzin ihuan in aquin amo quineltilia in itlanequilitzin ihuan in Itenahuatiltzin in Dios

0r 587

Tetl In itechpa inic Ontetl Tenahuatilli xinechilhui Aquin quitlapictenehua in Itocatzin in Dios

0r 588

Ten In aquin quitenehua Iztlacatiliztica noço Atlamelahuacachihualiztica ánozo ámo tetech Monequiliztica

0r 589

Tetl In aquin iztlacatiliztica quimotenehuilia in Dios tlein tlâtlacolli quichihua

0r 590

Ten Ca temictiani tlátlacolli quichihua intla iyollo commati ca zan iztlacatiliztica in Dios quimotenehuilia

0r 591

Tetl Auh in aquin omeyollohualiztica quimotenehuilia in Dios ca amo quimati cuix nelli nozo amo nelli in tlein quîtoa cuix temictiani tlâtlacolli quitequipanoa

0r 592

Ten Ca quemáca ipampa ca motlátlacolôhuitilia Ca nozo ázocamo nelli yez in tlein ipaltzinco in Dios quineltilia

0r 593

Tetl Aquin âtlamelahuacachihualiztica in Dios quimotenehuilia

0r 594

Ten In aquin ipaltzinco in Dios quitenehua nozo quicemîtoa inic itla amo qualli quitequipanoz

0r 595

Tetl Auh yehuatlin quenami tlatlacoa

0r 597

Ten Ca yuh yez in itlátlacol in quenamî yez in áqualli in áyectli in ipaltzinco in Dios quimotenehuilia

0r 598

Tetl Tleipampa cenca huel in Dios quimoyolîtlacalhuia in aquin iontlamanixti ic iztlacatiliztica anozo âtlamelahuacachihualiztica in Dios quimotenehuilia

0r 599

Ten Ipampa ca cenca huel quimomahuizpolhuia in Dios in aquin teixpan in yehuatzin quimoquechilia inic quimoneltililiz in tlein iztlacatiliztli ánozo itlá aquallachihualiztli

0r 600

Tetl Auh in aquin in Itocatzin in Dios oquiteneuh inic âzitla âmo qualli quitequipanoz tlein quichihuaz

0r 601

Ten Ca niman ámo quineltiliz in ámo qualli ic oquicemîto ca zanyê ic moyoltequipachoz

0r 602

Tetl Auh in aquin ipaltzinco in Dios quitenehua in tlein nelli in tlein melahuac tel  cá âmo tetech ommonequi in yehuatzin in Dios quimotenehuiliz quenami tlâtlacoa

0r 603

Ten Ca tepiton tlatlacolli quichihua ipampa ca immanel nelli quitenquixtia tel ca in Dios in Itocatzin ámo huel quimomahuiztililia

0r 604

Tetl Auh in aquin in zazo quenami in omîto quintenehua in Dios Itlachihualhua âzoma ocnoihuan tlatlacoa

0r 606

Ten Ca nelli ca tlátlacoa ipampa ca in impan in Dios Itlachihualhuan in huel yehuatzin in Inteyocoxcatzin Dios quimotenehuilia

0r 607

Tetl Auh ihuin quenami tiquîtozque inic mo titlâtlacozque

0r 608

Ten Tiquîtozque Ca quemá Ca ámo in yuh Totecuiyo Jesu Christo inômatzinco techmomachtilia

0r 609

Tetl Itechcopa in Nenêtoltiliztli xinechilhui Iquin titlâtlacozque intlacamo ticneltiliâ nozo tichuêcatlaza in tlein in Dios otictotenehuililique

0r 610

Ten Ca nel ca titlâtlacoá iniquac zan nen zan ilihuiz in tonêtol tichuecatlazá in yuh in Tenematcayolcuitiani tech monemachtiliz

0r 611

Tetl Itechcopa inic Yetetl Teotenahuatilli nimitztlatlania Aquin tlateomatiliztica in Pieloni Ilhuitl quimahuiztilia

0r 612

Ten In aquin ipan Ilhuitl huel centetl Missa quicaqui ihuan in qualli yectli quitequipanoa

0r 613

Tetl Auh cuix tlâtlacoa in aquin zan tepiton tequitl quitequipanoa ânozo immanel chicahuac ihuan cemilhuitequitl yez tel cahuel itech ommonequi in quitepanoz

0r 614

Ten Ca ámo ic tlátlácoa Yece intla in itechcopain moyoltzotzona omeyolloa ocye qualli yez in ocachi tlamatini quimoyeyecoltiliz

0r 615

Tetl Auh aquin occe tlatlacoa in ihuicpa inin Tenahuatilli

0r 616

Ten In aquin in Dios Iteopantzin âmo quimomahuiztililia anoço in Santa Iglesia in Teoyotica in itetlatzacuiltilitzin (Itoca Censuras) átleipan quimochihuilia

0r 617

Tetl Itechcacopa inic Nauhtetl Tenahuatilli xinechilhui Aquin in huel Itahuan quimmahuiztilia

0r 618

Ten In aquin quintlacamati quimpalehuia ihuan quimixtilia

0r 619

Tetl Auh catlehuatl in Innahuatil in huel Tetahuan intechpa in huel Impilhuan

0r 620

Ten Ca quimhuapahuazque quimixtlamachtizque ihuan quimmacazque in Incennemiliz inyollotlamâ in Impilhuan

0r 621

Tetl Auh nonquâ in huel Tetâhuan aquique ocnoihuan impan in huel Tetahuan tiquimmatizque

0r 622

Ten In aquique tlayacatiâ inic Chicahuâque inic Tlamatinime ihuan inic Tepachoanime

0r 623

Tetl In Namiqueque Cihuahuâque quenami quinnemitizque in Innamichuan Quenamî cepanpaccanemizque

0r 625

Ten Ca tetlaçotlaliztica ihuan nematcayotica in yuh in Totecuiyo Jesu Christo quimonematcatlaçotilia in Santa Iglesia

0r 626

Tetl Ihuan in Namiqueque Oquichhuâque quenin quimmottitizque zan no in Innamichuan

0r 627

Ten Ca tetláçotlaliztica ihuan temahuiztililiztica in yuhqui in Santa Iglesia quimomahuiztlaçotilia in Totecuiyo Jesu Christo

0r 628

Tetl Auh in Tlacahuâque in Tetlâtocahuan quen quinyacanazque in Intlacahuan in Intlacôhuan

0r 629

Ten Ca quimocnoittazque in yuh in Dios Ipilhuantzitzin

0r 630

Tetl Ihuan in Tlatlâcotin in Tetlacahuan quenin quintequipanozque Intlâtocahuan Intecuiyohuan

0r 631

Ten Ca quintequipanozque yuhquimmâ in huel yehuatzin in Dios quimotlayecoltilizquia

0r 632

Tetl In Ipan in Macuiltetl Tenahuatilli nimitztlâtlania Catlehuatl in techcahualtia

0r 633

Ten Techcahualtia Inic ayac tomac miquiz ihuan inic ayac tictlâtlacalhuizque noço tlachihualtica noçe tlâtoltica ânoço tlaelehuiliztica

0r 634

Tetl Aquin quixnamiqui inin Tenahuatilli

0r 635

Ten In aquin teixili tecocoa temámauhtia tepinauhtia ânoço in Iteyolîtlacocauh amo quitlapôpolhuia

0r 636

Tetl Auh cuix occentlamantli ic tihuelitî tiquimmictizque in Tohuampohuan

0r 637

Ten Ca noço Iniquac tiquintlâtlacolcuitiá noço tiquinyolîçahuiá ánoço in huel immonequian ámo tiquimpalehuiá

0r 638

Tetl In itechcopa inic Chiquacentetl Nahuatilli xinechilhui Aquin huel centetica quineltilia

0r 639

Ten In aquin chipahuacanemi moyecpixtinemi tlátoltica tlachihualtica ihuan tlalnamiquiliztica

0r 640

Tetl Auh cuix tlalnamiquiliztica tlâtlacoa in aquin zan niman ic motlacahualtia ihuan quimopôpololtia in aquallalnamiquiliztli

0r 641

Ten Ca niman amo tlátlacoa ca azaquemi tlacnopilhuia intlacamo iyollotlamá motlatlacolôhuitilia ihuan intla in ihuicpa in tlatlacolôhuitiliztli mîquania

0r 642

Tetl Aquinmach aquallalnamiquiliztica tlâtlacoa

0r 643

Ten In aquin iyollocopa ihuan imachizpan quineltiliznequi in âqualnalnamiquiliztli ánozo immanel zan iyolloîtic quicelia

0r 644

Tetl Catlehuatl tonepalehuiaya yez inic tichipahuacanemizque

0r 645

Ten Ca yehuatl in Tlatlatlauhtiliztli in Teyectililoni Sacramentos in Netequiuhtiliztli ihuan in qualli Necniuhtiliztli

0r 647

Tetl Auh catlehuatl techcahualtia in Neyecpieliztli

0r 648

Ten Ca yehuatl in Atlaixyêyecoliztli in Nexhuitiliztli in Ohuicatlachializtli ihuan in Ohuicatenônotzaliztli

0r 649

Tetl In ipan inic Chicontetl Nahuatilli nimitztlatlania Aquin huel quineltilia

0r 650

Ten In aquin âmo quitecuilia âmo quimopielia amono quelehuia in teaxca âmo in itlanequiliztica in Tlatquihua

0r 651

Tetl Aquin quîtlacoa inin Tenahuatilli

0r 652

Ten In aquin in zazoquenin tetlâtlacalhuia ânozo noyehuatl in itlâtlacolticá aca occe tetlâtlacalhuia

0r 653

Tetl Auh inic tlapopolhuiloz in Ichtequi ânozo in tetlâtlacalhuiani cuix zan ye ixquich yez inic quimocuitiz in itlâtlacol

0r 654

Ten Ca niman âmo çan ixquich yez intlacamo quitecuepilia in quexquich quitehuiquilia Auh intlacamo huelitiz mochiquitecuepiliz macel zan itlaxeliuhcayo quitecuepili

0r 655

Tetl Auh in aquin âtle in teaxca hueliti in Tlatquihua quicuepiliz tlein mach quichihuaz Tleonaiz

0r 656

Ten Ma ixquich in itlapal quichihua inic in tlein huelitiz ihuan in quenin huelitiz quicuepiliz

0r 658

Tetl Itechpa inic Chicuetetl Nahuatilli xinechilhui Aquin huel quineltilia

0r 659

Ten In aquin âmo tetech chicotlamati ámo zan ilihuiz quicaqui ihuan âmono quitecaquitia in amo machizti tlátlacolli

0r 660

Tetl Aquin quipanahuia inin Tenahuatilli

0r 661

Ten In aquin âmo melahualiztica temahuizpoloa noço in ichtacayotl çan nen quiteixpantilia ânoço iztlacatlâtolli quitenquixtia

0r 662

Tetl Auh in aquin zan teteputzco zan teicampa otemahuizpolô tlein quichihuaz Tleonaiz

0r 663

Ten Ca motlâtolcuepaz yece zanhueliyo in ac ixpan otemahuizpolô auh niman âmo motlâtolcuepaz ixpan in huel yehuatl in Ihuampo in oquimahuizpolo no âtle quilhuiz âtle quimachiztiz Canel noço ca niman âmo ommonequi inic in imahuizpololoca quimatiz intlacamo quimati

0r 664

Tetl Inic Chicunauhtetl ihuan inic Mâtlactetl Tenahuatilli tlein techcahualtia

0r 665

Ten Ca yehuatl in Ineîcoltiloca in Tlaelpâpaquiliztli ihuan in Axcaitl in Tlatquitl Ielehuiloca

0r 666

Tetl Auh cuix titlâtlacozqie intla yecyotica tiquelehuiâ in ocyemiec tictaxcatizque ic titocuiltonozque in amomachyuhqui in occequintin Tohuampohuan

0r 668

Ten Ca niman âmo ic titlâtlacoa ipampa ca çan ixquich ticahualtilô in Axcaitl in ichicoelehuiloca ihuan in iámelahuacaneîcoltiloca

0r 669

Tetl Auh tleipampa ineixcahuilnahuatiltica techmocahualtilia in Dios in Axcaitl ihuan in Tlaelpâpaquiliztli in ielehuiloca

0r 670

Ten Ipampa ca yehuatlin occencaye techmomocihuia techxixiuhtlatia ihuan techtlátlacolôhuitilia

0r 671

DECLARACION DE LOS MANDAMIENTOS de la Santa Iglesia

0r 672

In Imelahualoca in Macuiltetl Inahuatiltzin in Santa Iglesia

0r 673

Tetl Xictemîto in Inahuatiltzin in Santa Iglesia

0r 674

Ten In Inahuatiltzin in Santa Iglesia ca macuiltetl &c

0r 675

Tetl Tleic in Santa Iglesia oquimotlatlalili inin Itenahluatiltzin

0r 676

Ten Inic ocachiyé quimomelahuiliz in Itenahuatiltzin in Totecuiyo Dios

0r 677

Tetl Tlein quîtoznequi Santa Iglesia

0r 678

Ten Quîtoznequi In Innecentlaliliz in mochintin in Tlaneltocanime in Christianotlacâ in quimmoyacanilia ihuan quimmoyecnemitilia in Totecuiyo Jesu Christo ihuan in Ipatillotzin in motocayotitzinoa Papa

0r 680

Ten Ca yehuatzin in Cenca huei Teopixcatlâtocatzintli Itocatzin Sumo Pontifice Romano in huei Altepepan Roma mocentlátocatilia auh ca huei tonahuatil inic in yehuatzin tictocenquizcatlacamachiltizque

0r 681

Tetl Auh itechcopa in Missa Icacoca xinechilhui Tlein quîtoznequi Missa

0r 682

Ten Quîtoznequi Centetl Teohuentzintli Teohuemmanaliztli ic topampa inomatzinco mohuenchiuhtzinoa in Totecuiyo Jesu Christo auh noihuan oncan hualmoteittitia in Ixiptlatilocatzin ihuan in Ilnamicocatzin in Inemilitzin ihuan in Imiquitzin çannoye in Totecuiyo Jesu Christo

0r 683

Tetl Auh ac itech ticpohuá in yehuatlin Teohuemmanaliztli Missa

0r 684

Ten Ca huel in itetzinco tictopohuiliâ in Cemîcac Tetâtzin Dios

0r 685

Tetl Auh tleic in itetzinco tictopohuilia in Cemîcac Tetatzin Dios

0r 686

Ten Ca Etlamantitica Ca inic tictotlâçocamachiltizque in Dios cemixquich in Itetlaocolilitzin No inic tictotlaxtlahuililizque ipampa in totlâtlacol No ihuan inic tictîtlanilizque in nepapan in Iteicnelilitzin in Itenemactzin

0r 687

Tetl Auh inin Teohuentzintli Missa aquique quimpalehuia

0r 688

Ten In yolque ihuan in Mimicque in Nechipahualoyan Purgatorio Tlaîhiyohuiticate

0r 689

Tetl Auh aquique in oc ye tachcauh in Teohuentzintli Missa quimpalehuia

0r 690

Ten Ca huel yehuantin impampa Missa mochihua noço mocaqui ânoçe momana

0r 691

Tetl Aquin huel quineltilia in Tenahuatilli in itechpa in Missa Icacoca

0r 692

Ten In aquin huel centetica Missa quicaqui ihuan niman amo iyollotlamâ cammach yolmoyauhtinemi ca çan ye in Teoyotl Missa quinemilia

0r 693

Tetl Acyehuatl ca in amo Inahuatil inic Missa quicaquiz

0r 694

Ten In aquin huel neltiliztica elleltillo tlacahualtilo can nel ca áhuel in Missa quicaquiz

0r 695

Tetl Tleipampa tiquîtoa Ca macel zan ceppa cecexiuhtica titoyolcuitizque ihuan titlacelizque

0r 696

Ten Ipampa ca çan yehuatlin techmonahuatilia in Santa Iglesia

0r 697

Tetl Auh toyollocopa ihuan tenônotzaliztica quezquipa cecexiuhtica titoyolcuitizque ihuan titlacelizque

0r 699

Ten In izquipa ic tech monônochiliz in Tenematcayolcuitiani in ye otechmâcicaiximachili

0r 700

Tetl In itechcopa in Nezahualiztli catlehuatl in Tonahuatil

0r 701

Ten Ca yehuatl Inic âmo ticquazque in tetlacahualtilli tlaqualli ihuan inic çan ceppa in Cemilhuitl titlaquazque

0r 702

Tetl Auh iquin nozo quemman titlaquazque

0r 703

Ten Iniquac ye ohualáçic in Tonatiuh nepantla ánoço in ayamo huecauh

0r 704

Tetl Iquac titozahuâ cuix huel titlaizque

0r 705

Ten Ca quemáca Ca mochipa in cemilhuitl huel titlaizque noço in ayamo titlaquá anoçe in ye otitlaquaque

0r 706

Tetl Quexquich yez in Cochcayotl in ye yohualtica ticcelizque inîquac titozahuâ

0r 707

Ten In quexquich yuh quinemitiâ in Melahuacatlacâ

0r 708

Tetl Aquique âmo nahuatilô inic mozahuazque

0r 709

Ten In aquique in ayamo quipiâ in huel maciticá Cempoallionce Xihuitl

0r 710

Tetl Ihuan aquique occequintin âmo ic nahuatilô

0r 711

Ten In aquique huel côhaicamatî in Neçahualiztli ipampa imhuêhuetiliz noço incocoliz â noço ipampa chicahuac intequiuh in huel intech ommonequi

0r 713

Tetl Auh tlein quichihuaz in aquin ca ayamo in Inahuatil in Nezahualiztli ipampa ca ayamo caxilti cempoallionce Xihuitl

0r 714

Ten Ca in iquin huelitiz ma ic moyêyeco ihuan ma ic momamachti in Neçahualiztli inic huel moçahuaz in iquac ye onnahuatiloz

0r 715

Tetl Catlehuatl ihuan quexquich yez in Tlaaquillotl in tinahuatilô inic in Santa Iglesia ticmanilizque

0r 716

Ten Ca tictemacazque in quenami cececni in Teopixcatlâtocayopan yuh monemitia

0r 717

Tetl Auh cuix in ocachiyequalli Tlaaquillotl itech ticpohuazque in Tlamâtlactetilia

0r 718

Ten Ca nelli Ca intlacamo tictemacá in ocachiye qualli macel niman amo tictemacazque in ocachiye ámoqualli Ca nel noço mochi techmotlaocolilia in Dios

0r 719

Tetl Catlehual in Tonepalehuiaya yez inic ticpiazque in Itenahuatiltzin in Dios ihuan in Santa Iglesia

0r 720

Ten Ca yehuatl In Tlatlatlauhtiliztli In achimiecpa in Iceliloca in Teyectililoni Sacramentos in Teotlátolli In Tlateomatilizamoxpohualiztli Ihuan in qualli Necniuhtiliztli

0r 721

Tetl Auh catlehuatl techcahualtia in Ipieloca in Tenahuatilli

0r 723

Ten Ca yehuatl In itech in âqualli Maxalihuiliztli In Tlâtlacolôhuitiliztli In çan tepiton Tlateomatiliztli ihuan in Nechicotemachiliztli

0r 724

DECLARACION DE LOS Sacramentos

0r 725

In Imelahualoca in Teoteyectililoni Sacramentos

0r 726

Tetl Tla xiquîto in Teoteyectililoni Sacramentos

0r 727

Ten Izca In Teoteyectililoni Sacramentos &c

0r 728

Tetl Aquin oquimotlatlalili in Teoteyectililoni Sacramentos

0r 729

Ten Ca huel yehuatzin inomatzinco in Totecuiyo Jesu Christo

0r 730

Tetl Tlein quîtoznequi in Teoteyectililoni Sacramentos

0r 731

Ten Quîtoznequi In izquitlamantli Teoyotica Tepâtiloni in tech pátia ihuan Teoyectiliztica Gracia techqualtilia

0r 732

Tetl Quenami techpâtia îhuan techqualtilia

0r 733

Ten Ipampa ca in ipal in pani neztoc machiyotl in itech in Toyolia in Tanima quimotlalilia in Dios in Iteyectiayatzin in Gracia

0r 735

Tetl Auh in pani neztica machiyotl quenin huel quitlaliz in tîtic ihuan itech in Tanima in Teoyectiliztli Gracia

0r 736

Ten Ipampaca in ipal in oncan pani neztica machiyotl in Totecuiyotzin Jesu Christo totech quimopohuilia in Itlaçomahuiztlacnopilhuilitzin

0r 737

Tetl Auh cuix huel ommonequi inic neyeccencahualiztica ticcelizque in Teoteyectililoni Sacramentos

0r 738

Ten Ca noço Ipampa ca intlacamo yuh ticceliâ ca niman ámo tiquicnopilhuizque in Teoqualtiliztli Gracia

0r 739

Tetl Tlein yehuatl in Teoyotica Nequaatequiliztli in itoca Baptismo

0r 740

Ten Ca yehuatl In centetl Teoyotica Tlacatiliztli in techmaca in Teoyectiliztli Gracia ihuan in Imachiyo in Christiano

0r 741

Tetl Catlehuatl in Tonepalehuiaya techmaca in Nequaatequiliztli in itech pohui in inemiliz in Christiano

0r 742

Ten Techmaca in Qualtihuani Yectihuani in huel totechommonequi

0r 743

Tetl Catlehuatl in Tlâtlacolli quipôpoloa in Nequaatequiliztli

0r 744

Ten Quipôpoloa in Tlâtlacolpeuhcayotl ihuan in çaçoîtla occequî tlâtlacolli intla in itech ca in moquaatequia

0r 746

Tetl Tlein yehuatl in Teoyotica Chicahualiztli in itoca Confirmacion

0r 747

Ten Ca centetl Teoyotica in itlapihuiloca in Teoyotica yeliztli in otechmacac in Nequaatequiliztli

0r 748

Tetl Auh quenin techmaca inin Itlatlapihuiliz

0r 749

Ten Ipampa ca techmaca in Dios Iteyectiayatzin in Gracia ihuan techyolchicahua inic tictocuitizque in Ineltococatzin in Totecuiyo Jesu Christo

0r 750

Tetl Tlein yehuatl in Tlamacehuanalizteyectililoni in Itoca Penitencia

0r 751

Ten Ca yehuatl In centetl Teoyotica Pátli in quipôpoloa in tlátlacolli in ôticchiuhque in ye otiquaatequiloque

0r 752

Tetl Catlehuatl in qualli yectli ic techicnelia in Neyolmelahualiztli

0r 753

Ten Techicnelia in Teoqualtiliztli Gracia ic tipôpolhuilô in ye oticchiuhque tlâtlacolli ihuan ic titachtopapieliá ihuan titomanahuiâ inic ye aocmo yancuican in ipan tihuetizque in tlátlacolli

0r 754

Tetl Quezquican xêxeliuhtoc in Neyolmelahualiztli

0r 755

Ten Ca excan Auh ca yehuatl in Neyoltequipacholiztli in Neyolcuitiliztli ihuan in Tlaxtlahualiztli

0r 756

Tetl Tlein yehuatl in Neyoltequipacholiztli

0r 758

Ten Ca yehuatl Ic titoyoltonehuá ipan cemixquich in neyoltonehualoni inic otictoyolîtlacalhuique in Dios ihuan ic titocemixnahuatiá inic titoyolcuitizque ihuan titonemilizcuepazque

0r 759

Tetl Auh catlehuatl in Tonahuatil in itechpa in Neyolcuitiliztli

0r 760

Ten Ca yehuatl Inic achtopa tictolnamictizque in cemixquich temictiani in totlatlacol auh çatepan tiquilhuizque in Teyolcuitiani auh niman átle in maitlá tomachizpan tictlatizque

0r 761

Tetl Auh inîquac aca tlacatl iyollocacopa ca zan ipinahuiztica nozo inemauhtiliztica quitlatia quixpachoa manel centetl temictiani in itlâtlacol tleipan mochihua

0r 762

Ten Ca nelli Ca cenca ic tlátlacoa ipampa ca quîtlacoa in ineyolcuitiliz Auh manel centetl tlâtlacolli ca amo quimopôpolhuilia in Dios Ca nozo nel ixpantzinco in Dios niman ámo moyolcuitia

0r 763

Tetl Auh in aquin yuh omoyolcuiti tlein quichihuaz

0r 764

Ten Ca moyolchicahuaz inic quimocuitiz ixquich in itlátlacol in oquixpachô ca nel mochi tepôpolhuiloni auh niman aic hueliti in Teyolcuitiani aca occe tlacatl quimixpantiliz No ihuan quimocuitiz in ye quezquipa çannoyuh tlátlacoltica omoyolcuiti ihuan otlaceli

0r 765

Tetl Auh catli in occentlamantli quitequipanoz

0r 766

Ten Canoihuan occeppa yancuican quimocuitiz in cemixquich in occequin in itlátlacol in ye oquimocuiti iniquac ámo quallí ic moyolcuitiaya yuhquimma átle ni itla in itlátlacol ipan mochi inon cahuitl oquimocuitiani Ihuan ocno quitoz in occequi in itlátlacol in çatepan yancuican oquichiuh

0r 767

Tetl Tlein quitoznequi Teoyotica Tlaxtlahualiztli

0r 768

Ten Ca yehuatl Ic tlamacehualiztlachihualtica tiquixtlahua in Totlatzacuiltiloca in tictohuiquililia in Dios ipampa in totlatlacol

0r 769

Tetl Auh cuix âmo totech ye qualli ye ixquich yez in Itonehuitzin in Totecuiyo Jesu Christo in ye topampa omotlaxtlahuili

0r 770

Ten Ca noço ca ye ixquich yece in yehuatzin oquimonequilti inic no tehuantin ihuantzinco titlaxtlahuazque

0r 771

Tetl Catlehuatl in Tlamacehualiztlachihualli

0r 772

Ten Ca yehuatl in Tlatlatlauhtiliztli in Tetlaocoliliztli in Tonacayotonehuiztli ihuan in nepapan Netoliniliztli in Dios techhualmotitlanililia ihuan in ipaltzinco ticpaccaihiyohuiá

0r 774

Tetl Tleic ommonequi in Icelilocatzin in Inacayotzin in Totecuiyo Jesu Christo

0r 775

Ten Inic centlamantli ommonequi Inic in Tanima mohuapahuaz ihuan in itetzinco in Dios mocetiliz Inic ontlamantli Inic ámo çan yuh çan achchica ipan tihuetzizque in tlatlacolli Inic etlamantli Inic tiquicnopilhuizque in Cemmelahuacanemiliztli

0r 776

Tetl Ac yehuatzin moyetzticâ îtictzinco in Santissimo Sacramento

0r 777

Ten Ca in oncan moyetzticâ in Totecuiyo Jesu Christo huel cemácitica inic in Inacayotzin inic in Ianimantzin ihuan inic in Iteoyotzin Auh ca nelli Ca in quenamî ommoyezticâ in Ilhuícac ca çanyenoyuhqui in oncan ommoyetzticá îtic in Hostia ihuan itîc in Caliz ihuan in îtic in çaço itla immanel huel achitzin in Itlapancatzin in Ixeliuhcatzin in Hostia

0r 778

Tetl Auh inîquac in Teopixqui oquimotzonquixtili Teotlâtolli in ipan in Caxtillantlaxcalli Pantzin in Itoca Hostia ihuan in ipan in Caxtillantlailli in Itoca Vino cuix ocnôma in oncan mocahua ocnôma in oncan catqui in Iyeliz in Caxtillantlaxcalli Pantzin anozo in Iyeliz in Caxtillantlailli Vino

0r 780

Ten Ca niman ámo in oncan mocahua ca yeaocmo in oncan catqui in Iyeliz in Tlaxcalli Pantzin âmo no in oncan mocahua aocmo no in oncan catqui in Iyeliz in Tlailli Vino Ipampa ca in Ihuelitiliztica in Teotlâtolli in quimotenquixtilia in Teopixqui in Itencopatzinco in Totecuiyo Jesu Christo ca nelli Ca in Tlaxcalli Pantzin zanniman poliuhtihuetzi ihuan in ipan mocuepa in Iezotzin in Totecuiyo Jesu Christo

0r 781

Tetl Auh intla ca nelli ca inin Teoteyectililoni Sacramento ca yehuatl in niman âmo îtoloni Teoichtacatlamahuizolli in zan impaltzinco in Teopixque ipan Missa mochihua tlein nel in oncan in toyollo îtic ticnemitizque

0r 782

Ten Ticnemitizque Ca inin Ilhuicac Teotlamahuizauhcayotl ca huel yehuatl in Ilnamicocatzin ihuan huel nelli in Inezcayotilocatzin in Inemilitzin in Itlaihiyohuilitzin ihuan in Imiquitzin in Totecuiyo Jesu Christo

0r 783

Tetl Auh inin Teotlamahuizolli Sacramento cuix noihuan huel nelli huel melahuac Teohuentzintli

0r 785

Ten Ca quemâca Ipampa ca huel yehuatzin in Totecuiyo Jesu Christo in oncan monômahuenchiuhtzinoa impampa in Yolque ihuan in Mimicque Auh ipampai huel ommonequi inic huei tlateomatiliztica ihuan nepechtequiliztica in Missa ticcaquizque

0r 786

Tetl Auh in Cecenchristiano quenin mocencahuaz inic tlaceliz

0r 787

Ten Ca neyolcuitiliztica intla in itech in Ianima itla temictiani tlatlacolli no ihuan nezahualiztica ihuan huei tlateomatiliztica quimoceliliz in Inacayotzin in Totecuiyo Jesu Christo auh çanyenoîquac quinemiliz ca quimocelilia in cenca huei Toteotzin ihuan Totlátocatzin Jesu Christo ihuan ca in yehuatzin topampa omotlaihiyohuilti ihuan omomiquili

0r 788

Tetl Auh in ayamo titlaceliâ tlein toyolloîtic ticnemitizque

0r 789

Ten Ticnemitizque Ac yehuatzin in oncan mohuicatz Ac in tehuantin in toyolloîtic mocalaquiznequi Quenami Ihuan tleipampa

0r 790

Tetl Tleic in Totecuiyo Jesu Christo oquimotlatlalili inin cenca mahuizauhqui Teyectililoni Sacramento

0r 791

Ten Ca inic techmomahuizotiliz inic techmoteteuhilpiliz ihuan inic techmonecuiltonoltiliz

0r 793

Tetl Tlein ticchihuazque in yeyuh otitlacelique

0r 794

Ten Ca huel ihuian huel yocoxca tictocnelilmachiltizque in Dios inic ámo zanquenami otechmotlaocolili ihuan inyehuatzin tictocemmacatzinozque Ca nozo nel cenca titeteuhilpiticate inic in yehuatzin tictotequipanilhuizque

0r 795

Tetl Tleic ommonequi in zatlatzacuia Teôzalizsacramento in Itoca Extrema Uncion nozo Santo Oleo ic ôzalô Immiquian in Cocoxque

0r 796

Ten Ca quipópoloa in icatzahualiz in imachiyo ihuan in inecauhca in tlátlacolli Noihuan quichicahua in Toyolia in ihuicpa in tlátlacolteneyêyecoltiliztli ihuan quipátia in Tonacayo intla yuh in itech ompohui in tomaquixtiloca

0r 797

Tetl Tleic ommonequi in Teopixcatilizsacramento in itoca Orden Sacerdotal

0r 798

Ten Ommonoqui inic ixquetzalozque ihuan teochihualozque in Imácehualêcatetequipanocahuan in Santa Iglesia

0r 799

Tetl Tlein quichihua in Nenamictilizsacramento in Itoca Matrimonio

0r 800

Ten Ca quimmaca in Namiquêque in Teoyectiliztli Gracia ic innenamictilizpan pacca yocoxca cennemizque

0r 801

Tetl Auh nonquâ in Teyectililoni Sacramentos cuix ocnômaquimopielia in Santa Iglesia in occentlamantli Teoyotica Tepalehuiloni

0r 802

Ten Ca quemâca Ca quimopielia in Itoca Sacramentales auh ca yehuatl in Tlateochihualatl in Tlaihiyohuilizcaxahualiztli ihuan in Tecentlátlacolpôpolhuiliztli

0r 803

Tetl Catlehuatl in ihuelitiliz in Tlateochihualatl

0r 804

Ten Ca quipôpoloa in tepiton tlâtlacolli ihuan quinchololtia in Tlatlacatecolô Auh ic ipampa totechommonequi inic huei tlaneltoquiliztica ihuan tlateomatiliztica ic mochipa titopalehuizque

0r 805

Tetl Tlein quitoznequi Tlaihiyohuilizcaxahualiztli ânoze Tecentlatlacolpôpolhuiliztli in Itoca Indulgencias nozo Jubileos

0r 806

Ten Ce yehuatl Ic in Dios techmocaxahuililia in totlatzacuiltiloca in tiquihiyohuizquia ipampa in totlátlacol in ye otipôpolhuiloque

0r 807

Tetl Auh ac ihuelitiliztica ic titlaocolilô Ac itechpa quiza

0r 808

Ten Ca itechpa quiza in Itoptzin in Ipetlacaltzin in Itlacnopilhuilitzin in Totecuiyo Jesu Christo ihuan in Santôme

0r 809

Tetl Auh quenin Tiquicnopilhuizque inin Tlaihiyohuilizcaxahualiztli

0r 810

Ten Tiquicnopilhuizque intla Teoyectiliztica Gracia ticneltiliá in tlein ic tinahuatilô ihuan in quenami tinahuatilô

0r 812

DECLARACION DE LAS Obras de Misericordia

0r 813

In Imelahualoca in Tetlaocoliliztlachihualli

0r 814

Tetl Tla xictempohua in Tetlaocoliliztlachihualli

0r 815

Ten Ca quemâca In tetlaocoliliztlachihualli &

0r 816

Tetl Inin Tetlaocoliliztlachihualli tleica yuh motocayotia

0r 817

Ten Yehica ca ámo titlaquauhnahuatilô inic mochipa ticchihuazque

0r 818

Tetl Auh iquin titlaquauhnahuatilô inic tictequipanozque

0r 819

Ten Ca çanye inîquac huel tetech ommonequi in yuh in tlamatinime techmachiztizque

0r 820

Tetl Catli ic ocachiye titlacnopilhuizque

0r 821

Ten Ca in Teoyotica tetlaocoliliztlachihualtica ipampa ca occenca ic teicnelilo ihuan tepalehuilo

0r 822

DECLARACION DE LOS ENEMIGOS del Alma

0r 823

In Immelahualoca in Iyaohuan in Toyolia in Tanima

0r 824

Tetl Ac yehuântin in Iyaohuan in Toyolia in Tanima

0r 826

Ten Ca yehuatl in Tlacatecolotl in Tlalticpacayotl ihuan in Tonacayô

0r 827

Tetl Tleipampa motenehuâ in Iyaohuan in Tanima àzomâ onhueliti quichihualtizque in tlâtlacolli

0r 828

Ten Ca niman âhuel quitlatlacolcuitizque ca çan ye inteneyêyecoltiliztica huelitî quiyolehuazque quiyollapanazque in ihuicpa in tlâtlacolli

0r 829

Tetl Tleipampa quimmocahuilia in Dios in Toyaohuan inic techmoyêyecoltizque

0r 830

Ten Inic nican tictonemiliztizque in qualli yectli auh inic çatepan occenca ye in Ilhuicac titocuiltonozque

0r 831

Tetl In Tlacatecolotl quenin techmoyêyecoltia

0r 832

Ten Techmoyêyecoltia Inic in toyolloîtic techilnamictia in áquallalnamiquiliztli ihuan pani tlaixpan technahualtequilia ihuan techtlátlacolôhuitilia

0r 833

Tetl Auh catlehuatl Tonemapalehuiaya yez in ihuicpa in aquallalnamiquiliztli

0r 834

Ten Ca yehuatl in Quallalnamiquiliztli in Santa Cruz ihuan Tlateochihualatzintli

0r 835

Tetl Auh in ihuicpa in tlâtlacolôhuitiloyan catli Tonepatiaya yez

0r 836

Ten In ocyecenca qualli ca yehuatl in ixpampa ticholozque ihuan çanniman titzinquiçazque

0r 838

Tetl Auh in aquin âhuel in oncan tzinquizaz tlein quichihuaz

0r 839

Ten Ma machtopatlalhui ma machtopachimalti tlatlatlauhtiliztica teyêyecoltiliztica ihuan nêmatiliztica

0r 840

Tetl In Tlalticpacayotl quenin techyeyecoa

0r 841

Ten Techyêyecoa Inic techcaquitia ihuan techittitia in tlein quichihuá ihuan quinemitiâ in Tlalticpactlacâ

0r 842

Tetl Auh catlehuatl in Topâtica yez

0r 843

Ten Ca yehuatl In Teotenahuatilli in Qualtin inyecnemiliz ihuan Inteixcuitiliz in Santôme

0r 844

Tetl In Tonacayo quenamî Techmoyêyecoltia

0r 845

Ten Techmoyêyecoltia Inic techyolehua techyollapana ihuan techhuicaltia in ihuicpa in tlátlacolli

0r 846

Tetl Auh quenami techyolehua

0r 847

Ten Ipampa ca techyolcuitihuetzi techyolhuilana ihuan techixpopoyotilia inic titlátlacozque

0r 848

Tetl Auh catlehuatl inin Neyolehualiztli

0r 849

Ten Ca ocyetlachcauh nauhtlamantli auh cayehuatl In Pâpaquiliztli in Nemauhtiliztli in Netemachiliztli ihuan in Tonehuiztli

0r 850

Tetl Auh catli in Tonepâtiaya yez

0r 851

Ten Ca in Dios in Iteyectiayatzin in Gracia ihuan in Qualtihuani Yectihuani

0r 853

DECLARACION DEL PECADO Original Venial y Mortal

0r 854

In Imelahuacacacoca in Nepapan Tlâtlacolli

0r 855

Tetl Quezquican Xêxeliuhtoc in Tlâtlacolli

0r 856

Ten Ca excan auh cayehuatl in Tlâtlacolpeuhcayotl in Tepiton tlátlacolli ihuan in Temictiani tlátlacolli

0r 857

Tetl Tlein yehuatl in Tlatlacolpeuhcayotl nozo in Tlacatzintiliztlatlacolli

0r 858

Ten Ca yehuatl Ic teîtec titlacachihualô ic titlacatî ihuan intechpa ticquixtiâ in achtopa Totahuan in ôtech tlátlacolcuitique

0r 859

Tetl Catlehuatl in Temictiani tlâtlacolli

0r 860

Ten Ca yehuatl Ic ticpanahuiá in Itenahuatiltzin in Dios nocê in Santa Iglesia Tlalnamiquiliztica noço Tlátoltica anoçe Tlachihualtica

0r 861

Tetl Catlehuatl Ic techtlâtlacalhuia in Temictiani tlâtlacolli

0r 862

Ten Ca ic ticpoloá in itetlaçotlalitzin ihuan in Iteyectiayatzin in Dios in yehuatzin ca nelli ca in Iyoliliz in Tanima Noihuan ticpoloá in cemîcac pápaquiliztli Gloria ihuan titotlatzontequiliâ inic Mictlan tihuetzizque intlacamo titoyoltequipachoá

0r 863

Tetl Catlehuatl in Pâtli ic polihui in tlatlacolli

0r 864

Ten Ca yehuatl in Nemelahuacayolcuitiliztli ihuan in Neyoltequipacholiztli

0r 865

Tetl Tlein quitoznequi Tepiton Tlâtlacolli

0r 866

Ten Ca yehuatl ic amo miqui çanye ic mococoa ic cocolizcui in Toyolia in Tanima

0r 867

Tetl Auh in Tepiton tlâtlâcolli quen quicocolizcuitia in Toyolia Tanima

0r 868

Ten Ipampa ca quiçoçotlahua ihuan quicencahua in Tanima inic ipan huetziz in temictiani Tlátlacolli

0r 869

Tetl Tleicamotenehua zan Tepiton tlâtlacolli

0r 870

Ten Yeica ca ámo ôhuica chihualo ihuan ámo ôhuica tepôpolhuilo

0r 871

Tetl In chicontlamantli tlâtlacolli tleipampa motenehua yuhquimmá in Itzontecon ihuan in Inelhuayo in tlâtlacolli

0r 872

Ten Ipampa ca in itechpa quiza onixhua in oc miectlamantli in nepapan tlâtlacolli

0r 873

Tetl Auh in Nepohualiztli in Teoyehuacatiliztli ihuan in occequi tlâtlacolli in itech pohui in Chicontetl tlâtlacolli cuix mochipa ipan ticmatizque Temictiani tlâtlacolli

0r 874

Ten Ca âmo mochipa ca çanye inîquac cenca ic ticpanahuiá in Inahuatiltzin in Dios noço in Santa Iglesia

0r 875

Tetl Catlehuatl in Nepohualiztli

0r 876

Ten Ca yehuatl Ic atlaixyêyecoliztica titohuêcapanollani titepanahuillanî

0r 877

Tetl Tlein yehuatl in Necnomatiliztli

0r 878

Ten Ca yehuatl Ic titotepitonollani átleipan titottallanî

0r 879

Tetl Catlehuatl in Teoyehuacatiliztli

0r 880

Ten Ca yehuatl In amo ixyêyecauhqui in Axcaitl in Tlatquitl Ielehuiloca ic titocuiltonollanî

0r 881

Tetl Tlein yehuatl in Tenemactiliztli

0r 882

Ten Ca yehuatl Ic titeicnelillanî in quenami monequi ihuan inîquac ommonequi

0r 883

Tetl Catlehuatl in Ahuilnemiliztli

0r 884

Ten Ca yehuatl In tlaelpâpaquilizçotl in ahuilnemilizçotl in Icatzahuacanecoca

0r 885

Tetl Tlein yehuatl in Chipahuacanemiliztli

0r 886

Ten Ca yehuatl in Neyecpi liztli in Inecoca

0r 887

Tetl Catlehuatl in Qualaniliztli

0r 888

Ten Ca yehuatl In ámo ixyêyecauhqui in Netzoncuiliztli in Ineîcoltiloca

0r 889

Tetl Tlein yehuatl in Tlâtlacayotl in Yolceuhcayotl

0r 890

Ten Ca yehuatl Ic tictocahualtiâ in Qualaniliztli in Yollopozoniliztli

0r 892

Tetl Catlehuatl in Tlapaccaihiyohuiliztli

0r 893

Ten Ca yehuatl Ic tiquixyêyecoâ in tlaocoyaliztli ipampa in Cococ teopouhqui in topan quemmanian moyacatia

0r 894

Tetl Tlein yehuatl in Nexhuitiliztli in Xixicuinyotl

0r 895

Ten Ca yehuatl In âmo ixyêyecauhqui in Tlaqualli in Tlailli in Ielehuiloca

0r 896

Tetl Catlehuatl in Tlaixyêyecoliztli

0r 897

Ten Ca yehuatl Ic tictocahualtia in Qualoni in Ihuani in Ineicoltiloca

0r 898

Tetl Tltein yehuatl in Nexicoliztli

0r 899

Ten Ca yehuatl in Teca Tlaocoyaliztli anozê in Teca Ahuializtli

0r 900

Tetl Catlehuatl in Tetlazotlaliztli

0r 901

Ten Ca yehuatl Ic ticnêneuhcaittâ ticnêneuhcamatî in qualli noço in amo qualli in impan mochihua in Tohuampohuan in quenami tiquittâ in quenamî ticmatî in qualli noçe in âmo qualli in topan mochihua

0r 902

Tetl Tlein yehuatl in Tlatzihuíliztli

0r 903

Ten Ca yehuatl In Yolhuetziliztli in Tlaocoyaliztli ihuan in Netlailittaliztli in ihuicpa in Teoyotl in Tlateomatiliztli

0r 904

Tetl Catlehuatl in Netlacuitlahuiliztli

0r 905

Ten Ca yehuatl In Icihuiliztli ihuan in Yolpâpaquiliztli in ihuicpa in Quallachihualiztli

0r 907

DECLARACION DE LAS VIRTUDES Theologales

0r 908

In Imelahuacaîtoloca in Teoqualtihuani in Teoyectihuani

0r 909

Tetl Tlein quitoznequi Teoqualtihuani Teoyectihuani

0r 910

Ten Quîtoznequi Teoyotl Qualtihuani Teoyotl Yectihuani in huel in ihuictzinco inômatzinco in Dios techmotlachieltilia

0r 911

Tetl Tleîca quìmopielia inin cenca huel mahuiztic cenca huel huêcapaniuhqui in Itocatzin

0r 912

Ten Yeica ca techmonánamictilia techmocetililia in huel in ihuantzinco in Dios ihuan çan huel yehuatzin in itech in Tanima quimotlalilia

0r 913

Tetl Tlein yehuatl in Tlaneltoquiliztli

0r 914

Ten Ca yehuatl in centetl Ilhuicac Tlanextli ihuan Teoyotica Tlaiximachiliztli ic immanel âmo tiquittâ ca huel ticneltoca in tlein techmonextililia in Dios ihuan in Santa Iglesia techixpantilia

0r 915

Tetl Azomâ tiquitta ca in Teotl Dios ca cettiticâ inic Teotl Dios ihuan ca Yeittiticâ inic in Personasme Anozo tiquitta In quenami in Totecuiyo Jesu Christo ca nelli Teotl Dios ihuan ca nelli Tlacatl Oquitzintli

0r 917

Ten Ca niman ámo niquitta tel ca nelli ca nelli ca ocachi nicneltoca in ámo machyuhqui oniquittani

0r 918

Tetl Tleica huel nelliliztica yuh ticneltoca

0r 919

Ten Yeica ca yuh quimitalhuia in Cenneltilicêcatzintli Dios ihuan in Santa Iglesia noyuh quiteixpantilia

0r 920

Tetl Catlehuatl in Netemachiliztli

0r 921

Ten Ca yehuatl Ic tictemachiá in cemîcac papaquiliztli Gloria ihuan in Tepalehuiloni ic tictomacehuizque

0r 922

Tetl Auh Catlehuatl in itech monelhuayotia in Ilhuicac Necencuiltonolli Gloria

0r 923

Ten Ca inic in huel yehuatzin inômatzinco in Dios cemîcac in itetzinco tictottilizque mochipa tictotlazotilizque ihuan cemmanyan tictotlamachtitzinozque

0r 924

Tetl Catlehuatl in Tepalehuiloni ic tocnopiltiz in yehuatlin Necentlamachtilli Gloria

0r 925

Ten Ca tomacehualtiz in ipaltzinco in Teoqualtiliztli Gracia in ipaltzinco in Totecuiyo Jesu Christo in Itlacnopilhuilitzin ihuan toquallachihualtica

0r 926

Tetl Tlein yehuatl in Teotetlazotlaliztli

0r 927

Ten Ca yehuatl Ic tictotla otilia in Dios ipan in cemixquich in nepapan tlachihualli ihuan ic yuh tiquintla otlá in Tohuampohuan inyuh in Tehuantin titonômatla otla

0r 929

DECLARACION DE LAS VIRTUDES CARDINALES

0r 930

In Imelahuacacacoca in Qualtihuani Yectihuani in motenehua Virtudes Cardinales

0r 931

Tetl In yehuatlin Qualtihuani Yectihuani Virtudes tleipampa motenehua Cardinales

0r 932

Ten Ipampaca huel ontlayacatia ihuan in itechpa ixhua ihuan monelhuayotia in oc izquitlamantli Qualtihuani Yectihuani

0r 933

Tetl Catlehuatl in itequiuh in Yollomachiliztli in Nêmatiliztli

0r 934

Ten Cayehuatl In Nepantlati in nepantla îcac in ontlamantitlan in monepamixnamiqui

0r 935

Tetl Catlehuatl in Ineixcahuil in Tlamelahuacachihualiztli

0r 936

Ten Ca yehuatl In Ceceyaca quimâmacaz in tlein itechpohui

0r 937

Tetl Catlehuatl in Ineixcahuiltequiuh in Chicahualiztli

0r 938

Ten Ca yehuatl In quixyêyecoá in Nemauhtiliztli ihuan in Neixtlapaloliztli

0r 939

Tetl Catlehuatl in Itequiuh in Tlaixyêyecoliztli

0r 941

Ten Ca yehuatl In quitecahualtia in Xixicuinyotl ihuan in Nacayotlaelpapaquiliztli in Ielehuiloca

0r 942

Tetl Catlehuatl in Qualtihuani Yectihuani in Tlayacatia in oc hualcâ inic huei ixpantzinco in Dios

0r 943

Ten Ca yehuatl in Teotetlazotlaliztli in quinemitia in izquitlamantli Yectihuani ihuan quitlamelahualtia

0r 944

Tetl Ac ihuic quitlamelahualtia

0r 945

Ten Ca in ihuictzinco in Dios in ihuantzinco techmocniuhtilia ihuan techmocetililia

0r 946

Tetl Ac yehuatl in ocachi huei ocachiyollochipahuac ihuan Santo ixpantzinco in Dios

0r 947

Ten In çaço aquin ocachi quimotlaçotiliz in Dios

0r 948

Tetl Auh aquin ocachi quimotlazotilia in Dios

0r 949

Ten In aquin ocye qualli ic quimopieliz in Itenahuatiltzin in Dios ihuan in Santa Iglesia

0r 950

Tetl Quezquican xexeliuhtoc in Itenônotzalitzin in Totecuiyo Jesu Christo in otechmocahuililitehuac in ipan Santo Evangelio

0r 951

Ten Ca yexcan xexeliuhtoc auh cayehuatl In teyollocopa Netoliniliztli in cemicac yeni Neyecpieliztli ihuan Tetlacamatiliznemiliztli

0r 953

Tetl Auh tleic ommonequi in izquitlamantli in teoyotica Tenônotzaliztli

0r 954

Ten Ca inic oc ye cenca qualli ic tictequipanozque ihuan ticneltilizque in nepapan Tenahuatilli

0r 955

DECLARACION DE LAS POTENCIAS del Alma

0r 956

In Imelahualoca in Ihuelitiliz in Tanima

0r 957

Tetl Tleic otechmomaquili in Dios in Totlaâcicacaquia

0r 958

Ten Inic in yehuatzin tictiximachilizque ihuan in toyollo îtic in tlein itetzinco pohui ticnemitizque

0r 959

Tetl Tleic otechmomaquili in Dios in Totlalnamiquia

0r 960

Ten Inic in yehuatzin tictolnamiquilizque ihuan inic tixco yez in Itenahuatiltzin ihuan in Iteicuelilitzin

0r 961

Tetl Auh tleic otechmomaquili in Dios in Totlanequia ihuan in Tonenômahuiliz

0r 962

Ten Inic in yehuatzin tictotlaçotilizque ihuan totlacnopilhuiliztica ticchihuazque in Itlacemmelahuacanequilitzin

0r 964

DECLARACION DE LOS SENTIDOS Corporales

0r 965

In Imelahuacatenehualoca in Inemachiliz in Tonacayô

0r 966

Tetl Tleic otechmomaquili in Dios in Inemachiliz in Tonacayô

0r 967

Ten Inic in izquitlamantli ic mochipa in Dios tictotlayecoltilizque

0r 968

DECLARACION DE LOS DONES del Espiritu Santo

0r 969

In Imelahuacaîtoloca in Itenemactzin in Dios Espiritu Santo

0r 970

Tetl Tleic ommonequi in Itetlauhtiltzin in Dios Espiritu Santo

0r 971

Ten Inic techtlacamachiltiz in Iteyolnônotzalitzin in Iteyolîtectilitzin in Totecuiyotzin Dios

0r 972

Tetl Tlein techicnelia in Tlaixâcicaittaliztenemactli

0r 973

Ten Inic techiximachiltiz in nepapan neltiliztli

0r 974

Tetl Auh in Teotlamatiliztetlauhtilli tlein techicnelia

0r 976

Ten Inic in Itechcopa in neltiliztli titlamelahuacatzontequizque

0r 977

Tetl Tleic techpalehuia in Tetlâtoltemoliztenemactli

0r 978

Ten Inic titeyêyecoltizque in itechcopa in ocachi quimohuellamachtilia in Dios

0r 979

Tetl In Ttlamatiliztenemactli tlein techontequixtia

0r 980

Ten Inic ticyecpêpenazque ticnônonquâquixtizque in occencayequalli in itechpa in ye otiteyêyecoltique

0r 981

Tetl Catlehuatl in itechpa tiquitta in Yeccentlateomatiliztetlauhtilli

0r 982

Ten Ca ic in Toyolia in Tanima monânamictitzinoa ihuan mocniuhtitzinoa in ihuantzinco in Totecuiyotzin Dios

0r 983

Tetl Auh in Dios in Imacaxocatzintenemactli ihuan in Chicahualiztetlauhtilli tlein techicnelia

0r 984

Ten Ca ic in Toyolia in Tanima monômanânamictia monômatlamachtlalia ca ic in Toteotzin Dios quimoyolceuhcatlayecoltilia

0r 985

Tetl Auh cuix amomach nelli ca in izquitlamantliin ca in ineixcahuiltequiuh in Qualtihuani Yectihuani

0r 986

Ten Ca noço tel in Qualtihuani Yectihuani techtlacamachiltia in tlamelahuacaittaliztli in Ixtlamachiliztli auh in Itenemactzin in Dios Espiritu Santo techyehuacaquitia techtlacamachiltia in Iteyolehualitzin in Iteyolitectilitzin annoyehuatzin in Dios Espiritu Santo

0r 987

DECLARACION DE LOS FRUCTOS DEL ESPIRITU SANTO

0r 988

In Imelahuacacacoca in Itlaaquilltozin in Dios Espiritu Santo

0r 989

Tetl Tlein yehuatl in Itlaaquillotzin in Itechquizcayotzin in Dios Espiritu Santo

0r 990

Ten Ca yehuatl in octachcauh in Iahuiacayo in Icenquizcayo ihuan in Itzonquizcayo in Qualtihuani Yectihuani

0r 991

DECLARACION DE LAS BIENAVENTURANZAS

0r 992

In Imelahuacaîtoloca in Tlacnopilhuiliztli in Necuiltonoliztli

0r 993

Tetl Tlein quîtoznequi Tlacnopilhuiliztli Necuiltónoliztli

0r 994

Ten Quîtoznequi In ocyequalli in Ichihualoca in Qualtihuani Yectihuani ihuan in Itlaaquillotzin in Dios Espiritu Santo

0r 995

Tetl Tleica yuh ommotenehua Tlacnopilhuiliztli Necuiltonoliztli

0r 996

Ten Yeica ca in itech monelhuayotia moxopetlatia in nican Tlalticpac in tonecuiltonoliz ihuan in tonecentlamachtiliz in Ilhuicac

0r 997

Tetl Ac yehuantin in yollocopa motoliniâ in Icnotlacatzitzintin

0r 998

Ten Ca in yehuantin in ye aocmo manel anipan momahuiztilillani âmono mocuiltonollani

0r 999

Tetl Ac yehuantin Tlâtlacatzitzintin

0r 1000

Ten Ca in yehuantin in yeaocmo motlahuelcuitia in macazan ye âoc huel in ihuicpa in qualaniliztli moyolehuazque

0r 1001

Tetl Quenami quimaxcatiâ in Tlalli

0r 1002

Ten Ipampa ca omochiuhque innômatlatocahuan ca huel impan omonômatlatocatilique

0r 1003

Tetl Ac yehuantin in chocatinemî

0r 1004

Ten Ca yehuantin in yeaocmo quimîcoltiâ immanel an ixyêyecauhqui in pápaquiliztli in âahuializtli

0r 1005

Tetl Ac yehuantin in quiteocihuî ihuan camiqui in Qualli Melahuac

0r 1006

Ten In aquique in huei yellotica cacicaneltiliâ in cemixquich in huel intech ompohui

0r 1008

Tetl Ac yehuantin in Tetlaocolianî in Icnohuacatzitzitin

0r 1009

Ten In quimicnoittá in motoliniá immanel Techan Tlaca

0r 1010

Tetl Ac yehuantin in Yollochipahuaque

0r 1011

Ten In yehuantin in cenca huel oquimocahualtique oquitlacacihuitique inneyolehualiz in ihuicpa in tlátlacolli

0r 1012

Tetl Ac yehuantin in Tlamatcanemî

0r 1013

Ten Ca yehuantin in Yolceuhcatzitzintin in tetzalan pacca yocoxca nemî ihuan ca tetlacêcehuiliâ tenecepanteicniuhtlaltiâ

0r 1014

Tetl Ac yehuantin in tlapaccaihiyohuia ipampa in Qualli Melahuac

0r 1015

Ten In quicemana quicencuî in Qualli Melahuac immanel ic tlahueltotocozque ihuan nepapan tolinilozque

0r 1016

DEL EXAMEN DE LA CONCIENCIA y Devociones al acostarse y levantarse

0r 1017

In itechpa in Neyollatemoliliztli ihuan in Tonetecayan ihuan in Tonehuayan Tlateomatiliztli

0r 1018

Tetl In monetecayan in yohualtica timotecatîuh xinechilhui Catlehuatl in Tlateomatiliztli ticmonemiliztiá

0r 1020

Ten Canel in Cruztica oninomachiotihuelacatopa ninoyolnônotza ninotlatemolia auh nimanye nictempohua in Neyolmelahualoni in nauhtlamantli teotlatlatlauhtiliztli ihuan ocno in izquitlamantli tlateomatiliztli in notencopa ánozo in noyolloitic nicnonemiliztia

0r 1021

Tetl Quenami timoyolnônotza ihuan timoyollatemolia

0r 1022

Ten Ca nicnocnelilmachiltia in Dios in ipampa in cemixquich in iteicnelilitzin in imacpatzinco onomacehualtic Zatepan huei netlacuitlahuiliztica ninonemilizicxitoca ihuâ nicnolnamictia in mochi in notlcahihual in notlalnamiquiliztica noço notlátoltica anoçe notlachihualtica in cemilhuitl onictequipano Auh intla âcitla tlátlacolli onicchiuh ic in cenquizcamahuiztililoni Dios onicnoteopohuili ca nocenyollocacopa ic ninoyoltequipachoa auh in Yehuatzin huei necnomatiliztica nicnîtlanililia in notlapôpolhuiloca ihuan in Iteoixpantzinco ninocemixnahuatia inic ye aocmo nicnoyolîtlacalhuiz ihuan inic in imonequian ca ninoyolcuitiz

0r 1023

Tetl Auh in yohuatzinco in monecochehuayan iniquac timocochehua tlein tiquitoa tlein tictequipanoa

0r 1025

Ten Ca nicnotlâçocamachiltia in Ipalnemoani Dios inic cenyohual onechmopieli ihuan ipampa in occequi in iteicnelilitzin in imacpatzinco onocnopiltic Noihuan nicnocemmaquilia in Nonacayô ihuan in Noyolia in Nanima ihuan in itetzinco nicnopohuilia in cemixquich in qualli yectli in mochipa nictequipanoz auh in occencaye in tlein in Cemilhuitl nicchihuaz Auh yequene niccemîtoa inic ye aocmo quemman in Yehuatzin nicnoteopohuiliz ihuan inic cemicac mochipa in yuh nihuelitiz ca nicnotequipanilhuiz

0r 1027

In Imelahualoca in huel Chipahuac in huel Cenquizqui Neyoltequipacholiztli in itoca Contricion

0r 1028

Tetl Cenca huel nicmatiznequî Noteachcatzinè in Teoyotica Tepalehuiliztli in Tlaixnextiliztli in itechpa quiza in itechpa onehua in huel chipahuac in huel cemâcitica Neyoltequipacholiztli in itoca Contricion ic tinahuatilô inic ipampa in totlâtlacol titoyoltequipachozque

0r 1030

Ten Ticmatiz Noteicatzinè Ca ixquichi in ihuelitiliz ixquichi in ichicahualiz inin Neyoltequipacholiztli Contricion ca in aquin yuh moyoltequipachoz immanel yecuel oquichiuh in ocye huei in ocye temámauhti in Cemanahuac tlátlacolli ca nelli ca melahuac ca çanniman cemixquich in itlâtlacol in Dios quimopôpolhuiliz ihuan ca çanniman in yehuatzin in Dios no quimomaquiliz in Iteyectiayatzin in Itequaltiayatzin in Gracia

0r 1031

Tetl Auh inic noyollo ompachihuiz nimitztlatlania Intla acâ huel huei Tlâtlacoani Tlacatl quichihuaz inin Neyoltequipacholiztli Contricion ihuan âhuel in imiquiztempan moyolcuitiz amono huel quimoceliliz occentetl Teyectililoni Sacramento ihuan zanyenoyuh momiquiliz ma xinechilhui Inin tlâtlacoani Tlacatl cuix tlâtlacolpôpolhuiloz Cuix momaquixtiz Anozo in ompa centlani Mictlan huetziz

0r 1032

Ten Ticmatiz Noteicatzinê ihuan ma ic moyollo ompachihui Ca çacenca huel nelli çacenca huel melahuac ca inin Tlâtlacoani Tlacatl tlâtlacolpôpolhuiloz ca momaquixtiz ca quicnopilhuiz in cemîcac in Ilhuicac pâpaquiliztli Gloria ihuan ca niman âmo centlani Mictlan huetziz

0r 1034

Tetl Auh inin Neyoltequipacholiztli Contricion campa ic oquinexti Can mach oquihualquixti inin cenca huel mahuizauhqui in Ihuelitiliz in quenami in quin axcan otinechilhui

0r 1035

Ten Ipampaca inin Neyoltequipacholiztli Contricion ca yehuatl in huel cemácitica in huel centettica Neyoltonehualiztli Neyolcocoliztli ic cemixquich in nepapan tlátlacolli ca çanniman cempôpolihui átleipan mocuepa yuhquimmâ in aic oonyeni in aic omochihuani

0r 1036

Tetl Auh catlehuatl in itech monelhuayotia inin huel cemâciticâ huel cenchipahuac Neyoltonehualiztli Catlehuatlin

0r 1037

Ten Ca yehuatl Ic in tlátlacoani mochi iyollotica moteopohua moyolcocoa inic oquimoyolîtlacalhui in Totecuiyotzin Dios ipampa ca yehuatzin ca in Iteotzin ca Initeyocoxcatzin cenquizcaneconi cenquizcatlaçotlaloni Auh ic ipampa mocemixnahuatia inic in Imonequian moyolcuitiz ihuan inic ye aocmoceppa tlâtlacoz auh noihuan in itetzinco motemachia in Dios inic in yehuatzin quimopôpolhuiliz in cemixquich in oquichiuh tlatlacolli

0r 1038

Tetl Quezquitlâtlamantiticâ tlachihualli in itech onactica in Cenchipahuac Neyoltequipacholiztli

0r 1039

Ten Ca occencaye ca etlâtlamantiticâ

0r 1040

Tetl Macecentlamantli xinechnônonquamelahuili inic nicmatiz nicmelahuacachihuaz

0r 1041

Ten Inic centlamantli Neyoltequipacholiztlachihualli ca yehuatl in Neyoltonehualiztli in Neyolcocoliztli Ic iniquac ticctolnamiquiliá in Dios ticnequizquiâ in macaic in yehuatzin otictoyolîtlacalhuianî ipampa ca yehuatzin ca cenquizcaqualli cenquizcayectli ca cenquizcatlaçotlaloni auh niman amo yolîtlacoloni

0r 1042

Tetl Ma tel xiquito inic ontlamantli Neyoltequîpacholiztlachihualli

0r 1043

Ten Inic ontlamantli Tlachihualli ca yehuatl in Necemixnahuatiliztli Ic titocemixnahuatiá inic ye aocmo ceppa titlâtlacozque ipampaca in ixquichi titoyolcocoa inic otictoyolitlacalhuique in Dios ca intla tomac onyeni intla tihuelitini ca nel ca ticcempôpolozquia ihuan âtleipan ticcuepazquiâ in totlatlacol Auh ic ipampa ixquich in totlapal ticchihuazque inic ye aocmo quemman titlátlacozque

0r 1044

Tetl Manoce xictecpana inic etlamantli in Neyoltequipacholiztlachihualli

0r 1045

Ten Inic etlamantli Tlachihualli ca yehuatl in Netemachiliztli in Nechixcayeliztli Ic in itetzinco titotemachia ihuan titotlaquauhtlamatî in icenqualtilitzin ihuan in itlacemîtoltzin in Dios inic in ipaltzinco in Ieçotzin in Itlaçopiltzin in Totecuiyo Jesu Christo ca techmopôpolhuiliz in cemixquich in oticchiuhque tlátlacolli ihuan inic techmomaquiliz in Iteoteyectiayatzin in Gracia inic ye âoquic titlâtlacozque

0r 1046

Tetl Auh in axcan huel nimitztlatlauhtia ma yecuel xinechilhui in izquitlamantli Neyolehualoni ic ninoyolehuaz inic nicchihuaz inin Neyoltonehualiztli ihuan inin Necemixnahuatiliztli

0r 1047

Ten Ca miectlátlamantiticâ inin Neyolehualoni Inic centlamantli tiquitztimotlaliz Ca in Totecuiyotzin Dios ca huelyehuatl in Cenquizcaqualtiliztli in Cenquizcayectiliztli cenquizcatlazotlaloni cenquizcaneconi Inic ontlamantli ticmolnamictiz in Cemixquich in nepapan in Iteicnelilitzin in yehuatzin otechmomaquili Inic etlamantli ticnemiliz in tlein totlâtlacoltica ticpoloâ ca yehuatl in Itetlaçotlalitzin in Dios Inic nauhtlamantli in mixpan tictlaliz in Iteoeçotzin in ipampa in totlatlacol oquimonoquili in Totlaçomahuiztemaquixticatzin Jesu Christo

0r 1049

Tetl Auh cuix ocnôma oncâ occentlamantli Neyoltequipacholiztli ipampa in totlatlacol in amomachyuhqui hueliyô ihuan tepalehui in quenami in otinechmelahuili

0r 1050

Ten Ca quemáca Noteicatzinê ihuan motenehua Atricion

0r 1051

Tetl Cenca huel nimitztlatlauhtia in maxinechilhui catlehuatl inon Neyoltequipacholiztli Atricion ihuan tleic mononquâquixtiâ ihuan cecniquizticâ in itechpa in Cenquizcaneyoltequipacholiztli Contricion

0r 1052

Ten Ticmatiz Notelcatzinè ca in Neyoltequipacholiztli Atricion ca yehuatl Ic titoyoltequipachoá ipampa in totlâtlacol tel ca nelli ca çan ipampa in Imacaxoca in Miquiztli noço in Mictlan ánoçe in oc izquitlamantli in totoliniloca in Cococ teopouhqui ic in Totecuiyotzin Dios huel techmotlatzacuitiliz Auh ca yehuatlin ic mononquáquixtia in itechpa in Neyoltequipacholiztli Contricion ipampaca in Contricion ca niman âmo techtlachieltia in ihuic in nepapan totlatzacuiltiloca in totoliniloca ca çan huel iceltzin çan huel iyôtzin in Cenqualtilicecatzintli Dios

0r 1053

Tetl Auh cuix techmopôpolhuilia in Dios in totlàtlacol ipampa in yehuatlin Neyoltequipacholiztli Atricion

0r 1055

Ten Ca niman amo ic tipôpolhuilô in totlatlacol intlacamo ocnoihuan titoyolcuitiá Auh ic ipampa intla acá tlátlacoani in itech in temictiani Tlátlacolli ca çanyuh moyoltequipachozquia ihuan âmo moyolcuitizquia ihuan çanyenoyuh miquizquia ca niman amo momaquixtizquia ca çanye in ompa Mictlan huetzizquia

0r 1056

Tetl In yuh in tinechilhuia âzo ocyê chihualoni yez in zan yehuatlin Neyoltequipacholiztli Atricion tictequipanozque ihuan achimiecpa titoyolcuitizque intla ca nelli ca yuh titlâtlacolpopolhuilozque ihuan titomaquixtizque

0r 1057

Ten Ca niman amo nic huelitta in monenonotzalitzin in moyolloîtic ticnemitia ipampa in izquitlamantli neyolehualoni in ye nimitzcaquitiz intla ticmonequiltia

0r 1058

Tetl Cenca huel nimitztlatlauhtia in ma zanniman xinechtecpanili ca nozo nel nicôhuicacaqui in tleín ic tinechmonônochilia

0r 1059

Ten Inic centlamantli neyolehualoni ca yehuatl Ipampaca in Neyoltequipacholiztli Contricion ca çanniman quicempôpoloa in tlâtlacolli auh niman amo quicempôpoloa in tlátlacolli in Neyoltequipacholiztli Atricion Auh ca nelli Ca ixquichi in iáquallô in iáyecyô in temictiani tlátlacolli ihuan ixquichi tetlaocolti in amo totech yez in Teoyectiliztli Gracia ca niman âmo manel çanixquichcahuitli techpoloz intla nel occeppa huel toconcaizque huel tocontomacehuizque

0r 1060

Tetl Ocnôma niccaquiznequi occentlamantli Neyolpachihuitiloni

0r 1061

Ten Inic ontlamantli Neyolpachihuitiloni ca yehuatlin Ca huel mochihuaz ca ázo miquiz in Tlâtlacoani in ayamoyuh moyolcuitia auh ca nelli ca niman amo momaquixtiz immanel oquichiuh in neyoltequipacholiztli Atricion auh ca nelli ca momaquixtiz intla oquitequipanô in Neyoltequipacholiztli Contricion

0r 1062

Tetl Inic ocachi ic Noyollomâciz ma xiquitta intla ázitla occentlamantli Neyolmaxiltiloni ticnextia

0r 1063

Ten Inic etlamantli Neyolmaxiltiloni ca yehuatl Ipampaca iniquac in Neyoltequipacholiztli Contricion mocentetilia in ihuan in Neyolcuitiliztli ca iniquacon in Totecuiyotzin Dios oc ye miec techmotlapihuililia in Teoyectiliztli Gracia ihuan oc ye ixachi techmopôpolhuilia in totlatzacuitiloca in cahuipan ipampa in totlátlacol tiquîhiyohuizquia in amomachyuhqui techmocnelilia iniquac in Neyoltequipacholiztli Atricion ic monênepanoa in Neyolcuitiliztli Auh ic ipampa ocyecenca qualli yez inic immanel titoyolcuitizque ca tictonemiliztizque in Neyoltequipacholiztli Contricion Ca noço nel ocachi tepalehuiloni ocachi tlacnopilhuiloni

0r 1064

Tetl Ca ye ic opachiuh ihuan oniccentlali in noyollo inic mochipa yuh nicnonemiliztiz in Cenchipahuac Neyoltequipacholiztli Contricion auh in axcan zazen nimitztlatlauhtia in ma xinechilhui in iquin in quemman nicchihuaz inin cenca tepalehui Neyoltequipacholiztli

0r 1065

Ten Ca in mochipa motech yez âcitla temictiani tlátlacolli ca iniquacon ca cenca qualcan ca huel yeccan inic ticchihuaz inin Neyoltequipacholiztli maçonelihui caltzalan noço canapa tinênentinemiz ánoço in itla occentlamantli ticmoteq iuhtitiez tictequipanotiez

0r 1066

Tetl Auh nonquâin iquin timomati ca ocno ihuan nicnonemiliztiz inin Neyoltequipacholiztli Contricion

0r 1067

Ten Ca cecenyohualtica in monetecayan ihuan cecemilhuitica yohuatzinco in monecochehuayan Iniquac Teopan ixpantzinco in Santissimo Sacramento ticalaqui Auh ocnoihuan iniquac timoyolcuitia noço titlacelia anoço in Missa ticmocaquitia ca huel ipanyotl inic ticchihuaz inin Neyoltequipacholiztli

0r 1068

Tetl Zan icain ninocahua Noteachcatzinè Ma zan ixquich in izquitlâtolli xinechmelahuili ic in Dios nicnotlatlauhtiliz ihuan ic nictecpanaz inin Neyoltequipacholiztli Contricion

0r 1069

Ten Ninomati Noteicatzinè ca yuh huel tiquîtoz ihuan ic ticmonônochiliz in Totemaquixticatzin Jesu Christo in Cruztitech momámaçoaltitîcac

0r 1070

IN NEYOLTEQUIPACHOLIZTLACHIHUALLI

0r 1071

Notecuiyotzinè Jesu Christoè in Tihuelnelli Titeotl Dios ihuan in Tihuelnelli Toquitzintli in Tinoteyocoxcatzin ihuan in Tinotlaçomahuiztemaquixticatzin ca mochi ica in noyollo ninoyoltequipachoa ninoyoltonehua inic onimitznoyolîtlacalhui çan ipampa ca Tehuatzin ca in Tinoteotzin in Ticenquizcamahuiztililoni in Ticenquizcatlaçotlaloni ipan in cemixquich in nepapan tlachihualli Auh çan ic ipampa ninocemixnahuatia inic àocmocceppa nitlàtlacoz ihuan inic in imonequian ca ninoyolcuitiz Auh in cemixquich in quallachihualli in nonemilizpan nicchihuaz ca in itech nicpohua inic notlaxtlahuaya yez ipampa in notlatlacol Auh in itetzinco in mocenquizcaqualtilitzin ninotemachia inic Tehuatzin tinechmotlâtlacolpôpolhuiliz in ipaltzinco in Motlaçomahuizeçotzin ihuan inic tinechmomaquiliz in Moteoteyectiayatzin in Gracia inic ye aocmo nitlâtlacoz ihuan inic niquicnopilhuiz in cemîcac in Ilhuicac pápaquiliztli in Gloria Ma yuh mochihua Jesusè

0r 1072

In Actê in Tichristiano intlacamo titlâtlacoznequi ihuan intla nel timomaquixtiznequi macaic xiquilcahua ma mochipa xiquilnamictinemi in Miquiztli in Tetlatzontequililiztli in Mictlan Tlaîhiyohuiliztli ihuan in Cemîcac in Ilhuicac Necencuiltonolizpâpaquiliztli

0r 1075

IN TEPALEHUILONI IC Ipan Missa tepalehuiloz Auh acachtopa nican motlâtoltia in Teopixqui ihuan zatepan quimonanquililia in Tepalehuiani Ah yehuatlin Tepalehuiani zanye in itencopa quimatiz in Tenanquililiztli ic in Teopixqui quimonanquililiz

0r 1076

Teopixqui Introibo ad Altare Dei

0r 1077

Tepalehuiani AdDeum qui Iætificat juventutem meam

0r 1078

Teop Judica me Deus & discerne causam meam de gente non sanctá ab homine iniquo & doloso erue me

0r 1079

Tep Quia tu es Deus fortitudo mea quare me repulisti & quare tristis incedo dum affligit me inimicus

0r 1080

Teop Emitte lucem tuam & veritatem tuam ipsa me deduxerunt & adduxerunt in montem sanctum tuum & in tabernacula tua

0r 1081

Tep Et introibo ad altare Dei ad Deum qui lætificat juventutem meam

0r 1082

Teop Confitebor tibi in cithara Deus Deus meus quare tristis es anima mea & quare conturbas me

0r 1083

Tep Spera in Deo quoniam adhuc confitebor illi salutare vultus mei & Deus meus

0r 1084

Teop Gloria Patri & Filio & Spiritui Sancto

0r 1085

Tep Sicut erat in principio & nunc & sempe & in sæcula sæculorum Amen

0r 1088

Tep Ad Deum qui lætiticat juventutem meam

0r 1089

Teop Adjutorium nostrum in nomine Domini

0r 1091

Teop Confiteor Deo Omnipotenti &c & vos Fratres orare pro me ad Dominum Deum nostrum

0r 1092

Tep Misereatur tui omnipotens Deus & dimissis peccatis tuis perducat te ad vitam æternam

0r 1094

Tep Confiteor Deo Omnipotenti Beatæ Marie semper Virgini Beato Michaeli Archangelo Beato Joanni Baptistæ Beato Josepho Sanctis Apostolis Petro & Paulo omnibus sanctis & te Pater quia peccavi nimis cogitatione verbo & opere meà culpà meà culpà meà maximà culpà Ideo precor Beatam Mariam semper Virginem  Beatum Michaelem Archangelum Beatum Joannem Baptistam Beatum Josephum Sanctos Apostolos Petrum & Paulum ommes Sanctos & te Pater orare pro me ad Dominum Deum nostrum

0r 1095

Teop Misereatur vestri Omnipotens Dens & dimissis peccatis vestris perducat vos ad vitam æternam Tep Amèn

0r 1096

Teop Indulgentiam absolutionem & remissionem peccatorum vestrorum tribuat vobis omnipotens & misericors Dominus Tep Amèn

0r 1097

Teop Deus tu conversus vivificabis nos

0r 1098

Tep Et plebs tua l tabitur in te

0r 1099

Teop Ostende nobis Domine misericordiam tuam

0r 1101

Teop Domine exaudi orationem meam

0r 1102

Tep Et clamor meus ad te veniat

0r 1103

Teop Dominus vobiscum Tep Et cum spiritu tuo

0r 1104

Teop Kyrie eleyson Christe eleyson &c

0r 1105

Tep Kyrie eleyson Christe eleyson Christie eleyson Kyrie eleyson

0r 1106

Teop Dominus vobiscum Tep Et cum spiritu tuo

0r 1108

Teop Per omnia s cula s culorum Tep Amèn

0r 1109

Teop Electamus genua Tep Levate

0r 1113

Teop Dominus vobiscum Tep Et cum spirituo tuo

0r 1114

Tep Sequentia Sancti Evangelij secundum Matth û

0r 1118

Teop Dominus vobiscum Tep Et cum spiritu tuo

0r 1120

Suscipiat Dominus sacrificium de manibus tuis ad laudem & gloriam nominis sui ad utilitatem quoque nostram totiusque Eclesi su Sanct

0r 1121

Teop Per omnia s cula s culorum Tep Amèn

0r 1122

Teop Dominus vobiscum Tep Et cum spiritu tuo

0r 1123

Teop Sursum corda Tep Habemus ad Dominum

0r 1124

Teop Gratias agamus Domino Deo nostro

0r 1126

Teop Per omnia s cula s culorum Tep Amèn

0r 1127

Tep Et ne nos inducas in tentationem

0r 1129

Teop Per omnia s cula s culorum Tep Amèn

0r 1130

Teop Pax Domini sit semper vobiscum

0r 1131

Tep Et cum spiritu tuo Teop Dominus vobiscum

0r 1132

Tep Et cum spiritu tuo Teop Ite Missa est

0r 1134

Teop Benedicamus Dominó Tep Deo gratias

0r 1135

Teop Requiscant in pace Tep Amèn

0r 1136

Teop Ite Missa est Alleluia Alleluia

0r 1137

Tep Deo gratias Alleluia Alleuia

0r 1138

Teop Benedicat vos omnipot & Spiritus Sanctus

0r 1139

Tep Amen Teop Dominus vobiscum

0r 1142

Iniquac tzonquiza in occentetl Evaagelio in tlaniticâ Missa

0r 1145

Iniquac mochihua Responso impampa in Mimicque

0r 1146

Teop Et ne nos inducas in tentationem

0r 1150

Anozo Erue Domine animas eorum

0r 1151

Teop Requiescant in pace Tep Amèn

0r 1152

Teop Domine exaudi orationem meam

0r 1153

Tep Et clamor meus ad te veniat

0r 1154

Teop Dominis vobiscum Tep Et cum spiritu tuo

0r 1155

Teop Per omnia sæcula sæcolorum Tep Amèn

0r 1156

Teop Requiem æternam dona eis Domine

0r 1157

Tep Et lux perpetua luceat eis

0r 1158

Teop Requiescant in pace Tep Amén

0r 1159

In yêyuh in Tepalehuiani in itencopa oquimá ihuan oquimoyollôti in nican îcuiliuhtoc Tepalehuiloni quiniquac ma mopachô in itlan in occe ye Tlamatini Tepalehuiani iniquac ipan Missa tepalehuia Auh in oncan ma tlâtlachixtie ma moyéyecô ihuan ma momámachti inic zatepan in tlein oconittac in zan huel icel quitequipanoz

0r 1161

LETANIAS DE NUESTRA Señora la Virgen MARIA que se le cantan

0r 1163

In Itlatlauhtilocatzin in Itoca Letania in Tlátocaichpotzintli in Santa Maria in quimocuicaehuililiâ in Ichantzinco de Loreto

0r 1164

Kyrie eleyson Christe eleyson Kyre eleyson Christe audi nos Christe exaudi nos

0r 1165

Pater de C lis Deus Miserere nobis

0r 1166

Fili Redemptor Mundi Deus Miserere nobis

0r 1167

Spiritus Sancte Deus Miserere nobis

0r 1168

Sancta Trinitas Unus Deus Miserere nobis

0r 1170

Sancta Dei Genitrix Virgo Potens

0r 1171

Sancta Virgo Virginum Virgo Clemens

0r 1173

Mater Divinæ gratiæ Speculum Justitiæ

0r 1174

Mater Purissima Sedes Sapientiæ

0r 1175

Mater Castissima        Causa Nostræ lætitiæ

0r 1176

Mater Inviolata Vas spirituale

0r 1177

Mater Intemerata Vas honorabile

0r 1178

Mater Amabilis Vas insigne devotionis

0r 1179

Mater Admirabilis Rosa Mystica

0r 1180

Mater Creatoris Turris Davidica

0r 1181

Mater Salvatoris Turris Eburnea

0r 1182

Virgo Prudentissima Domus Aurea

0r 1187

Stella Matutina Regina Apostolorum

0r 1188

Salus Infirmorum Regina Martyrum

0r 1189

Refugium Peccatorum Regina Confessorum

0r 1190

Consolatrix Afflìctorum Regina Virginum

0r 1191

Auxilium Christianorú Regina Sanctorum ómnium

0r 1194

Agnus Dei qui tollis peccata Mundi

0r 1196

Agnus Dei qui tollis peccata Mundi

0r 1198

Agnus Deis qui tollis peccata Mundi

0r 1201

Gratiam tuam qu sumus Domine mentibus nostris infunde ut qui Angelo nuntiante Christi Filij tui Incarnationem cognovimus  per Passionem ejus & Crucem ad Resurrectionis gloriam perducamur Per eumdem Christum Dominum nostrum Amen

0r 1203

Defende quæsumus Domine Beatà MARIA semper Virgine intercedente istam ab omni adversitate Familiam & toto corde tibi prostratam ab hostium propitius tuere clementer infidijs Per Christum Dominum nostrum Amèn

0r 1204

Divinum auxilium maneat semper nobiscum Amèn

0r 1206

SALUTACION A NUESTRA Señora â los tres toques de la Campana

0r 1207

Izcatqui centlamantli cenca tlacnopilhuiloni in Itlâpalolocatzin in Tocenquizcanantzin ic yehuatzin tlâpaloloz inîquactziliniz in Tepuzcampana in yohuatzinco in ye tlahuizcalehua nepantla Tonalli ihuan in ye tlayohua ye tlapoyahua

0r 1208

Angelus Domini nuntiavit MARIÆ & concepit de Spritu Sancto

0r 1210

Ecce Ancilla Domini fiat mihi secundùm verbum tuum

0r 1212

Et Verbum Caro factum est & habitavit in nobis

0r 1213

Nican motemîtoa Ocnoce Ave Maria

0r 1214

Occentlamantli in Itlâpalolocatzin in Tlâtocaichpotzintli

0r 1215

Ave Filia Dei Patris Ave Mater Dei Filij Ave Sponsa Spiritus Sancti Ave Templum totius Sanctissimæ Trinitatis Ave Maria Sanctissima fine labe peccati originalis concepta

0r 1216

Nican mopohua Ce pater noster ihuan Ce Ave Maria

0r 1219

Ma ximopâpaquiltitie Santa Mariaè ca in Titeoyotica in Tichpochpiltzin in Dios Tetâtzin

0r 1220

Ma ximopâpaquiltitie Santa Mariaè ca in Tihuelnelli Titlaçonantzin in Dios Ipiltzin

0r 1221

Ma ximopâpaquiltitie Santa Mariaè ca in Titeoyotica in Titlaçonamictzin in Dios Espiritu Santo

0r 1222

Ma ximopâpaquiltitie Santa Mariaè in Ticenchipahuacateopancaltzin in Cenquizcaneteotiloni Teoyeitiliztli Santissima Trinidad

0r 1223

Ma ximopâpaquiltitie Santa Mariaè ca in motetzinco ámo oâcic in Tlátlacolpeuhcayotl ca çan ye teîtic ticenchipahuacachihualoc

0r 1225

A las tres de la tarde * Auh in ye teotlac ipan yei horátli inîquac tziliniz in Tepuzcampana ceppa mopohuaz in Nicnoneltoquitia ipampa in Itlaçomiquitzin in Totemaquixticatzin Jesu Christo in yehuantizn çannohueliquac omomiquili

0r 1226

A las ocho de la noche * Zacno in ye yohuac iniquac ipan chicuei horátli tziliniz in Tepuzcampana motempohuaz Ce Totazinè ihuan Ce Santa Mariaê impampa in Mimicque in ompa Netlechipahualoyan Purgatorio cenca huel tlaihiyohuiticate

0r 1227

Bendicion de la Comida * In totlaqualizpan in ye titlaquaznequi ca yuh ticteochihuazque in tlaqualli Ma in huei Tlâtoani Teotl Dios techmoteochihuili in tehuantin in nican can tonoque ihuan mayehuatzin quimoteochihuili in ixquich in qualoni in ihuani in imacpatzinco axcan ticcelizque ic tipachihuizque ica in itlaçomahuiztocatzin in Dios Tetátzin ihuan in Dios Ipiltzin ihuan in Dios Espiritu Santo Ma yuh mochihua Jesusè

0r 1228

Accion de Gracias * In otitlaquáque tiquîtozque Ma cenquizca yectenehualo in huei Tlatoani Teotl Dios ipampa in cemixquich in Iteicnelilitzin in imacpatzinco otictomacehuique ic otipachiuhque ica in Itlaçomahuiztocatzin in Dios Tetátzin ihuan in Dios Ipiltzin ihuan in Dios Espiritu Santo Ma yuh mochihua Jesusè

0r 1230

In Itlatlauhtilocatzin in Totlazotemaquixticatzin Jesu Christo ipampa in Imiccaquimiliuhcayotzin ic in yehuatzin in omomiquili omiccaquimiloloc

0r 1231

Noteotzinè Notemaquixticatzinè Jesu Christoè ca Tehuatzin in nican Tlaltipac otitechmocahuilili in Imachiyo in Motláçomiquitzin in itech in motlateochihualquimiliuhcayotzin ic oquimiloloc in Momiccanacayotzin iníquac in Yehuatzin in Yectlacatzintli Joseph in itechpa in Moquauhnepanoltzin in Santa Cruz oquihualmotemohuili matlaçoti Noteotzinè ma tlacahua in Mocnohuacayol yollotzin inic ipaltzinco in Motlaçomiquitzin ihuan in Motococatzin maxitechmmohuiquili in ompa in Nezcaliliznecuiltonoloyan ca yehuatl in Cemîcac Ilhuicacpápaquiliztli Gloria In canin in ihuantzinco in Dios Tetátzin ihuan in Dios Espiritu Santo cemîcac mochipa timonemitia ihuan timocentlátocatilia in Tehuatzin in Titeotl Dios ihuan cemîcac mochipa timonemitiz ihuan timocentlatocatiliz Ma yuh chihualo Jesusè

0r 1232

Aqui se acabò el Catecismo Castellano sin faltarle cosa alguna de las que contiene El qual se procurado traducir en el Idioma Mexicano con la claridad y propiedad possible A que se seguirà lo que por utilissimo â todos se añadido y empieza en el Folio siguiente

0r 1233

Y con ser la traduccion en Lengua estraña y no entendida de los Impressores y constar esta de dilatadas voces y sylabas repetidas con todo por la misericordia del Señor no se halla en todo lo escrito (y se procurará lo mismo en lo que se escribiere) errata alguna considerable y quando mas se advertirà muy rara vez falta ô mutacion de una Letra ò Sylaba que qualquiera podrà notar y corregir Como en el Folio Renglón Está Incepamicneliliz que debe ser Innecepamicneliliz Item Fol Reng està omimique que debe ser omimicque como se en otras partes Y assi de una u otra semejante que acaso podrà ocurrir Y con esto se advierte que la variacion que aqui se halla de Voces ò Reverenciales no es errata de la Imprenta sino fecundida de la Lengua que tiene essa variedad de que podrà con seguridad usar el que á ella se acomodáre

0r 1236

DOCTRINA PEQUEÑA dispuesta por el P Bartholome Castaño de la Compañia de JESUS El que la oyere por cada vez gana dias de Indulgencia y otros dias por el Acto de Contricion

0r 1237

NICAN MOTENEHUA in Tepiton Teotlâtolli in mochi Christianotlacatl huel quimoyollotiz itencopa quimatiz quimelahuacacaquiz ihuan quichicahuacaneltocaz in ocyecenca inîquac moyolcuitiz Auh in quezquipa quiyehuacaquiz inin Teotlâtolli nozo in Neyoltequipacholiztli zacno izquipa quicnopilhuiz ompohualilhuitl in Tlaihiyohuilizcaxahualiztli

0r 1238

Tetl Maxinechilhui Nopiltzinè Cuix oncâ in huel nelli Teotl Dios

0r 1239

Ten Ca quemâcatzin Notâtzinè Ca oncâ in huel nelli Teotl Dios

0r 1240

Tetl Auh quezquintín in Teteô

0r 1241

Ten Ca çan huel cetzin in huel nelli Teotl Dios

0r 1243

Tetl Campa moyeztica in zan huel cetzin in huel nelli Teotl Dios

0r 1244

Ten Ca ompa moyetzticâ in Ilhuicac ihuan nican Tlalpicpac ihuan cennônohuian cemanahuac moyetzticâ

0r 1245

Tetl Aquin oquimochihuili in Ilhuicatl ihuan in Tlalticpactli ihuan in cemixquich in nepapan tlachihualli

0r 1246

Ten Ce yehuatzin in Totecuiyotzin Dios

0r 1247

Tetl Auh ac yehuatzin in Totecuiyotzin Dios

0r 1248

Ten Ca yehuatzin in cenquizcamahuiztililoni Teoyeitiliztli in motenehua Santissima Trinidad

0r 1249

Tetl Auh ac yehuatzin in Santissima Trinidad

0r 1250

Ten Ca yehuatzin in Dios Tetâtzin ihuan in Dios Ipiltzin ihuan in Dios Espiritu Santo yeintin in Teotlacatzitzintin in Personasme auh ca zan huel cetzin huel nelli Teotl Dios in Imeixtintzitzin

0r 1251

Tetl In Tetâtzin cuix huel nelli Teotl Dios

0r 1252

Ten Ca quemácatzin ca huel nelli Teotl Dios

0r 1253

Tetl Auh in Ipiltzin cuix huel nelli Teotl Dios

0r 1255

Ten Ca quemâcatzin ca huel nelli Teotl Dios

0r 1256

Tetl Ihuan in Espiritu Santo cuix huel nelli Teotl Dios

0r 1257

Ten Ca quemâcatzin ca huel nelli Teotl Dios

0r 1258

Tetl Auh cuix yeintin in Teteô

0r 1259

Ten Ca nimam ámo Yeintin in Teteô ca çan huel cetzin in huel nelli Teotl Dios Ipampa ca immanel initetzinco in Dios ommetzticate Yeintin in Teotlacatzitzintin in Personasme yecê ca çan huel cetzin Teotl Dios in Imeixtintzitzin ipampa ca mochtintzitzin quimopieliâ zan ce Inyelitzin zan ce Inteoyotzin

0r 1260

Tetl Ac yehuatzin in Teotlacatzintli Persona Oquitzintli omochiuhtzino Cuix in Dios Tetâtzin ánozo in Dios Espiritu Santo

0r 1261

Ten Ca in Dios Tetâtzin niman âmo Oquitzintli omochiuhtzino Amo Oquitzintli omochiuhtzino in Dios Espiritu Santo

0r 1262

Tetl Màyecuele xîquitô Ac yehuatzin Teotlacatzintli Persona Oquitzintli omochiuhtzinô

0r 1263

Ten Ca zan huel iceltzin inic Ome Teotlacatzintli Persona yehuatzin in Dios Ipiltzin Oquitzintli omochiuhtzino in nican Tlalticpac auh in ye yuh Oquitzintli omochiuhtzino motenehua Jesu Christo

0r 1264

Tetl Auh ac yehuatzin in Totecuiyo Jesu Christo

0r 1265

Ten Ca yehuatzin in huel nelli Teotzintli Dios ihuan huel nelli Oquitzintli

0r 1266

Tetl Ac itech Oquitzintli omochiuhtzinô in Totecuiyo Jesu Christo

0r 1267

Ten Ca in Ichpochxillantzinco in cemicac mochipa Ichpotzintli Santa Maria Oquitzintli omochiuhtzinô in Totecuiyo Jesu Christo ica in itlamahuizoltzin in Dios Espiritu Santo Auh in yehuatzin in Santa Maria mâzonelihui in huel nelli in Dios Inantzin omochiuhtzinô ca nelli ca aic oquimopolhui in Itlazomahuizcenchipahuacaichpochyotzin

0r 1268

Tetl Auh tleipampa Oquitzintli omochiuhtzino in Totecuiyo Jesu Christo

0r 1269

Ten Ca inic tech momaquixtiliz in Tehuantin in Titlatlacoanime

0r 1270

Tetl Auh tlein oquimochihuili in nican Tlalticpac in Totecuiyo Jesu Christo inic techmomaquixtiliz

0r 1272

Ten Ca topampa omotlaihiyohuilti in itlàtocayopan in Poncio Pilatos omâmazoaltiloc Cruztitech omomiquili otococ omotemohui in Mictlan yeilhuitica omonômaizcalitzinô in intlan in Mimicque omotlecahui in Ilhuicac Imayauhcampatzinco mehuiltiticâ in Dios Tetâtzin Cemixquichihueli auh ompa occeppa hualmohuicaz in nican Tlalticpac in quimmotlatzontequililiquiuh in Yolquê ihuan in Mimicquê

0r 1273

Tetl Iniquac Cruztitech omomiquili in Totecuiyo Jesu Christo cuix omomiquili inic Teotl Dios anozo inic Oquitzintli

0r 1274

Ten Ca niman âmo omomoquili inic Teotl Dios ca zan inic Oquichtlacatzintli omomiquili

0r 1275

Tetl Auh inîquac in Tlalticpactlacatl miqui cuix noihuan miqui in Ianima in quenamî miqui in Itlalnacayo

0r 1276

Ten Ca niman âmo miqui in Iyolia in Ianima ca nel aic huel miquiz ca zan inic in Itlalnacayo miqui

0r 1277

Tetl Auh in Totlalnacayô cuix cemîcac miquiz Cuix aocmoquemman occeppa yoliz

0r 1278

Ten Ca niman âmo cemicac miquiz ipampa ca inîquac ontlamiz in Cemanahuac

0r 1279

 in ipan in Tetlatzontequililizilhuitl in Tomiccanacayo occeppa mocetiliz monepanoz in itech in Toyolia in Tanima inic mochipa cemîcac yoliz ihuan aic miquiz

0r 1280

Tetl Auh in qualtin Tlâca campa yazque inîquac momiquilizque

0r 1281

Ten Ca ompa yazque in Ilhuicac inic cemîcac pâpaquizque ipampa ca oquipixque in Itenahuatiltzin in Dios ihuan in Santa Iglesia

0r 1282

Tetl Ihuan in âmo qualtin Tlacâ ca intlâtlacolpan omicquê campa yazque

0r 1283

Ten Ca in ompa Mictlan yazque inic cemîcac oncan tlatlatiezque ihuan tlaihiyohuiltilozque ipampa ca âmo oquipixque in Itenahuatiltzin in Dios ihuan in Santa Maria

0r 1284

Tetl Tlein quîtoznequi Santa Iglesia Catholica

0r 1285

Ten Quitoznequi Innecentlaliliz in mochintin in Christianotlacâ auh in Teoyotica in Itzontecontzin mochiuhtzinoticâ in Totecuiyo Jesu Christo auh in nican Tlaltipac in Ipatillotzin in yehuatzin in cenca huei Tlâtocateopixcatzintli in Sumo Pontifice in ompa huei Altepepan Itoca cayocan Roma motlâtocatilia in ipan in cennônohuian Christianoyotl Cemanahuac

0r 1286

Tetl Ac yehuatzin in oncan moyetzticâ in itictzinco in Santissimo Sacramento

0r 1287

Ten Ca oncan moyetztica in Totecuiyo Jesu Christo in huel nelli Teotl Dios ihuan huel nelli Oquitzintli in yuh in ompa moyetzticâ in Ilhuicac

0r 1288

Tetl Auh tlein quichihuaz in Christianotlacatl inic qualli ic quimoceliliz in Santissimo Sacramento

0r 1289

Ten Ca quimoceliliz huel nezahualiztica tlateomatiliztica ihuan neyolcuitiliztica intla âzitla quilnamiqui temictiani in itlâtlacol

0r 1290

Tetl Ihuan inic qualli ic moyolcuitiz tlein quichihuaz

0r 1291

Ten Ca achtopa motlatemoliz inic mochi quimolnamictiz in temictiani in itlâtlacol Zatepan huei netequipacholiztica necemixnahuatiliztica mochi quimocuitiz ca nel nozo ca niman âtle in mâitla iyollotlamâ quicahuaz nozo ipinahuiztica nozo inemauhtiliztica anozo itlatzihuiztica ihuan zatlatzonco quineltiliz intlein ipampa in itlâtlacol quimomamaltiliz in Iteyolcuiticatzin

0r 1293

Tetl Auh inic momaquixtiz in Christiano tlein quichihuaz

0r 1294

Ten Ca huel centetica quimopieliz in Itenahuatiltzin in Dios ihuan in Santa Iglesia ihuan noyuhqui quitequipanoz in oc izquitlamantli in imamal in inahuatil ca in itech pohui in itequiuh nozo in Icennemiliz

0r 1295

Mochi ica in Noyollo nicnocuitia ihuan niccenneltoca in cemixquich inin Teotlátolli in quin axcan nican onictenquixti ipampaca cemixquichin ca zacenca huel nelli çacenca huel melahuac in Itlâtoltzin in Cenneltilicêcatzintli Dios in yehuatzin otechmonextilili ihuan in Santa Iglesia otechmixpantilili ihuan otechmotlaneltoquiltili

0r 1296

Noihuan mochi ica in Noyollo ninoyoltonehua inic onicnoyolîtlacalhui in Noteotzin in Notlátocatzin Dios ipampa ca yehuatzin ca cenquizcamahuiztililoni cenquizcatlazotlaloni Auh ic ipampa ninocemixnahuatia inic ye aocmo nitlatlacoz ihuan inic in imonequian ninoyolcuitiz Ihuan in itetzinco in Dios ninotemachia inic in yehuatzin nechmotlápôpolhuiliz ihuan nechmomaquixtiliz Amèn

0r 1297

In Imelahualoca inin Neyoltequipacholiztli motenehua Contricion ic tepôpolhuilo cemixquich in tlâtlacolli ca achitlacpac îcuiliuhtoc auh in oncan quinextiz in zazo in aquin quinequiz

0r 1299

MODO DE OFRECER A DIOS las Obras del Dia

0r 1301

in centlamantli cenca mahuiztiz Tlatlatlauhtiliztli ic momoztlaè inîquac titotecâ ihuan inîquac titocochehuâ tictotlatlauhtilizque in Dios

0r 1302

Noteotzinê Noteyocoxcatzinê Tloquêè Nahuaquêè Diosè ca huei necnomatiliztica moteoixpantzinco ninopechteca ninotlalchitlaza ihuan mochi noyollocopa nimitznoteotitzinoa ihuan nimitznoyectenehuilia ca nel nozo ca in Tehuatzin ca in Tipalnemoani in Ticenhuelitini Dios Auh ic ipampa âmo zanquenamî noyollopápaqui âmo zanquenin áahuia in Notlalnacayo ipampa in motlazomahuizteoyelitzin ihuan ipampa in cemixquich in nepapan cenquizcaqualli cenquizcayectli