Histoire fragment

folio: 0

Reproduccion digital

Histoire fragment 0
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

0 1

10 tochtli. 11 acatl. 12 tecpatl. 13 calli. Ce tochtli. 2 acatl, oncan molpi yn xihuitl yhuân oncan temoque chachapoltin, 3 tecpatl. 4 calli. 5 tochtli. 6 acatl. 7 tecpatl. 8 calli. 9 tochtli. 10 acatl. 11 tecpatl. 12 calli. 13 tochtli. Ceacatl. 2 tecpatl. 3 calli. yn ipan miquico huitzilihuitzi. Auhçan niman ycon motlatocatlali yn chimalpopoca 4 tochtli. 5 acatl. 6 tecpatl. 7 calli. 8 tochtli. 9 acatl. 10 tecpatl. 11 calli. ypan ÿn momân ¨¨¨malacatl {temalacatl} yn tlalcocomoco. 12 tochtli. 13 acatl. yn y[p]ân momiquili chimalpopoca.//. Auh ynoyuh onmomiquili nimân yc ônmotlatocatlalli ynitzcohuatzin. Auh ypân mochiuh yn tlatilolco temoc chimalli quicahuaco ÿn mexico auh niman quichiuhq^ çentetl çan no yuh[qui]. Cetecpatl xihuitl ynipan quihualtzacque quauhnahuaca ± 2 calli ynipan poliuhq^ azcapotzalca yhuân [Te]paneca Coyohuaque. 3 tochtli yn ipan [pehu]alloque xochimilca. 4 acatl ypan quinpeuhque tlatilolca iquac tlatocatia quauhtlatoatzin ynipan yc ceppa pehualoque tlatilolca. 5 tecpatl yn ipan quinpeuhque mizquic tlaca. 6 calli yn ipan poliuhq^ Cuitlahuaca. 7 tochtli. 8 acatl. 9 tecpatl. 10 calli. 11 tochtli. 12 acatl. ynipan poliuhq^ quauhnahuaca, ynoquimonpeuhque cexihuitl yn tequittque tlacalaq'que ynichan ytzcohuatzin. 13 tecpatl ynipân momiquilico ytzcohuatzin. Cecalli ynipan motlatocatlalli yn huehue moteucçomatzin ylhuicamina quetzaltecolotl. 2 tochtli. 3 acatl. 4 tecpatl. 5 calli. 6 tochtli. ypan tlac[hapol]qualoc temoque chachapoltin yquac no mayanaloc. 7 acatl. 8 tecpatl. 9 calli. 10 tochtli. 11 acatl. 12 tecpatl. 13 calli. ¾02 Cetochtli ynipan mayanaloc ± neçetochhuiloc ompatlaolmamaloto Cuextlan. 2 acatl. nican toxiuhmolpilli. 3 tecpatl. 4 calli. 5 tochtli. ypan quimânque temalacatl no yquac tlalpoliuh tepozcônlolan tlacapehualoque. 6 acatl. 7 tecpatl. 8 calli. 9 tochtli. 10 acatl. 11 tecpatl. 12 calli. yquac poliuhq^ chalca yhuân yquac motlalico Capoloac tlaca . 13 tochtli. Ce acatl. 2 tecpatl. yquac mitotique yntetepe matlatzînco auh yquac m[omi]quilico yn huehue moteucçomatzin. Auh nimân yc hualmotlali ynaxayacatzin. 3 calli yn ipan motlatocatlalli axayacatzin. 4 tochtli yquac poliuhque cuetlaxteca. 5 acatl ypan pehualoque xochitlantlaca. 6 tecpatl. 7 calli ynipan pehualoque chiapan[tlac]a no yquac poliuhque tlatilolca amo huecauh yn quimonpeuh axayacatzin ca moquichnenequia yn moquihuix nehuân yn teconal yntlacamo yehuatl quaquauhtzin yninpan tlato ca huel popolihuizquia. ± 8 tochtli. 9 acatl ynipan quinpeuhque [tollocan tlaca Matlatzinca] yhuân yquac tlallolin cenca totocac miec yntepetl xixitin moch papachiuh yn calli. 10 tecpatl [yp]an poliuhque ynocuilteca yoân chontalcohuatlan tlaca. 11 calli nican poliuhque ycpatepeca. 12 tochtli nican poliuhque calliymânyan tlaca matlatzinca. 13 acatl ypan poliuhq^ xiquipilco tlaca yhuan yquac qualoc tonatiuh mochnezque ycicitlaltin auh çan no yquac quinpeuhq^ tochcalco tlaca. Cetecpatl. 2 {calli} Nican miquico ynaxayacatzin. 3 tochtli ypan motlatocatlalli yntiçocicatzin. 4 acatl ypan quitetzônmanque [yn] ical catca tlacatecolotl Cozcaquauhtenanca Tlao[llan t]laca yninca momamal. 5 tecpatl. 6 calli.

0 1

10 tochtli. 11 acatl. 12 tecpatl. 13 calli. Ce tochtli. 2 acatl, oncan molpi yn xihuitl yhuân oncan temoque chachapoltin, 3 tecpatl. 4 calli. 5 tochtli. 6 acatl. 7 tecpatl. 8 calli. 9 tochtli. 10 acatl. 11 tecpatl. 12 calli. 13 tochtli. Ceacatl. 2 tecpatl. 3 calli. yn ipan miquico huitzilihuitzi. Auhçan niman ycon motlatocatlali yn chimalpopoca 4 tochtli. 5 acatl. 6 tecpatl. 7 calli. 8 tochtli. 9 acatl. 10 tecpatl. 11 calli. ypan ÿn momân ¨¨¨malacatl {temalacatl} yn tlalcocomoco. 12 tochtli. 13 acatl. yn y[p]ân momiquili chimalpopoca.//. Auh ynoyuh onmomiquili nimân yc ônmotlatocatlalli ynitzcohuatzin. Auh ypân mochiuh yn tlatilolco temoc chimalli quicahuaco ÿn mexico auh niman quichiuhq^ çentetl çan no yuh[qui]. Cetecpatl xihuitl ynipan quihualtzacque quauhnahuaca ± 2 calli ynipan poliuhq^ azcapotzalca yhuân [Te]paneca Coyohuaque. 3 tochtli yn ipan [pehu]alloque xochimilca. 4 acatl ypan quinpeuhque tlatilolca iquac tlatocatia quauhtlatoatzin ynipan yc ceppa pehualoque tlatilolca. 5 tecpatl yn ipan quinpeuhque mizquic tlaca. 6 calli yn ipan poliuhq^ Cuitlahuaca. 7 tochtli. 8 acatl. 9 tecpatl. 10 calli. 11 tochtli. 12 acatl. ynipan poliuhq^ quauhnahuaca, ynoquimonpeuhque cexihuitl yn tequittque tlacalaq'que ynichan ytzcohuatzin. 13 tecpatl ynipân momiquilico ytzcohuatzin. Cecalli ynipan motlatocatlalli yn huehue moteucçomatzin ylhuicamina quetzaltecolotl. 2 tochtli. 3 acatl. 4 tecpatl. 5 calli. 6 tochtli. ypan tlac[hapol]qualoc temoque chachapoltin yquac no mayanaloc. 7 acatl. 8 tecpatl. 9 calli. 10 tochtli. 11 acatl. 12 tecpatl. 13 calli. ¾02 Cetochtli ynipan mayanaloc ± neçetochhuiloc ompatlaolmamaloto Cuextlan. 2 acatl. nican toxiuhmolpilli. 3 tecpatl. 4 calli. 5 tochtli. ypan quimânque temalacatl no yquac tlalpoliuh tepozcônlolan tlacapehualoque. 6 acatl. 7 tecpatl. 8 calli. 9 tochtli. 10 acatl. 11 tecpatl. 12 calli. yquac poliuhq^ chalca yhuân yquac motlalico Capoloac tlaca . 13 tochtli. Ce acatl. 2 tecpatl. yquac mitotique yntetepe matlatzînco auh yquac m[omi]quilico yn huehue moteucçomatzin. Auh nimân yc hualmotlali ynaxayacatzin. 3 calli yn ipan motlatocatlalli axayacatzin. 4 tochtli yquac poliuhque cuetlaxteca. 5 acatl ypan pehualoque xochitlantlaca. 6 tecpatl. 7 calli ynipan pehualoque chiapan[tlac]a no yquac poliuhque tlatilolca amo huecauh yn quimonpeuh axayacatzin ca moquichnenequia yn moquihuix nehuân yn teconal yntlacamo yehuatl quaquauhtzin yninpan tlato ca huel popolihuizquia. ± 8 tochtli. 9 acatl ynipan quinpeuhque [tollocan tlaca Matlatzinca] yhuân yquac tlallolin cenca totocac miec yntepetl xixitin moch papachiuh yn calli. 10 tecpatl [yp]an poliuhque ynocuilteca yoân chontalcohuatlan tlaca. 11 calli nican poliuhque ycpatepeca. 12 tochtli nican poliuhque calliymânyan tlaca matlatzinca. 13 acatl ypan poliuhq^ xiquipilco tlaca yhuan yquac qualoc tonatiuh mochnezque ycicitlaltin auh çan no yquac quinpeuhq^ tochcalco tlaca. Cetecpatl. 2 {calli} Nican miquico ynaxayacatzin. 3 tochtli ypan motlatocatlalli yntiçocicatzin. 4 acatl ypan quitetzônmanque [yn] ical catca tlacatecolotl Cozcaquauhtenanca Tlao[llan t]laca yninca momamal. 5 tecpatl. 6 calli.

0 2

7 tochtli. Nican miquico yntizoçicatzin. Auh niman yc onmotlalli ynahuitzotzin. 8 acatl nicân momamal yn teocalli yn icalcatca tlacatecolotl yninca momamal tziuhcohuaca maçateca [t]lahpan tlaca. 9 tecpatl yquac quinpeuhque tziuhcohuaca yhuân tetzapotitlan tlaca. ± 10 calli. nican tlallolin yq[u]ac ye no quînpeuhque tlapatzinca yhuan totoltenanco tlaca yhuan atlychayacan tlaca [yn onxihuitl macuilcan] yn tepeuh ynahuitzotzin. // ¨¨¨ [Yhuan no monexti] y moyohualitohuatzin. 11 toch[tli Nican yn teciuh moch] micque ÿn mimichtin yhuan [yn ixquichtin atlan] chaneque. No yquac quinpeuh [Quauhtepec tlaca]. 12 acatl. Nican tlachapolqualoc [temoque chachapolme] yhuan yquac quinpeuhque yztac [Tlallocan tlaca. 13 tecpatl] Nican cocolin qualoc yquac no mayana[loc] [ompa] tlaolmamaloto Cuextlan yhuan yquac [qualoc tona]tiuh auh yquac no quinpeuhqu[e] acatlan tlaca. Cecalli. ypan quin peuhque xicochimalco tlaca. 2 tochtli : ypan quinpeuhq^ mizquitlan tlaca yhuân quapilolan tlaca yhuan tzapotlan tlaca. 3 acatl. 4 tecpatl. Nican tlallolin cenca totocac mochtzatzayan ÿn tlalli yquac noquinpeuhque nahuallan tlaca. 5 calli nican poliuhque xochitlan tlaca yhuan amoxtlân tlaca. 6 tochtli nican poliuhq^ chillan tlaca. ± 7 acatl ypan quinpeuhque tequantepec tla{ca}. 8 tecpatl nican huetzico ynacuecuexatl ynicapachiuh mexico. 9 calli nican tetatacoto malinalco ynaquin amo ya miec tlacatl quitzautica mictilloc. 10 tochtli ynipan miquico ynahuitzotzin. Auh niman ycon motlalli ÿn moteucçomatzin. 11 acatl ¾03 ynipa oc ceppa t[e]tatacoto auh no yquac quinpeuhq^ yopitzinca. 12 tecpatl yquac peuh yn pochtecayotl auh n[o] yquac quin[p]euhque totolan tlaca. 13 calli Nican temoc tzitzimitl yquac pehualoq^ pipiyolteca. Cetochtli yquac p[ol]iuhque éoçolan tlaca yhuan quetzaltenanca yhuan teuhtepeca. 2 acatl nicân molpi yntoxiuh ycchicopa molpia yn ixquichica ompa [huallaque?] mexica. 3 tecpatl nican temoque tlacahui[lome; 4 calli : ypan] yn hualmoquequetzaya tetzahuitl. ± [5 tochtli] yquac ÿn temoc temimilli texi[huacan. 6 acatl y]pan quinpeuhque ynycpatepeca [auh no iquac quinp]euhque tlaquiauhco tlaca y[huan izquixochitep]eca. 7 tecpatl nican poliuhque [Alotepeca?]. 8 calli, yquac quinpeuhque chichi[hualatacal]an tlaca. 9 tochtli nicân teuhtli moq^tz [yc mayanal]oc yhuân yquac pehualoque, yztactlalocan tla[ca]. 10 acatl nican tetatacoto çay yopa. 11 tecpatl. 12 calli ; 13 tochtli ypan totomonihuac. {¨¨¨} Ce acatl ynipan acico Espanolesme castilteca marques del valle ypan açico moteucçomatzin yquac tlatocati ynican mexico yniquacaçico castilteca auh xolloco yn quinamiquito moteucçomatzin quetzalecacehuaztica ÿn quicaltitiaq^ yehuatl y motenehua apanecayotl motecpantiaque yntlatoque teteuctin tequihuaque pipiltin; teocuitlacozcatl ynconaquito ynipan quinamicq^ ÿn marques. Auh ynipan acico yniuhquimetztlapohualli quecholli ± oquiuh matlaquilhuitl tzonquiçaz ÿn quecholli nimân ye panquetzaliztli atemoztli tititl yzcalli quahuitlehua tlacaxipehualiztli toçoztli

0 3

huey toçoztli. Niman ye toxcatl ynipan acoquiçaya yntlacatecolotl .//. quinmictique yn cuiçoyanohuaya ynicpeuh Cuicoyanoliztli çan quitlan ÿn moteuc çoma quilhui y malintzin tlaq^mocaquiti ynteotl ± ca otaçico ynilhuiuh ÿn toteouh ca axcân matlaquilhuitl auh ynin caçaoc toconquixtia catle ma tayzque caçan tititotizque yn iquac ye quitlecahuia tzohualli telicahuacazque ÿn mexica çan ye ixquich atle ma yhuan. Auh niman quito yn capitan: cayequalli ma quichihuazque caonicac. Nimân yconpeuhque quimilochtito yn oc cequintin huallaca castilteca ça yehuatl yn Tonatiuh mocauhtia yhuan oc cequintin auh yn iquac oacito ynintlapohualpan nimân ye quitohua ynmoteucçoma tlaquicaquican ynahtzitzihuan ca yz catqui niquilhui yn teotl ca otaçico yni[lhuiu]h yn toteouh ca toconilhuiquixtilizq^. Niman quito xicchihuacan auh ÿn moteucçoma nimân quimilhui yn Mexica yn pipiltin ynaxcân quêntonyezque. Auh nimân quitoque yn pipiltin tlaquinhualnotzati yn tiachcahuan auh ynônyaque nimân yequin nahuatia quimilhuia cenca yeoc yetoconana yniuh mochihuani. Auh quitoque yn tiachcahuân maçan chicahuac mana niman quito yn ecahuin tlacatecatl tlaxicmocaquitican yntlacatletixpancah yniuh mochiuh chollolan yn çân {quin}caltzacque mexica ynaxcân mano yuh techiuhtin ma cencen tlapa[l] chimalli totlapial mochihua. Auh ynoyuhquicac nimân quito ÿn moteucçoma ¾04 cuixtoyaopan ynticate ma motelchihua niman quito yn tlacatecatl ca yequalli nimân yc ye pehua yncuicatl ynteyacana telpochtequihua tençacatl conaquia ytoca catca tolnahuacatl quauhtlaçol yn opeuh Cuicatl. ± Auh yyehuantin Castilteca nimân ye yc ceceyaca hualquiça tetla quiquiça niman yenanahuintin onmomamanato ynquixohuayan nimân yc côntlacohuitequito ynteyacanaya ce tlacatl quiyacahuitec ynixiptla Diablo auh yn tlatzotzonaya nimân yc quimônmamahuitequito caontetl yninhuehueuh Centetl Caltenpan quitzotzonaya niman yenequequeçallo ye yxpoliohua.//. Auh nimân cetlacatl tlenamacac acatli yacapan hualitztia tzatzitihuitz quitotihuitz mexicaye tle amay aocac yyollo q^mati aquique ynin mac mani malchimalli ynin maquauh çanac xoyaquahuitl yn oquittaque Castilteca niman ye motepotztia yuhqui ça mototopeuhtiaque ynic callacque nimân ycon mocaltzacque ynipan caltzactimânca Etzalqualiztli cenpohualtica ynipan etzalqualiztli ychtaca hualquiz ynitlatol moteucçoma quimilhui yn tiachcahuan. Tlaquicaquican yn mexica, ca yeomilhuitl ynatle nicqua ynin maçahuan teteo ontlan yn [t]olcuextli quinqualtia auh ynaxcan yeontetl y[n]comontihuetzi ± auh ynin maoc moxonexcaltican yn tiachcahuân maamo tipoliuhti nimân [q]uitoque yntiachcahuân ca ye qualli nimân ycmonahuatia çan yohualtica yn callaquia maçatlaqualli.

0 3

huey toçoztli. Niman ye toxcatl ynipan acoquiçaya yntlacatecolotl .//. quinmictique yn cuiçoyanohuaya ynicpeuh Cuicoyanoliztli çan quitlan ÿn moteuc çoma quilhui y malintzin tlaq^mocaquiti ynteotl ± ca otaçico ynilhuiuh ÿn toteouh ca axcân matlaquilhuitl auh ynin caçaoc toconquixtia catle ma tayzque caçan tititotizque yn iquac ye quitlecahuia tzohualli telicahuacazque ÿn mexica çan ye ixquich atle ma yhuan. Auh niman quito yn capitan: cayequalli ma quichihuazque caonicac. Nimân yconpeuhque quimilochtito yn oc cequintin huallaca castilteca ça yehuatl yn Tonatiuh mocauhtia yhuan oc cequintin auh yn iquac oacito ynintlapohualpan nimân ye quitohua ynmoteucçoma tlaquicaquican ynahtzitzihuan ca yz catqui niquilhui yn teotl ca otaçico yni[lhuiu]h yn toteouh ca toconilhuiquixtilizq^. Niman quito xicchihuacan auh ÿn moteucçoma nimân quimilhui yn Mexica yn pipiltin ynaxcân quêntonyezque. Auh nimân quitoque yn pipiltin tlaquinhualnotzati yn tiachcahuan auh ynônyaque nimân yequin nahuatia quimilhuia cenca yeoc yetoconana yniuh mochihuani. Auh quitoque yn tiachcahuân maçan chicahuac mana niman quito yn ecahuin tlacatecatl tlaxicmocaquitican yntlacatletixpancah yniuh mochiuh chollolan yn çân {quin}caltzacque mexica ynaxcân mano yuh techiuhtin ma cencen tlapa[l] chimalli totlapial mochihua. Auh ynoyuhquicac nimân quito ÿn moteucçoma ¾04 cuixtoyaopan ynticate ma motelchihua niman quito yn tlacatecatl ca yequalli nimân yc ye pehua yncuicatl ynteyacana telpochtequihua tençacatl conaquia ytoca catca tolnahuacatl quauhtlaçol yn opeuh Cuicatl. ± Auh yyehuantin Castilteca nimân ye yc ceceyaca hualquiça tetla quiquiça niman yenanahuintin onmomamanato ynquixohuayan nimân yc côntlacohuitequito ynteyacanaya ce tlacatl quiyacahuitec ynixiptla Diablo auh yn tlatzotzonaya nimân yc quimônmamahuitequito caontetl yninhuehueuh Centetl Caltenpan quitzotzonaya niman yenequequeçallo ye yxpoliohua.//. Auh nimân cetlacatl tlenamacac acatli yacapan hualitztia tzatzitihuitz quitotihuitz mexicaye tle amay aocac yyollo q^mati aquique ynin mac mani malchimalli ynin maquauh çanac xoyaquahuitl yn oquittaque Castilteca niman ye motepotztia yuhqui ça mototopeuhtiaque ynic callacque nimân ycon mocaltzacque ynipan caltzactimânca Etzalqualiztli cenpohualtica ynipan etzalqualiztli ychtaca hualquiz ynitlatol moteucçoma quimilhui yn tiachcahuan. Tlaquicaquican yn mexica, ca yeomilhuitl ynatle nicqua ynin maçahuan teteo ontlan yn [t]olcuextli quinqualtia auh ynaxcan yeontetl y[n]comontihuetzi ± auh ynin maoc moxonexcaltican yn tiachcahuân maamo tipoliuhti nimân [q]uitoque yntiachcahuân ca ye qualli nimân ycmonahuatia çan yohualtica yn callaquia maçatlaqualli.

0 4

Auh nimân hualla, yn capitan ynquin cuepato ocçequintin castilteca hualazquia yehuatl yn marques capitan yquac yyenochicomilhuitl ypan necalihuac. auh tecuilhuitontli yn ipan yaque tlaxcalan yquac mic ÿn moteucçoma. Ynin ypan yn mochiuh ome tecpatl {1520}. {2 tecpatl} Auh yniquac omic moteucçoma nimân quihualmamaltique ytoca apanecatl ompa quihuicac ÿn huitzillan çan yeompa quihualtocaque yeno yeompaquihuicac ynehcatitlan çan no quihualtocaq^ quihualmiminque yeno ye ompa quihuicac yn tecpantzinco çan no quihualtocaque yeno çeppa quihuicac yn acatl yyacapan quin ye onpa canque q^to yn apanecatl: totecuiyohuane motolinia yn moteucçoma cuix nic mamatinemiz. niman quitoq[ue] yn pipiltin ± xoconanacan.nimân quimontequiuhtique yn calpixque quitlatiq^ yninacayo ynin ypan ynometecpatl mochiuh ynomoteneuh; ynic quizque tolteca acaloco totoltepec mocehuito ynic yaque tlaxcallan yhuân ynic macalximato tetzcoco. Auh nimân hueytecuilhuitl tlaxochimâncayotl huetzi ochpaniztli yn ipan motlatocatlalli yn cuitlahuatzin pachtontli huey pachtli quecholli tlami yn ipan momiquili Cuitlahuatzin napohualilhuitl yn ontlatocat Cuitlahuatzin totomon ynic momiquilli. Auh panquetzaliztli atemoztli tititl yzcalli ynipan motlatocatlalli yn quauhtemoctzin. ¾05 {1521} Ypan yn cexiuhtlapohuali huehue xihuitl 3 calli Auh yn oyuh ônmotlatocatlalli quauhtemoctzin tlacaxipehualiztli ynipan quimonpeuh chalca yhuan xocotitlan tlaca toçoztontli ynipan micque pipiltin tzihuac popoca xoxopehualoc tzihuactzin tencuecuenotl axayaca totlehuicol ynic micque ytencopa ynquauhtemoc ± ynamantlan tlenamacac quimilhui yn tiachcahuan ye omilhuitl ÿn notlânhualcecemilhuitia yn tzihuac popoca ma ytla nechayti nimân quitoq^ yn tiachcahuan macaquin moyollitlacalhui yntlacatl tlacocolizcuitizq^ ma tiquincahuacan ma yauh nimân ye monahuatia yn tlamacazque no yehuântin yn tiachcahuân yntemictizq^ nimân yequintetemohua yn oquittaque mohuehuetzquilitihui yn quauhtemoctzin. Nimân yquech[tlan] canato quilhuia ocxihuallao niccauhtzq^. Nimân oncan conhuihuitecq^ yhuân ynizquintin omo teneuhque. huey toçoztli niman toxcatl etzalqualiztli ypan yntechpehualtique yn castilteca ynic techpeuhque tecuilhuitontli huey tecuilhuitl niman ye miccaylhuitontli yc napohualtonatiuh ynaxihuac mexicayotl yntenochcayotl ypan yney calli ynpehualoque mexica tenochca. (Glyphes)

0 4

Auh nimân hualla, yn capitan ynquin cuepato ocçequintin castilteca hualazquia yehuatl yn marques capitan yquac yyenochicomilhuitl ypan necalihuac. auh tecuilhuitontli yn ipan yaque tlaxcalan yquac mic ÿn moteucçoma. Ynin ypan yn mochiuh ome tecpatl {1520}. {2 tecpatl} Auh yniquac omic moteucçoma nimân quihualmamaltique ytoca apanecatl ompa quihuicac ÿn huitzillan çan yeompa quihualtocaque yeno yeompaquihuicac ynehcatitlan çan no quihualtocaq^ quihualmiminque yeno ye ompa quihuicac yn tecpantzinco çan no quihualtocaque yeno çeppa quihuicac yn acatl yyacapan quin ye onpa canque q^to yn apanecatl: totecuiyohuane motolinia yn moteucçoma cuix nic mamatinemiz. niman quitoq[ue] yn pipiltin ± xoconanacan.nimân quimontequiuhtique yn calpixque quitlatiq^ yninacayo ynin ypan ynometecpatl mochiuh ynomoteneuh; ynic quizque tolteca acaloco totoltepec mocehuito ynic yaque tlaxcallan yhuân ynic macalximato tetzcoco. Auh nimân hueytecuilhuitl tlaxochimâncayotl huetzi ochpaniztli yn ipan motlatocatlalli yn cuitlahuatzin pachtontli huey pachtli quecholli tlami yn ipan momiquili Cuitlahuatzin napohualilhuitl yn ontlatocat Cuitlahuatzin totomon ynic momiquilli. Auh panquetzaliztli atemoztli tititl yzcalli ynipan motlatocatlalli yn quauhtemoctzin. ¾05 {1521} Ypan yn cexiuhtlapohuali huehue xihuitl 3 calli Auh yn oyuh ônmotlatocatlalli quauhtemoctzin tlacaxipehualiztli ynipan quimonpeuh chalca yhuan xocotitlan tlaca toçoztontli ynipan micque pipiltin tzihuac popoca xoxopehualoc tzihuactzin tencuecuenotl axayaca totlehuicol ynic micque ytencopa ynquauhtemoc ± ynamantlan tlenamacac quimilhui yn tiachcahuan ye omilhuitl ÿn notlânhualcecemilhuitia yn tzihuac popoca ma ytla nechayti nimân quitoq^ yn tiachcahuan macaquin moyollitlacalhui yntlacatl tlacocolizcuitizq^ ma tiquincahuacan ma yauh nimân ye monahuatia yn tlamacazque no yehuântin yn tiachcahuân yntemictizq^ nimân yequintetemohua yn oquittaque mohuehuetzquilitihui yn quauhtemoctzin. Nimân yquech[tlan] canato quilhuia ocxihuallao niccauhtzq^. Nimân oncan conhuihuitecq^ yhuân ynizquintin omo teneuhque. huey toçoztli niman toxcatl etzalqualiztli ypan yntechpehualtique yn castilteca ynic techpeuhque tecuilhuitontli huey tecuilhuitl niman ye miccaylhuitontli yc napohualtonatiuh ynaxihuac mexicayotl yntenochcayotl ypan yney calli ynpehualoque mexica tenochca. (Glyphes)

0 5

Y yehuatzin tlatohuani quauhtemoctzîn ypân mochiuh y yaoyotl ynic moyahuac mexicayotl tenochcayotl yquac yn quîncentlalique tlatoque acachinânco quauhtemoctzin tlacotzin motelchiuhtzin oquitzin ± nahuîntin yn tzaqualoto ynilpitoca coyohuacan ynicxitlatilloque yhuan teohua quauhcohuatl cohuayhuitl tecohuatzin tetlan mecatl. {1522 4 tochtli} 4 tochtli ynipân onpeohuac pantlân yhuan Cuextlan yhuan michhuacan. {1523} 5 acatl yquac qualoc tonatiuh. {1524} 6 tecpatl ynipan maxitico p{e}me [padreme] San fran{co} [Francisco] teopixq^ matlactin omomên ÿnmaxitico ynicân huey altepetl ypan Mexico oncan mohuetziltique ÿn motenehua petlacalco ynaxcan oncan Sancta Clara ynoyuh maxitico niman yctzintic ynteoyotl yquac peuh yyemotemachtilia padreme. auh achi quezqui xihuitl yn onpa moyetzticatca petlacalco Ca tepan hualmiquanitzinoque yn axcan oncan moyetzticate S. fran{co} [Francisco] motenehua yhuexocalco ÿn moteucçoma {1525 7 calli} 7 calli nican miquico yn quauhtemoctzin tlacotzîn oquitzin hueymollan ynmomiquilito quinpilloque pochotl ytech /ynquin pilloq^/ y momiquili. Nican onquauhtlato ynmotelchiuhtzin. {1526} 8 tochtli {1527} 9 acatl ynipan onpeohuac quauhtemallan ynic yaque Castilteca ± yhuan Tonatiuh dôn p{o} [pedro] de alvarado. {1528} 10 tecpatl ypan maxitico obispo don fray Juan çumarraga yacachto obispo ymexico auh no yquac onpeohuac Colhuacan yxquichtin yaque ynohuian altepetl ypan tlatoque auh huel quicen ¾06 cauhque y mexica y tencopa mochiuh ÿn guzmani yhuân yquac moquetz ynayotli chapoltepec hualamelahua. {1529} 11 calli ypan tzintic y nenamictiliztli yquac acico presidente ynic tetlaocolico tetlatla collaçaco {*} {1530} 12 tochtli ypan ynonquauhtlato don pablo xochiquên Calpixqui catca yquac totomonihuac yhuân yquac yah yn motelchiuhtzin yn colhuacân onpa momiquilito. {1531} 13 acatl ynipan mochiuh y neyxcuitilli tlamahuiçolli S. Diago yehuatl ynic tlamiz cm^c yhuân yquac ynecapatiloc yniuhque tlaxcalteca ycnemi yhuân yquac motlapachoque yçihua yhuân yquac quinxinq^ yntenochca quintlaxillique ynintequihuacatzon ynquachic ynotomitl catca {acatl yq^e moquetz in cruz yni pan xiuitl acatl} ± {1532 tecpatl} Cetecpatl ynipan totomonihuac amocênca totocac yquac ynmoquetz otli chapoltepec tlamellahua {1533} 2 calli nican tlallolin cenca molhui çêncatotocac. {1534} 3 tochtli yquac açico llic{Do} [licenciado] zeynos oydor yhuân yquac maxitico ÿn visorrey Don antonio De mendoça nimân yc onpeuh ynpresidente. {1535} 4 acatl {1536} 5 tecpatl yquac mic yn don pablo Xochiquen. {1537} 6 calli yquac nez yniztac teocuitlatl tomines. {1538} 7 tochtli yquac motlatocatlalli yn Don Diego huanitzin yc matlactli omey tlatohuani. {1539} 8 acatl ynipan ônpeuhque tenochca ynic yaque yâncuic tlalpan yquac quitlatique yntetzcoco tlatohuani Don Carllos. {1540} 9 tecpatl {1541} 10 calli yquac onpeuh ÿn zeynos yniya Castillan auh no yquac momiquili yn Don Diego huanitzin auh niman ycônmotlalli ÿn Don Di[ego] tehuetzquititzin yquac yn ônpeohuac xochipillân ônpamotlatocapacato yhuân mohuicac ÿnn Dôn an{o} [Antonio] De mêndoza quînpehuato xochipilteca.

0 6

± 11 tochtli yquac nez ÿnquarto tepoztomines yquac acico y yancuic tlalpanhuia tenochca. {1543} 12 acatl Nican teuhtli moquetz ynic mayanaloc çân quezquilhuitl yquac yn tzatzic teopan Bartholome huehue atenpanecatl yquac nez oztotl tetzicapan {1544} 13 tecpatl yquac acico visitador fran{co} [Francisco] Dello Santual teoyotica tetlatemollico y nicân mexico. {1545} Cecalli nican momanaco {cocoliztli} toyacacpa eztliquiz cexihuitl ÿn manca yquac moman ÿn tianquiztli Sanc hipolito. {1546} 2 tochtli {1547} 3 acatl nican momamal y Sanc Joseph teocalli no yquac moquetz ynapepetzpaacallotli {1548} 4 tecpatl yquac Confirmacion quimotemaquili yn ob^po [obispo] Don fray Juan. Auh no yquac momiquilli ynobispo yhuan yquac ÿn mohueylli acaxitl Sct [Sanct] miguel onpa quintenexaltique ÿnmexica fran{co} [Francisco] oçelotecatl yhuân yquac huallaque Jueztin ynicân mexico fran{co} [Francisco] vasquez chollolan ychan matheo xuarez tepeyacac ychan. {1549} ± 5 calli nican motlalique yancuican alldesme [alcaldesme] aneztoc chane San Juan Don Diego Cahual atzaqualco chane yehuantin conpehualtiq^ ÿn alldeyotl [alcaldeyotl] yquac mopehualti tlacallaquilli ome tomîn i. ts. m{o} [medio]. {1550} 6 tochtli yquac necocoloc quechpoçahualiztli mânca totonqui tequechtlân motlatlali yc micohuac yhuân yquac moquetz ynacalotli Citlaltepec. {1551} 7 acatl yquac ompeuh yn Don ant{o} [Antonio] de mêndoça ynic ya Beron auh no yquac acico ÿn Don Luis De velasco visorrey. {1552} 8 tecpatl Nican motlalli Romano quitemoco ¾07 ynixquich netlayecoltiliztli yhuân ynixquich tianquizcomonamaca ynquenpatio çequi quitzinquixti yhuân cequi quihuecapano yhuân yquac mohueyli ynayotli S¨ fran{co} [Francisco] yquac ynônpeohuac çacatlan yhuân yquac xitin yxmatlatepetl ynonpa chalco. {1553} 9 calli yquac moyancuilli yntepantlatzaqualli S¨ fran{co} [Francisco] yhuan yquac yeno çeppa ompeuhq^ yntenochca yn çacatlan yhuan yquac motepachoque ynteocuitlahuaq^ teopan S¨ Joseph Domingotica quaresmatica ypan março 12 dias ± yhuân yquac hualla tlatolli ynonpa beron ynicônpa momiquili Don ant{o} [Antonio] de mendoza. {1552} 10 tochtli nican miquico ÿn Don Diego tehuetzquititzîn ÿn mexico tlatohuani catca yhuân yquac acico arçobispo Donfray alonso De Montufar. yhuan yquac callaquico ÿnJuez Don Esteuân De guzman xochimilco chane quintlatemolico ÿn mexica teyacanque ypan Junio yncallaquico. {1555} 11 acatl ynipan momiquilli tapia tlatol ypiltzîncatca ÿn motelchiuhtzin nahuatlatohuaya ÿn audiênçia yhuân yquac motlachcuitlaz yntecpancali S¨ Lazaro ynaxcan oncan audi{a} [Audiencia] çan ic ônmocuic nextli ÿnmotlachCuitlaz auh yniquac mozcallitzino tt{o} [totecuiyo] yquac momamal çanoc xacalli motecac yuhquin quauhq^cholteca calli tlanepantla moquetz. {1556} 12 tecpatl yquac moquetz yntetenamitl nohuian huitza ynaltepetl ypan tlaca tlatoq^ ynquichihuaco yn mopehualti ypan Deziembre yquac temoque mimichtin. {1557} 13 calli yquac motlatocatlalli yn Don x^poval [Christoval] De guzman mexico gou{dor} [gouernador] ynoyuh ônmotlatocatlalli nimân yc ya ÿn Juez Don Esteuân contlalitia tlatoani.

0 7

Auh no yquac mochiuh ynic mocêntlaliq^ tlatoque ynohuiân altepetl ypan ynic tlatênnamicoc ynipanpa yc motlalli Emperador Castillan tlatoani Rey Don felipe. {1558} Cetochtli nican hualla Jubileo ytetlaocoliltzîn Sancto p{e} [padre]. {1559} 2 acatl ypan toxiuh molpili yhuân yquac ônpeohuac Alafrolita Españolti yhuan mexica ynauhcanpayxti yhuan tlatilolca yhuan yquac moquetz quauhteocalli monumento ynôncan S¨ Joseph ynic ypânpa tlatlatlauhtiloc Emperador Don carlos quinto yhuân yquac temoquechachapolme yhuân yquac tlallolin çenca totocac. {1560} 3 tecpatl Nican yeno ceppa açico zeynos oydor nicân açico ÿn mexica yn yaoc huia ala florida ypân metztli agusto yquac tecalicuillo Juan Callego yhuân Juez Don Esteuan de guzmân ynic jueztico ypanpa chinamitl yncalpollali yc moteylhuiq^ ynauhcânpaayxti. {1561} 4 calli Nican momamal yntecpancalli Sant lazaro yn axcan oncan insala audi{a} [Audiencia] yaotlacuilloli ± oncan ycuilliuhtoc. {1562} 5 tochtli yquac momiquili yn Don x^poval [Christoval] de guzman gouernador Catca Mexico. {1563} 6 acatl yquac acico marques ynichualla Castillân ypiltzin ÿn marques huehue. Auh çan no ypan ÿn motlatocatlali Don luis de Sacta maria yhuân yquac acico visitador bar{me} [Bartolome] De villees quitlalico tlacallaquilli ynaxcan tictequiti çeçên ps{o} [pesos] ypân heey t{s} [tomines]. {1564} 7 tecpatl yquac quintlayahualochtique ÿnmexica ynipanpa tlacallaquilli yniquac motlali auh oncantecaquitiloc yn tecpan yn auto ynic motlali ¾08 totequiuh yniquac oquicacque ynmexica niman motenhuitecque ycahuacaque yhuân tlatetepachoque yehuatl ynic tlayahualochtiloque yhuan yquac momiquili visorrey don luis develasco Sancto Domingo quimotoquilito yninacayotzîn yhuân yquac yancuican huilohuac ompeuhque castilteca yn alachina auh no yquac moman ÿn letabla S¨ Joseph yehuatl ynaxcanmani teocuitlayo. {1565} 8 calli ypan ymomiquili Don luis deSacta maria gouernador catca ÿn Mexico. {1566} 9 tochtli ynipan quechcotonaloque tlatoque ± alonso Davilla yhuan yteyccauh giligonzalez Davilla yaoyotl quichihuazquia ynican mexico no yq^c [yquac] açico visorrey Don caston Deperalta. {1567} 10 acatl ynipan huepanaloto ytztapaltetitlan huel mocencauh ynic mexico yhuan altepetl ypantlaca yhuân yquac açico Jueztin Eyntin ÿn Castillân ynic quinquechcotonaco ocçequintin tlatoque yyaoyotl quitohuaya ynicân mexico. yn moch momanaya alonso davilla. {1568} 11 tecpatl yquac momamal yn San agustin ycapilla yn teocuitlayo ÿnçanixquich oncân missa mitohua Altar mayor oncanca yhuân yquac açico visorrey Don m^jn [Martin] Enriquez lunes hueliquac ynSanctome ymilhuitzin. {1569} l2 calli ynoncan tlatlapoloyan S¨ fran{co} [Francisco] yquac micuillo tlillacuilloli yehuatl ynteoyotica y tlacamecayo Sanct fran{co} [Francisco]. {1570} 13 tochtli yquac ynônpeuhque tlapitzq^ alachina chiquacemintin y yaque tariano quipitza yhuân chirimias mexica y yaque alachina yhuân yq^c [yquac] mopehualti ÿnmotlachcui tlaçaya ynayotli ypan

0 8

huallazquia ynonpa Sanct miguel // yhuân yniquac ylhuitzincatca asumpçion ± ompa mictiloque ynteopixque clerigoti ynquin momictilique ycamohuel ylhuitlquiz yhuân amomito miSsa ynonpa. {1571} Ceacatl yquac momân ynhorgano S. Joseph yhuân yquac nican momiquili obp^o [obispo] S. fran{co} [Francisco] ytoca Dôn fray fra{co} [Francisco] Detoral obpo [obispo] toyocatlan calitic motocatzino Sanc fran{co} [Francisco] yhuan yquac ytlacauhca S. migl [Miguel] acaxitl yquac açico quisidor don p{o} [pedro] moya Decontrelas ytlayhualtzin Sancto p{e} [Padre]. {1572} 12 tecpatl nican momiquilli ÿn arçobispo Don fray alonso demontosar çan no Sancto Domingo q^motoquilito marco ynipân momiquili auh çânnoyquac momiquili yn totlaçotatzin fray p{o} [pedro] Degante maestro catca mexico ompatoctitoc yninacayo S. Joseph abril ynipân momiquili yhuân yquac mochiuh ynincal morosme ynicpehualoque huey castillo moquetz ypan ÿn Sanc Diago ylhuitzin cênca huey tlamahuiçolli mochiuh yhuan yquac maxitico Diatinos teopixq^ ynaxcan moyetzticate xacalco. {1573} 3 calli yquac momiquili Don fran{co} [Francisco] ximênz [Ximenez] gou{or} [gouernador] catca mexico tecamachalco ychan auh ônpa momiquilito ychân. Auh nimân hualla ÿn Don ant{o} [Antonio] valeriano Juez ychan azcapotzalco. {1574} 4 tochtli yquac mochiuh yn auto ± yehuatl quimochihuili ynquisidor Don p{o} [pedro] omentin ÿn quintlati luderanos ynonpa Sanctipolito yxquichtin hualmohuicaque yn teopixq^ nohuia Sanc fran{co} [Francisco] Sancto Domingo Sanc agustin yhuân yquac momiquili tlacopân tlatohuani Don antonio Cortes. {1575} 5 acatl yquac mochiuh tlamahuiçolli yehuatl ynic ¾09 açico Marques yniuhquinamic moteucçomatzîn ynican mexico moch huitza ynaltepetl ypan tlaca tlamahuiçoco auh noyquac mocallaquique ynSanctagustin teopixq^ ynic motlalitznoto Sanc pablo. {1576} 6 tecpatl yquac mochalli momamal yn S{to} Domigo teocalli yhuan yquac mopehualti ynincaltzîn S. fran{co} [Francisco] teopixq^ ynincochiantzinco yhuan yquac motlalli totlacallaquil ho ome t{s} [tomines] cecên t{s} [tomines] yhuan yquac momanaco cocoliztli yneztli toyacacpaquiz huel miectzôntli ÿnmomiquili auh ça oncân y Comurgal mochihuaya teylpilloyan. {1577} 7 calli yquac mochiuh yn tlahuahuanaliztli yniuh mochihuaya yehuecauh yc quintlamahuiçoltiq^ yntlatoque yhuan yquac yancuican maxitico descalços çan moquixtitiq'zque mohuicaq^ alachina yhuan yquac popocaya citlalin ocachitlaca ÿnpehuaya. {1578} 8 tochtli yquac tlayahualoloc ynonpa Diatinos ypânpa ompa motlalito ynimomiyo Sanctome onpahualla Roma ôncan oneohuac yniglesia mayor ynic tlayahualoloc. {1579} ± 9 acatl yquac momiquilli yn totlaçotatzin fray alonso Demolina totemachticatzin catca auh yeno çeppa yq^c [yquac] necocoloc hueltotocac yncocoliztli miec tlacatl ymomiquili auh ypan pascua nauidad y hualmohuicaque ynipilhuân Sâncta clara ynaxcân ôncan moyetzticate petlacalco. {1580} 10 tecpatl yquac mohuicac yn Visorey Don mj^n [Martin] ênriquez ynic mohuicac beron auh çânno yquac maxitico Don Lurenço xuarez Demêndoça conDe De Curona. Auh no yquac maxitico y Descalsos p{e}me [padreme] ÿnmoyetzticate verta yhuân huitzilopochco.

0 8

huallazquia ynonpa Sanct miguel // yhuân yniquac ylhuitzincatca asumpçion ± ompa mictiloque ynteopixque clerigoti ynquin momictilique ycamohuel ylhuitlquiz yhuân amomito miSsa ynonpa. {1571} Ceacatl yquac momân ynhorgano S. Joseph yhuân yquac nican momiquili obp^o [obispo] S. fran{co} [Francisco] ytoca Dôn fray fra{co} [Francisco] Detoral obpo [obispo] toyocatlan calitic motocatzino Sanc fran{co} [Francisco] yhuan yquac ytlacauhca S. migl [Miguel] acaxitl yquac açico quisidor don p{o} [pedro] moya Decontrelas ytlayhualtzin Sancto p{e} [Padre]. {1572} 12 tecpatl nican momiquilli ÿn arçobispo Don fray alonso demontosar çan no Sancto Domingo q^motoquilito marco ynipân momiquili auh çânnoyquac momiquili yn totlaçotatzin fray p{o} [pedro] Degante maestro catca mexico ompatoctitoc yninacayo S. Joseph abril ynipân momiquili yhuân yquac mochiuh ynincal morosme ynicpehualoque huey castillo moquetz ypan ÿn Sanc Diago ylhuitzin cênca huey tlamahuiçolli mochiuh yhuan yquac maxitico Diatinos teopixq^ ynaxcan moyetzticate xacalco. {1573} 3 calli yquac momiquili Don fran{co} [Francisco] ximênz [Ximenez] gou{or} [gouernador] catca mexico tecamachalco ychan auh ônpa momiquilito ychân. Auh nimân hualla ÿn Don ant{o} [Antonio] valeriano Juez ychan azcapotzalco. {1574} 4 tochtli yquac mochiuh yn auto ± yehuatl quimochihuili ynquisidor Don p{o} [pedro] omentin ÿn quintlati luderanos ynonpa Sanctipolito yxquichtin hualmohuicaque yn teopixq^ nohuia Sanc fran{co} [Francisco] Sancto Domingo Sanc agustin yhuân yquac momiquili tlacopân tlatohuani Don antonio Cortes. {1575} 5 acatl yquac mochiuh tlamahuiçolli yehuatl ynic ¾09 açico Marques yniuhquinamic moteucçomatzîn ynican mexico moch huitza ynaltepetl ypan tlaca tlamahuiçoco auh noyquac mocallaquique ynSanctagustin teopixq^ ynic motlalitznoto Sanc pablo. {1576} 6 tecpatl yquac mochalli momamal yn S{to} Domigo teocalli yhuan yquac mopehualti ynincaltzîn S. fran{co} [Francisco] teopixq^ ynincochiantzinco yhuan yquac motlalli totlacallaquil ho ome t{s} [tomines] cecên t{s} [tomines] yhuan yquac momanaco cocoliztli yneztli toyacacpaquiz huel miectzôntli ÿnmomiquili auh ça oncân y Comurgal mochihuaya teylpilloyan. {1577} 7 calli yquac mochiuh yn tlahuahuanaliztli yniuh mochihuaya yehuecauh yc quintlamahuiçoltiq^ yntlatoque yhuan yquac yancuican maxitico descalços çan moquixtitiq'zque mohuicaq^ alachina yhuan yquac popocaya citlalin ocachitlaca ÿnpehuaya. {1578} 8 tochtli yquac tlayahualoloc ynonpa Diatinos ypânpa ompa motlalito ynimomiyo Sanctome onpahualla Roma ôncan oneohuac yniglesia mayor ynic tlayahualoloc. {1579} ± 9 acatl yquac momiquilli yn totlaçotatzin fray alonso Demolina totemachticatzin catca auh yeno çeppa yq^c [yquac] necocoloc hueltotocac yncocoliztli miec tlacatl ymomiquili auh ypan pascua nauidad y hualmohuicaque ynipilhuân Sâncta clara ynaxcân ôncan moyetzticate petlacalco. {1580} 10 tecpatl yquac mohuicac yn Visorey Don mj^n [Martin] ênriquez ynic mohuicac beron auh çânno yquac maxitico Don Lurenço xuarez Demêndoça conDe De Curona. Auh no yquac maxitico y Descalsos p{e}me [padreme] ÿnmoyetzticate verta yhuân huitzilopochco.

0 9

calli {1582} 12 tochtli abril ypan ÿnmomân letabla dela Conçepciôn. {1583} 13 acatl yquac mochalli ynacaxitl yntianquizco mani ynichuetzico atl chiquacênxiuhtica yecahuico yhuan no yquac moyecti motlacuicuili ynacalotli y nicân mexico ynizqui acalotli nohuian huitza ynaltepetl ypantlaca. // auh noyquac motlaliq^ monjas Sâncta monica ypilhuân ôncan ÿnhuitzillan. // Noyquac hualmohuicac Crucifixo ynonpa monextitzino totolapan {*} San guilermo çayuh huiptla Deramos San pablo maxitico çatepan hualmohuicac ÿn Sânt agustin xolloco quimonamiquilito ynixquichtin teopixq^ ± agustinos fran{cos} [Franciscos] Dominicos glericos Diatinos. Yhuân yquac yancuicân motlayahualhuiq^ yn S{to} [Sancto] Domingo ypilhuân huelmahuiztic ynitlayhiyohuiliztzin ynic motecpân. {1584} Cetecpatl yquac ônmopehualti ÿn allde [alcalde] DeCorte Santiago Devera ynic mohuicac china quînmohuiquilli tlapitzque nahuintin auh cân hualaq^ hualmocuepque çaniçel ynquihuicaq^ chirimias quipitza atlixocan ychan. // Auhnoyquac mito ynixquichtin teopixque ÿn S. fran{co} [Francisco] S. agustin S. Domingo aocmo yehuantin motemachtilizq^ ynohuiân altepetl ypan yehuantin calaquizque ynglericos yhuan ynaltepetl ypan tlaca tlatoque nohuiân tlacuepaco tlanânquilico yninpanpatzinco teopixq^. // Auh çân no yq^c [yquac] omoyancuilli yniglesia mayor. {1585} 2 calli nicân mochiuh ynic tlayahualoloc ynipânpa Sancta Concilio ynteoyotica neçentlaliliztli Sancto ¾10 Domingo hualpehualoto ôncan hualhuilohuac y Sanct agustin yhuân ynixquichtin teopixq^ obisposme yn motlayahu[a]lhuique Don fray bar{me} [Bartolome] deleDesma obispo huuaxacac S{to} [Sancto] Domingo teopixqui Don fray Domingo Dealçura obp^os [obispo] xalixco teopixqui S{to} [Sancto] Domingo Don fray gre{o} [Gregorio] montanno obp^os [obispo] Campech teopixq^ S{to} [Sancto] Domingo ± Don Diego Romano obp^os [obispo] tlaxcallan teopixqui Sânt p{o} [pedro] glerico Don fray Juan Demedina obp^os [obispo] michhuacan teopixqui Sanct agustin. éahuallatzauctia yn arçobispo casolla quihualaquitia yhuân ytopil ymitra auhçan mochcapa ynquitlalitiaque obispos. / Don fray gomez DeCordova obp^os [obispo] quautemallan teopixqui Sanct gr{e} [Gregorio]. Auh ynin mochiuh ypan enero 2O ypân ylhuitzin S. Sebastiân. Auh ynic tzonquiz ypan ynilhuitzin S. lucas çan noyuh tlayahualoloc eylhuitl viernes Sabado Domingo auh çanno ypan ynomito xihuitl 1585 a{o}s [años] no yq^c [yquac] maxitico visorey Don aluaro Enriquez Dezunica. {1586} 3 tochtli yquac Sanct Sebastian poSsesion macoq^ teopixq^ Carmenistas ypan 19 de Enero ynicmocallaquique tlayahualoliztica ôncan oneohuac yn Sancto Domingo ycquimocuiliq^ ynic çemicac oncan moyetztiezque. Auh çan no yquac ynipan Sanc barnabe ylhuitzin 11 junio yquac ommopehualti yntlatohuani arçobp^o [arçobispo] ynic mohuicac Castillan yeteotlac ynônmopehualti Don p{o} [pedro] moya Decontrelas Caxtolxihuitl onçe yn omotlatocatillico mexico yexihuitl ÿnquisidor moyetzticatca. Auh niman ycquimocuilli ynitlatocayo

0 10

teoyotica Arçobispo matlacxihuitl yn arçobp^o [arçobispo] moyetzticatca ± yhuan ypân omochiuh ynicomicuilo calquatl S. Joseph mochi temimilli auh quin ypan otlamico Siete a{o}s [años] ypan março quaresma. {1587} 4 acatl yquac nican quimitalhuiq^ Capitulo ÿn Sanct agustin teopixq^ ypan Sanc marcos ylhuitzin Sabado auh ynimoztlayoc Domingo tlayahualoliztica ynôncan hualmohuicaque S. fran{co} [Francisco] Sânc Joseph Capilla yehuatzin yancuic prouincial motlalitzo oncân quimochihuilico miSsa S. Joseph yhuân çanno Sanct agustin teopixqui motemachtili ynotzonquiz teoyotl çannoyuh huilohuac tlayahualoliztica ynic neCuepaloc yc yximachoc yprouincial omotlalitzino ynin tlatocauh teopixq^. {1588} 5 tecpatl ypan cenca totocac yn cocoliztli yhuân yquac mixnamicque teopixq^ descalsos yhuân S. fran{co} [Francisco] ypânpa canazquia ceteopixqui ompacalac yniquac mochalaniaya ynitechpa comiSario auh cenca achihuecahua yninnetequipachol moteylhuiaya yn audiencia. Auh çan no ypan ÿnxihuitl ynomoteneuh maxitico Juez visitador comiSario quihualmihuali papa ynicquintlatemolico S. fran{co} [Francisco] teopixq^. auh ÿnmaxitico ypan metztli 19 mani octobre Jueues ÿnmaxitico 6 hora. {yhuan y quac momiquil p{e} [padre] ÿndio fran{co} [Francisco] Donado ± ypân março 1 Dias} {1589} 6 calli ynipan mochiuh Capitulo ynic momomoyahua S. fran{co} [Francisco] teopixqu^ çannoypan callaquico Juez ynictecalpohuaz ypan metztli março çano ypan micuillo ÿn S. Joseph teocalli yxquac quicuillo totlaçotatzin fray fran{co} [Francisco] Deganboa çânno ypan ÿnxihuitl otlallolin ypânmetztli abril 10 mani ypân martes ynicoppamochiuh yc 26 abril hueltotocac nimân opa mochiuh tlalolinaliztli ¾11 ypan lunes a 3 DeJulio 1589 anos yquac homahaqui yntlatzca ynithualco S. fran{co} [Francisco] ytêncopatzinco ganboa. yn axcan ypan lunes yc 9 de Julio yquac omomiquili yn ichpoch marques visorrey ytoca Donna fran{ca} [Francisca] blanga ypan omito miSsa ynôncan Sanc Joseph. Auh ynipan y visperas Sanc andres yquac poSsesiôn omacoq^ yn Sanc fran{co} [Francisco] teopixque ynichuel imaxcayez teocalli Sanc Juan Sancta maria ynoquînmacac poSsesion allde [alcalde] Decorte Seruandes. Sabado a cinco de ag{o} [agosto] 1589 a{o}s [años] yn ipan ylhuitzin q^ S. maria delas nieues motenehua cepayauhçihuapilli y quac motlalitzino in de nuestra Señora Demonsarate ynipân tlaxilacalli S. m{o} [Juan] tequixquipan. Oy miercoles a 4 de octubre de 1589 a{o}s [años] ± yquac yenoceppa meuh in pipilcuicatl mochin tin mitotique in pipiltotônti teopan tlaca huel mocêncauhq^ no huiân motlatlanehuiq^ ynaltepetl ypan huellipan motlatolti in totatzin /fray Jeronimo de éarate/ yn ipân axcan miercoles a 2O de novi{e} [noviembre] de 1589 yquac posesion macoq^ in teopixq^ S. fran{co} [Francisco] ynocân J. m{o} ytencoyatzinco marques yhuân Sancta m{a} [Maria] y quac guardian moyetzticatca fray bonauêntura auh in prouincial ytoca fray domingo dearisaga. Martes yc omilhuitl pasqua ypân 26 dez{e} [deziembre] de 1589 a{o}s [años] yquac tlatlac ynin capilla communiôn tlaca ynôncan caltenco quauhcocoyocco Callacohuayan. (fragment inférieur du folio 12)

0 11

¨¨¨pochtli yn ichpochtli in tlapa¨¨¨ huêntzin ylamatzin piltzintli conetzint¨¨¨ yn iquac domingo yn itlamiân metztli dez{e} [deziembre] de 1595 a{o}s [años] yquac tlayahualoloc Sant Sebastian hualpehualoto ônpa huilovac in Sant Lazaro acalcaltitlân huel mahuiztic ÿn mochiuh yxquich tlacatl ± ônpa huia in timacehualtin yhuan castilteca ônpa motemachtilli in totatzin fray helias deSan Jn{o} [Juan] bap{ta} [Baptista] ynin mochiuh ynic tlayahualoloc ypânpa cocoliztli ynic moyolce huitzinoz tt{o} [totecuiyo] yhuân tlaçocihuapilli. ¾12 ¨¨¨ fray Francisco de Ganbo[a]¨¨¨[fra]y gaspar ortiz. ynipan metztli febrero yhuân março abril yhuân xihuitl y quac ma [c]uilcan ônpeuhque in soldadosme alla China / gallifornia / yâncuic huehue mexico / lauaaña / ala florida yhuicpa Sant Juan de hua yc macuilcân yn yaoq^çato castilteca. ynipan ciudad mexico tenochtitlan Nueva España ynic nohuiân axcân ypân miercoles Sancto yc matlaquilhuitl mani metztli de abril de 1596 a{o}s [años] ynitic altepetl Sant fran{co} [Francisco] Sant Joseph Capilla yn quimoyacanilia yxquich monesterio ynic mexico.

Folios: 0