6r 28
] Ticociaoacatl Quetzalaztatzin Vitznaoatlailotlac hecatenpatiltzin qujncaqujti in tlatolli yoan qujmjttiti qujmjxpanti in qujoalcujque cozcatl qujmjlhuj Ca oticmaviçoque in matlalteuxivitl vel mopiaz in tlatlatique vel qujpiazque intla centetl qujchitonizque tocacal topipilhoan titeheoan Auh njman ie mocuepa in xivitl ie imonamjcioc in matlactli omei tochtli auh ie tlamjznequj ie itzonqujzian in xivitl omei tochtli in qujçaco in ie no ceppa ittoque Auh njman qujnonotztivetzico in Motecuçoma in oqujcac njman iciuhca tlaioa in iuh qujma in iuh moma ca iehoatl in topiltzin Quetzalcoatl in oqujçaco ca iuh catca iniollo in çan oallaz in çan qujçaqujuh qujoalmatiz in jpetl in jcpal ipampa ca vmitztia in jquac ia Auh in qujmjoa macujltin in qujnamjqujtivi in qujtlamamacativi in teiacantia Teuoa in jtecutoca in jpiltoca Joalli ichan Injc vme Tepuztecatl Injc ei tiçaoa Inic navi vevetecatl Injc macujlli Veicamecatl heca [fol r