cf_12_xii

folio: 61r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

61r 185

] ommoquaqujmjloa auh in quenmanjan injc mjxpoloa cõmaqujaia ihujtzoncalli quatzone quauhtlalpilonj icuexcochtlampa tentiuh ic tlalpitiuh iehoatl injc tetlepantlaxoia iuhqujn tetlepantlazquj ipã qujztiuh qujntlaieiecalhujtiuh in tetlepantlazque iteteucujtlamatemecauh necoccampa in ietiuh yiocanjxti ietiuh in jmac auh in teucujtlamatemecatl cuecuenio auh no ie in jcxic ieietiuh cotzeoatl teucujtlacotzeoatl çan petlanquj) Auh njmã imuztlaioc in ie no cuel ceppa qujçaco in jmacal conacanaco nonoalco aiauhcaltitlã auh njman no qujçaco in tlacxipanvia yoan in ie ixqujch tlaxcaltecatl yoan otomjtl vel tonac in qujntepevitivitze in Españoles [fol r

61r 186

] Auh in oacico nonoalco njmã ie ic tlaiecolo necaliva vel motetemman in tlaiecoliztli in iauiotl necoc in mjcoaia ixqujch mjnaloa in iniaovan no ixqujch in mexicatl necoc ivi necocolo iuh cemjlhujtl iuh ioac in necalioac Çan vmen in vevei tiacaoã in amo mjtzacujlianj in atle inpan qujmitta in iniaovã catca in amo qujtlaçotlaia in innacaio Jnjc ce tlacatl itoca Tzaiectzin Jnjc vme itoca Temoctzin auh ic teeca in omoteneuh in Tzilacatzin Auh in omoxiuhtlatique in Españoles in avel qujnchioa in avel qujnpetla in Mexica njman ic iaque calacque vel imellel acic qujncujtlapanvitivi in intlavilanalhoan