56r 177
] qujcujtivi in tlein ipan oqujçato in tlein oqujpantito qujcuj qujmotqujlia in aço tilmatli in aço quachtli in anoço tlaviztli in anoço teponaztli in anoço vevetl Auh in tlatilulca vmpa tlaiecoque in çoqujpan acalchimaltica auh in xolloco in oacico in vncan tenamjtl onoca in onepãtla in qujtzacutoca vtli in tlequjqujztli vei ic qujmotlaque aiamo xitin in iancujcan vetz auh injc vppa xitin auh injc expa iequene vel tlaltitech ia auh injc nappa iequene vel iccen tlaltitech ia in tenamjtl Auh in ontetl acalli qujnnamjctiuh in acalchimaleque necaliva in atlan Auh in tlequjqujztli imacaliacac tetentiuh auh in vnca tetzavatoc acalli in vncan tecpichauhtoc vmpa inpan contlaça [fol r