cf_08_viii

folio: 49r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

49r 345

In tlatoanj qujmocujtlaujaia ipan tlatoaia in tianqujztli ioã ixqujch tlanamactli impampa cujtlapilli atlapalli maçeoalli ioan ixqujch aoa tepeoa in jcnotlacatl in motolinja injc amo quequeloloz injc amo xixicoloz injc amo ica necacaiaoaloz injc amo nexictiloz injc motlacouja in anoço itla qujmonamaqujlia qujtecpanaia injc nononqua monamacaz icecentlamantli tlanamactli çan iieeian çan ioonoian amo ixneliuhtoca qujmjxquetzaia in tianqujzpan tlaiacanque in qujmocujtlaujaia in jpan tlatoaia in tianqujztli ioan ixqujch tlanamactli icecëtlamantli tlanamactli tiamjctli ipan manca qujmocujtlaujaia cecentlamantin tlaiacanque in innecujtlaujl catca injc aiac [fol r

49r 346

] texixicoz ioan quenjn tlapatiioaz quenjn tlanamacoz

49r 347

Nonqua onoca in qujnamaca in coztic ioan iztac teucujtlatl ioan chalchiujtl ioan teuxiujtl ioã quetzalitztli ioan quetzalli ioã xiuhtototl ioan tlauhquechol ioan ixqujch nepapan totoiujtl tlaçotli in jtech monequja tlaujztli chimalli

49r 348

Nonqua onoca in qujnamaca cacaoatl vej nacaztli tlilxochitl Nonqua onoca in qujnamaca veuej tilmatli tlaçotilmatli tlamachio tilmatli tlaçomaxtlatl tlamachcuejtl tlamachvipilli quachtli ichtilmatli aiatl ioan in ixqujch qualonj in tetech monequj no nonqua monamaca tlaolli iztac iauhtlaolli xiuhtoctlaolli coztic tlaolli coztic etl iztac etl tlilletl chichiltic etl çolcujcujltic etl aiecotli