CF_05_V

folio: 20v

Reproduccion digital

CF_05_V 20v
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

20v 167

In oçomatli imacpal in puchteca cenca qujtemoaia qujmopialtiaia in jquac in campa tiamjquja in tlanamacaia vncan qujtecaia qujlmach ic iciuhca aquj iciuhca muchi coalo in tlein qujnamaca qujl iehoatl iuh qujchioa in oçomatli yma ynjc motlapololtia No iehoantin in tilmanamacaque in jquac acan aquj in qujnamaca in aiac qujcoa in aço tilmatli in anoço cueitl anoço vipilli qujlmach qujchjlquaqualtia injc aquj Auh injc qujchioaia in jquac oalvia inchan qujtoaia acan oac in totiamjc ma xoconchilquaqualtican njman ic ijtic contema aço vme anoço ey in chilli qujlmach ic aquja injc iuh qujchioaia in ic qujtoa qujchilquaqualtia

20v 169

Injc cempoalli oce capitulo itechpa tlatoa in texolotl yoan comalli

20v 171

In jquac aqujn patoaia in jchan in jtexolouh ioan in jcomal ioan in jmetl ixtlapach qujmanaia auh in texolotl cana xomolco qujpiloaia qujlmach ic amo qujtlanizque in chane çan ie tlatlanjz Yoan in iehoatl texolotl in jquac qujmaci in qujnmôvia qujqujmjchtin in texolotl qujiaoac qujoallaça qujlmach intla çan cali iez amo vel macizque in qujqujmjchti qujlmach çan qujmonjoatica

20v 173

Injc cempoalli omome capitulo intechpa tlatoa in qujqujmjchti

20v 175

Qujtoaia in ie vecauh qujlmach in qujqujmjchti vel qujmati in aqujn momemecatia in aço telpuchtli anoço cioatl Injc neci in qujmjchin qujcoionja in chiqujvitl anoço tecomatl anoço xicalli qujtenquaquaia No iuhque intla namjque toqujchtin anoço cioatl yn jnpetl anoço yn jtilma toqujchtin qujcoionjaia ça no iuhqujn cioatl yn jcue anoço yn jvipil qujcoionja yoan noujan tlacocoionja in qujmjchin qujl ic qujnezcaiotia ca oqujtlaxin yn jnamjc

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v