CF_04_IV

folio: 55r

Reproduccion digital

CF_04_IV 55r
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

55r 158

] atle ovi in qujcacamacaoa iuhqujn acontetemoa qujtoa iuhqujn qujmonolotza itlaellatol vel tepapacanj auh çan qujxcauja in cujtlaçotlaoatinemj tlatenmattinemj moquêquêquetza maaviltia aiel itla aiz cujtlatzcopic cujtlaçotlac cochmjmjl auh in ie oqujchiuh çan jc qujmati çan ic imachitilo in movicanaquja in movitilia in oalmozcalia ic tevic ic temecapal muchiuhtinemj auh çan no iui aontlaiecoa aontlaeltia in jtecuacan in vmpa tetlacauh âvel atl âvel metlatl contechiujlia çan neian qualpul qualtepul ixtimalpul iecê çan molhuj tlacamjmjlli atle inecoca atle ic temachilo ic njman inmac concaoa in tlacanecujloque in vmpa azcaputzalco tlacanecujlolli muchioa auh çatepan tlaaltilmjquj ieoatl ipopoliuhca yceniaca muchioa vncan tzomoccalaquj ca nel iauelnenotzaliz in oconcaujli in ocontemovi aocmo tlatollin tlatolli avmpa oqujttac in jzcaliloca çan jpan otlamelauh in iuhquj itonal in jpan tlacat auh inic achi qujqualtilizque itonal ipan caltiaia in Ei coatl ipampa omjto in jxqujch eei tonalli intla cemjlhujtiltia qujqualittaia auh intla noço qujnequjzque aço qujn jpan caltizque in chicome atl no ipampa in jqualtica in jxqujch chichicovme tonalli vt supra Auh injc amo ça [fol r

55r 159

] nen tontlatlatozque titlatolçacamuzque in amo çan tlatolxaqualli tlatolnechicolli tlatolnenel iliviztlatolli çan nen tlatolli toconnemjtizque ticcueptinemjzque ioan injc amo çan ieehoatl tiqujtotinemjzque ticcueptinemjzque ticcujtlacueptinemjzque in jxqujch omjto omoteneuh ça njcan onmocenteneoa onmocencamaitoa in tlatolli ca çan ie much iuhquj in jtlatlatollo ixqujch omoteneuh in iuh tetecpantivi in vncan qualtitiuh tonalli ioan in achi qualtitiuh ioan in njman amo qualtitiuh in jxqujch ic ontlatlantiuh matlatlactlomeei ipampa in ça njcan onmocentlalia izqujteme cencalpã tonaltin in qujnpeoaltitica ce calli ioan vme cuetzpalin ei coatl nauj mjqujztli macujlli maçatl chiquac tochtli chicome atl chicuei itzcujntli chicunauj oçomatli matlactli malinalli matlactloce acatl matlactlomome ocelutl matlactlomei quauhtli auh in jquac ontlan izqujlhujtl in njman oalmoquetza

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v  23r  23v  24r  24v  25r  25v  26r  26v  27r  27v  28r  28v  29r  29v  30r  30v  31r  31v  32r  32v  33r  33v  34r  34v  35r  35v  36r  36v  37r  37v  38r  38v  39r  39v  40r  40v  41r  41v  42r  42v  43r  43v  44r  44v  45r  45v  46r  46v  47r  47v  48r  48v  49r  49v  50r  50v  51r  51v  52r  52v  53r  53v  54r  54v  55r  55v  56r  56v  57r  57v  58r  58v  59r  59v  60r  60v  61r  61v  62r  62v  63r  63v  64r  64v  65r  65v  66r  66v  67r  67v  68r  68v  69r  69v  70r  70v  71r  71v  72r  72v  73r  73v  74r  74v  75r  75v