cf_04_iv

folio: 16r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

16r 39

Chiquacen malinalli iuh mjtoa amo qualli tequanj tonalli ipampa in aqujn ipan tlacatia çan tlaihiiovitinemj tlalticpac toneoatinemj chichinacatinemj cococ teopouhquj qujtztinemj auh in jpilhoan amo ceme moquetza avel oapauj amo vel mooapaoa çan much onmjctivi auh in qu man [fol r

16r 40

] vellacutli mocuepaia monamacaia

16r 41

Chicome acatl mjtoaia qualli in aqujn ipan tlacatia in oqujchtli in cioatl mâceoale ilhujle nemaque neçinj in jtech monequj onca in jaxca in jtlatquj in jioca auh in tlein mâailia moch tlaçaloa moch oniehoati atle nenqujça atle nenpolivi in jnecocol yn jçiaviz in aitlaaxcanvil in jtlapaliviztica qujtta

16r 42

Chicuei ocelotl ioan chicunavi quauhtli matlactli cozcaquauhtli matlactloce olin matlactlomome tecpal Yn jzqujtetl in atle qualli in tonalli iuh mjtoaia in aqujn ipan tlacati atle imaceoal atle ilhujlti inemacti çan oalnenenqujçan tlalticpac auh in matlactlomey qujavitl iuh mjtoa qualli ipampa iça tonaltzontli in aqujn ipan tlacatia in oqujchtli in çioatl tlacnopilhujanj moch onca in jtech monequj in qujqua in quj atle monectoc in jchan auh ioan mjtoaia vevetiz ylamatiz tlachicalhujz coliviz ipampa ca qujtlamja in tonalli ipan otlacat